諗緊點做

kachunwilly

因為賭欠左好多錢， 身邊朋友, 屋企人都不斷有幫自己,
每次幫完又打回原型, 今次我想緊去破產解決個問題。
過到呢一關我真係界賭, 賭其實真係好無謂。
比你連續中到幾口, 輸一口又唔服氣又賭過, 經常係星期5晚收哂錢, 星期6又輸返哂出黎架啦

關於破產, 我想問問各位師兄既經驗:
- 二線財務會點對待破產, 我意思佢地應該唔會真係唔再追數掛? 我其實唔係唔想找數, 但呢一刻搵萬幾要找幾萬真係想死。
- 我都有岩岩簽既二線財務(短至上2星期簽既有, 亦有找左1-2個月既).
- 第1筆個$15000 點都要死到出黎?　認真問如果搵到 15000 真係可能無咩咁急需要破產........
-朋友無寫欠條既款項會點處理？定係法官唔會考慮呢d "朋友欠債"

thx....

wahtung

二線財務會點對待破產?
扒吓舊文先
http://www.hkiva.org/forum.php?m ... &extra=page%3D5

kachunwilly

thanks 師兄，　呢度好多資料　我都仲消化緊

flypig

- 第1筆個$15000 點都要死到出黎?　認真問如果搵到 15000 真係可能無咩咁急需要破產........
無錢無得破。唔破就有人上門，佢淋漆油你報警。破左就少左一二線銀行，財務。但三線黑財難免。
-朋友無寫欠條既款項會點處理？定係法官唔會考慮呢d "朋友欠債"
有樣野叫受委託人。諸如破署的主任，外判等。佢地決定接唔接受。唔接受呢，就你每次還錢，朋友收唔到錢。接受，就on prorata 分錢

orewa_j

樓主，你話戒賭，停左幾耐先

重新戰士

希望你真係界到賭

honey

真心想講，你界唔到破產都冇用！

安太太

你真的不可以這樣下去。已經是病態一種。
其實你真的幸福，有這麼多次前科。家人仍然對你不離不棄。仲幫你。你真的好好界。

kachunwilly

首先真係多謝各位師兄師姐留言. 呢度既氣氛真係好好, 網上世界都可以咁溫暖, 唔一定要名爭利鬥。
容我在呢個園地分享下我既事, 或者叫做一個地方去舒發一下

界賭個方面, 我岩岩1年前去過東華三院既界賭服務, 個度既社工好用心, 但係我自己堂就照上, 面照見, 背後病態照舊。
我真係好憎呢個自己, 明明25歲既我係應該要活得更好. 做更多既事, 負更多既責任。
攬到呢幾年已經不斷搵錢,出糧, 分餅仔找數, 賭錢, 心灰輸錢, 借錢. 不斷loop.
旅行都去唔到邊, 澳門賭場就知點去 , 其他地方? 波既球隊名就知, 真實個度想去但都無能力去。
你問我澳洲墨爾本勝利邊個踢緊前峰, 我實答到你. 你問我個到夜晚有幾令, 我都好想知。

我應該真係好好彩, 呢幾年次次我都以為唔知點算既時間, 身邊人, 家人都仲有方法再幫。
今次我又去到一個唔知點算既點子, 我唔認為家人再有能力再幫. 我想用破產去長遠解決問題, 逼自己界賭。
輕生念頭真係有諗過, 但一想起我女朋友唔開心既樣 一幻想我同佢可以將來生活既事 我就唔捨得.

我希望可以 live log 咁記錄我破產既經過 同身邊既事, 希望我有慼染力作其他人既一個警惕. 亦唔想再有人好似我咁賭到去呢一地步。

flypig

kachunwilly 發表於 8-11-2015 17:48
首先真係多謝各位師兄師姐留言. 呢度既氣氛真係好好, 網上世界都可以咁溫暖, 唔一定要名爭利鬥。
容我在呢 ...

巴打，呢度因賭而破大有人在。我就7個位。但我又見到有Ching 輸左層樓。呢d野，其實好普遍下。唔駛灰心，大把人陪你。而你優勢在年輕，番身唔難。

kachunwilly

Thanks flypig...

