有關收入支出表

0002316

因為自己入紙搞所以都有啲問題想請教各位～

1）想問如果每月入息係同支出表填嘅數唔對應，例如每月入息四千，但支出五千，咁會唔會有問題？因為目前有d原因如果搵到工番都係搵兼職番

2）因為而家暫時無業，不過我入紙果時冇填過要供養父親，不過我見要填多一次呢個表，如果而家填番係咪冇問題？

3）另外前提係我本來因為要還錢，所以入紙之前一直都冇俾過錢屋企，咁我想頒領之後搵到工做俾番錢咁得唔得？定都係到時約傾生活費再同外判/主任傾？外判/主任會唔會因為我入紙之前冇供養父親，而唔批我之後搵到野做而供養呢個要求呢？其實唔批機會大唔大？定都係每個外判/主任批嘅標準都唔一樣呢？

4）一般需要供養一個家人，咁大概係可以一個月填幾多？我知道每個家庭要除番有幾多人有入息再填自己的，咁如果正常係咪大概計左我父親一個月嘅交通費，膳食費，雜費再除開番屋企有幾多人有入息？

cc4321

睇完都有D混淆,你係有工作定失業中?出左破產令未

你無業何來會有四千收入五千支出?收入錢從何來?收入四千支出五千,你要寫明多出個一千係點得黎

你申破時失業無野做,基本上係唔會同你傾生活費,直到你有收入佢先會同你傾,生活費無一個固定標準,係因不同外判/主任而定,你填幾多唔代表佢就一定批幾多比你,要睇邊個跟同佢手唔手鬆,實報實消比較好

0002316

cc4321 發表於 1-8-2015 09:21
睇完都有D混淆,你係有工作定失業中?出左破產令未

你無業何來會有四千收入五千支出?收入錢從何來?收入四 ...

我目前無業，入左紙未頒領的，不過遲啲搵到工返應該都係返兼職先，所以諗緊如果到時每個月都應該未必有五千以上一個月收入，我見入左紙俾果份野都要填多次支出表。

無業都要寫支出每月大概係幾多架何？
咁所以我諗緊如果我寫左之後，到有野做果時到時再重新傾話生活費係幾多，定多數都會跟我寫左果個表嘅數。。。

同埋咁係唔係無工返的話，家人暫時供養我呢段時間嘅支出都KEEP收據，等到時再傾生活費嘅話可以當個證明架？

0002316

另外如果水電煤嘅單唔係我名，咁係咪都可以俾張水費電費單，之後除番屋企有幾多人有入息，計埋落生活費架？

cc4321

我唔知你而家係用緊積蓄定有人資助你,照你依家生活開支填,如果有資助人要填埋佢個名同電話,電費水費係照除,其實你依家點填都無所謂,因為你係失業中,無錢還佢都會搵你,一切生活開支都會等你有野做先講

0002316

cc4321 發表於 2-8-2015 11:09
我唔知你而家係用緊積蓄定有人資助你,照你依家生活開支填,如果有資助人要填埋佢個名同電話,電費水費係照除, ...

我目前用緊上個月出最後果份糧，但呢個月開始如果未有工返都係靠屋企人同男朋友資助生活開支，咁資助人要填響張收入支出表？電話都要俾架？咁係咪會打電話問我屋企人同男朋友架？

alalfred913

cc4321 發表於 2-8-2015 11:09
我唔知你而家係用緊積蓄定有人資助你,照你依家生活開支填,如果有資助人要填埋佢個名同電話,電費水費係照除, ...

無可能講自己有積蓄的
有咪要嘔埋出來

0002316

alalfred913 發表於 2-8-2015 22:53
無可能講自己有積蓄的
有咪要嘔埋出來

哈～我真係冇積蓄先至欠果幾十萬都要破產唔去搞重組之類。

另外想問，初步支詢表要寫手上現金，咁係要寫去到交呢個支詢表當刻嘅數定入紙果日嘅數？同埋8達通入面嘅餘額係咪都要寫？

如果我之前去旅行用剩果啲銀仔換唔番做港幣嘅果啲，係咪都要寫埋？
唔好意思咁多問題問。。。因為真係唔知可以點做(´Д` )

Alex2233

現實D講

無業係人都知有人支援你

理論上要寫受支援既收入,因為收入唔係單指人工,受人錢財都要報上去

例如兄弟A $2000 ,朋友B $1000 ,父母支援 $2000

咁收入果到就5000囉

之後就照填$2000租金, $3000食埋咁囉

總之"收"同"支" 要配合啦, 你話收朋友幾千蚊現金,唔報你既事,只係規矩上同你講要報

Alex2233

規矩上講, 破產字典入面係唔會有積蓄呢兩個字架大佬

出糧可以係收入

親朋現金支援,可以係收入

老綜,可以係收入

積蓄??!!WHAT IS THIS ??? 無呢隻字

冇野做,又冇人比現金你,咁即係無收入

收入0 , 支出自然寫0

主任屎忽痕問你0收入,仲生存到?  (不過一般都唔會問,支出過多先會審,無收入得鬼閑理你,做埋社工關心你咩)

真係問既

屋, 就住人既,淺水灣都得架

車,坐人架勞斯萊斯都得架

食, 人地煮,人地請,日日半島都得架,食完有人幫你埋單就得

衫, 著人地唔要既

無問題架

總之0收入,就0支出啦,
換言之,10000收入,可以8000支出,可以10000,但唔可以12000,邏輯問題

帳項就係要咁清晰


不過現實D講,就算你真係有D微不足道既收入,可以既,都填埋上去  (雖然條數一定唔準)

例如 某幾日去左派傳單,$50蚊個鍾,派左幾日,有千幾蚊

朋友B 某日封左包利是有1千蚊,又填番上去

填晒呢D豬頭骨後,共湊夠5000, 餓唔死果隻, 再寫番果5000,支出左向邊

你搏呢D野佢查唔到,而且銀碼又細,唔去報就你既事啦~~
只不過規矩上無分大細,係數就要報

cc4321

0002316 發表於 2-8-2015 22:30
我目前用緊上個月出最後果份糧，但呢個月開始如果未有工返都係靠屋企人同男朋友資助生活開支，咁資助人要 ...

係係收入果便,我申破時個律師係咁講,你填只係不時之需唔一定會打去問,我申破時都係失業靠人資助,但從無打過電話去問,不過我都有講明比資助人知,好多野紙冚唔住火