做idrp

jjjjj

如果想申請c子銀行idrp，但出來效果不符合預期，可否決定不做？
同埋有咩後果呢？
請指教。

victor24

我都想知....就算c子放過你...其它債主知你吾多惦會否call loan...

jjjjj

我仲想問。。。做得idrp係咪唔可以有保險同按揭跟身？

重新戰士

如果你有能力還款，當然可以唔接受啦！根我了解佢地會收回貸款或者單方面通知縮短期數減少風險
但是我諗，如果你唔接受DRP只有一個可能就係 因為期數仲長過老破既4年期。
如果你有樓又年齡有返咁上下，咪老破！
如果你仲想有機會買樓，就唔好搞咁多野。欠債還錢，天公地道！
我當時既DRP係60個月呀！

jjjjj

多謝回覆。我唔係想走數，反而我係想攤到好長還，因為我開支佔我工人好多，除左要供樓(公屋單位)，仲有保險等等。我爬過文，多數做到idrp既師兄大約都要羅人工一半左右出來還，如果保咁，我既生活又唔太過到。如果我只想用3成左右還錢有冇可能做到呢？我人工15xxx，負債大約500000

重新戰士

jjjjj 發表於 21-9-2015 21:20
多謝回覆。我唔係想走數，反而我係想攤到好長還，因為我開支佔我工人好多，除左要供樓(公屋單位)，仲有保險 ...

DRP 係債務舒緩
即係將原本既還款期延長，supersede你之前份loan agreement。
樓主你明白，你冇權揀。原因是你欠債人身份，不論DRP / IVA / 破產。還幾多錢都係由債權人決定。你之前都爬過文，面對現實！你冇決定方案既任何權利，只有接受同不接受。
DRP期間，如果你經濟上許可是容許你有保險的。不過債權人一般做法都是迫你還盡一分一毫。是合情合理合法，人家只係想盡快收回借貸。
以你情況十分不妙。
你人工HK$15,000 欠HK$500,000 是月薪既33倍。**唔會有人再借俾你，你已經出現信貸危機**
先假設你拒絕DRP， 銀行有權對你TU REPORT進行監測 DRAW一份最新既TU。
見到你一份按揭(即係有錢)銀行好大機會以收回借款為理由，要求你盡快清還。
到時候由此你已經之前申請過DRP亦拒絕接受過，所以你萬一你搞唔掂，你只有IVA同老破。2樣你都會令你保唔到層樓。
不過，再一次証明IDRP 除左免左手續費之外，根本完全冇用。(我同律師講得人工既35%可以還，第一年辛苦之後我每年還既錢都係一樣所以我是越還越輕鬆) IDRP填FORM之外根本機會俾你說明或者補充你想點,仲要傻傻咁等接唔接受方案。其間仲要頂收數公司真係攞苦黎辛！
點都好我個人建議你照接受，搵多份PT黎支持自己生活費，帶飯盒返工同少D外出應酬。先是你既解決之道。

jjjjj

好耐冇上來，先多謝樓上重新戰士師兄詳細解說。暫時小弟還在尋找idrp或drp以外既方法，所以未有做任何相關申請，始終一申請左就只有yes or no 兩條路揀。希望仲有辦法。

abc2046

無可能啦  如果經律師  律師果份錢你都有排交啦   你人工個個月還1萬5你都好耐    入學吧 4年後 新既開始

jjjjj

結果小弟最終得貴人相助，暫時可解決困境。之後慢慢還晒錢俾貴人後，希望可以重新學習理財之道。另希望呢度其他師兄弟妹，不要放棄，繼續堅持及尋找到解決方法。

gringoire

不過無論行邊條路, 總之記住: 如果做idrp,一定唔好搵中介,亦不需要找律師或會計師, 一定係自己找c子銀行直接做, 係最慳錢又直接的方式!

gringoire

iva就一定做唔過!
我之前經歷過,問過,亦上過幾間傾過! 佢地都係想在你身上賺錢, 佢地會講好多理由,叫你找佢地做係最好!千萬不要信!
好彩我最後直接找銀行做, 慳返好多手續及其他收費!

重新戰士

jjjjj 發表於 30-9-2015 09:35
好耐冇上來，先多謝樓上重新戰士師兄詳細解說。暫時小弟還在尋找idrp或drp以外既方法，所以未有做任何相關 ...

順利過左就唔好再有下次