呢一刻我d 2線都未pass 比追數,
有3間2線原先7號到期未找既 今日好在紅日 仍然未有追數電話.
雖然已經成點鍾, 我真係唔想訓住, 呢一刻都我知未會發生咩事住,
但對之後d數點攪, 真係會驚到手都震埋。
人真係最驚係不清楚將來, 個個可怕係好巨大。

聽日我會打比社工同律師開始要組織下點處理, 做返一個負責任既男人。

itsme

kachunwilly 發表於 8-11-2015 17:48
首先真係多謝各位師兄師姐留言. 呢度既氣氛真係好好, 網上世界都可以咁溫暖, 唔一定要名爭利鬥。
容我在呢 ...

我總是覺得，如果有其他方法解決
債務，破產應該係較後嘅選擇。但
方法之中，唔包括要身邊人耗盡積
蓄，去幫一個賭徒還債，尤其是已
經有點年紀嘅親人，積蓄可能係捱
咗半背子存落嚟嘅，而賭徒將來係
咪可以作出回報，仲係一個未知之
數，只怕有心無力。

所以即使朋友家人，仍然有能力相
助，樓主都唔應該再接受，問題始
終要自己去面對，如果別無他法，
破產都係一條出路。

再者，沉溺，有時唔可以單靠自制，
外在約束都起到作用。對於賭徒，
一個破產身份，就算約束唔到個心，
起碼可以約束下個銀包，想借錢賭
都無咁容易。

樓主話戒賭，要講得出做得到喔，
珍惜身邊對你不離不棄嘅人，唔好
令佢哋失望。期待你具感染力嘅
live log. 加油 ！！！

kachunwilly

律師接待：有邊幾間二線 我：xx （都未講第二間個名） 律師接待：就算破左產，佢地一樣都會追數。  想問社工有咩方向，今日佢放假，呢d簡直係劇本咁樣，註定要失敗。 原本7號既幾條二線財仔講左今晚入數，一樣現在完全未知點算，身邊人幫到盡我估都係夠找其中一間而已      同琴晚一樣，唔想時間過，係因為我知8點前都仲會好平安。 欠債真係好易，但想再有多次機會真係好難好難。我自己又無珍惜過d之前既機會。明明有得選擇明明係可以唔駛去到呢個困局，自己又走返入黎。  我天真到琴晚有去睇youtube search 破產既野睇，有個福音界賭有個債仔信左jesus 之後就同38間財仔 逐間逐間講分期，我都在諗如果我都可以就好。我真係唔係想走數，我認同借左錢就要還。

kachunwilly

電話打完 上面出得唔令，下次打大篇都係返屋企先打

aiai6020

kachunwilly 發表於 9-11-2015 17:11
律師接待：有邊幾間二線 我：xx （都未講第二間個名） 律師接待：就算破左產，佢地一樣都會追數。  想問社 ...

我反而覺得係咪都要破的話, 快手破左佢仲好, 身邊人的錢就留起黎吧, 既然點幫都係還得一間, 係咪都要追, 除非唔破產啦, 咁就要認真去同財仔傾數

kachunwilly

其實破左 就更少找到錢比 二線財仔

kachunwilly

二線又keep 住追 破左更加無可能找到比二三線..

iamjason18

破左繼續追都要破，朋友家人就算幫到你今期下個月你都要諗點跑山。二線數你破就預左一定攪屋企，資訊人果d,威迫又有，好聲好氣都有，
仲有d會話告你，不過唔破人地追債你要驚，破左人地追債你唔洗驚

flypig

其實樓主唔係最嚴重個隻。
最嚴重係去大海，輸左借大耳。或者賭外圍波口數。呢d 年中都死一兩件。至於因賭又好，買樓跌到負資產，其實我睇都係一q 樣，唔會因買樓而破高級d.當然，二者分別其實係前者贏的人少，後者贏的人多。
樓主要做就係，有心理準備俾人追數同滋擾，你同公司或屋企。呢度有版友都領野。呢d 野開頭實騰，試幾次習慣就好。呢版版友有女仔都俾人貼大字報！你做法要狠d,決定左就照去。話之二三線追。唔俾就唔俾。俾得一次就有手尾。

poorpoor123

樓主，我真心希望你會為愛你關心你既人而戒賭，你仲年輕，墨爾本好近香港架咋，你仲有機會去，戒咗佢啦！冇野比身邊既親人重要