破產問題

margaretp

事緣小妹尋晚接到朋友電話，佢問我借幾萬蚊救急，原來佢借咗銀行合供約28萬，家陣還唔起又驚屋企人知，我細問先知原來早幾年佢借錢炒股蝕哂，有人上門收數屋企人知道同佢填咗，所以呢次唔敢再俾屋企人知。佢唔肯講做乜今次又借咁多，但只話驚屋企人知受唔住刺激，所以想問啲朋友借錢填氹。
我好認真問佢要唔要破產，驚都要負責任面對，更何況佢衰咗第二次，但佢話驚影響會計牌。佢花費同供幾多我唔知，只探聽到佢月入2萬咁上下。
其實破產係咪會令佢無咗個牌?
28萬我估搵10個朋友都借唔到，但如果問朋友借到10萬還咗部分佢，其他叫佢part time會唔會好啲?

admin

佢係正式公司會計定係乜？

老實講。講左你未必開心。
作為一個正式有牌會計，只係欠 28 個就要問人借？我唔係好信。

1. 有牌會計係專業人士，借錢超低息。爭 28 個，照計唔駛問你借。就算全部卡數，都係還個 9千！而家問你借幾個。我估佢最小爭人 50個。
2, 佢有牌。如果要問你借，即係好大機會2，3線財仔都借過了。

你認為佢還到？唔好不切實際啦。

我的意見：
1. 借唔借，你自已想。不過，你可以放心，佢 99% 機會還唔到比你！家人個D都還唔到，點還比你？所以就算借，你都要考慮自已有幾多能力先。個D其實唔係借，係比！
2. 千奇唔好做任何形式擔保人！呢度有唔小人都係做擔保人破產架。

我之前試過啦。我朋友問我借。成 10 年啦。影都無啦。唔止錢，你預定無埋呢個朋友啦。

現實就係咁！

margaretp

我剩知佢係做會計，咁係邊隻我唔知。

margaretp

不過師兄咁講，我都要諗吓如果佢爭50萬，咁我就算有10萬俾佢都唔掂。多年朋友聽住佢喊哂我都好難過…我諗借少少俾佢，一萬幾千都可以，收唔返都算啦…嗰時我搞出事都好傍惶，聽佢喊成咁都唔開心，多謝師兄提醒。

flypig

欠幾錢都唔知.基本上無得代FD 籌謀.
不過借出的錢就預左收唔番.但借幾多,視乎交情,你有幾多,佢危急情況而定.......自己決定!!!