申破？IVA？申破會去信雇主？

kmdly

爬左少少文，見到有唔少師兄講過話會有信去到雇主度講關於MPF/花紅/bonus之類問題
其實封信係咪一定會出呢？
因為唔想比屋企朋友同公司知，收信地址都仲有得報郵局，但如果MPF個d寄去公司就好麻煩

其實而家都煩緊到底直接申破定IVA
差2間銀行PL同卡數大概52萬月入萬6...而家還PL同min pay都差不多已經去晒成份糧
自己想就緊係想IVA，以後日子省住用錢都可以捱得住，自由度又大d，但一諗到要咩住筆債咁多年好驚中間有起咩事上黎要用錢/還唔到結果又係要破產
不過會計事務所話咁岩我個d間申請IVA都要照還錢，計埋一堆手續費都唔知點捱頭個3-6個月
係咪申請IVA期間還款數目一定無得傾？

有諗過乾脆申破，一諗到破產永久會有底，限制變相又多d又好15 16
但時間真係短d息又還少d

真係好煩，有無師兄師姐可以比比意見？

MITKAN

根據你月入及欠債情況，似乎破產比較合適，
另外提一提，你提及的會計事務所小心是坊間黑店，
因為做IVA你可以同銀行直接講，無需假手於人。
做破產可以自己做，費用1萬樓下；
或者搵律師做，所有費用合共1萬5千樓下。
如果真的需要任何服務，（雖然個人覺得完全無需要光顧任何會計事務所／財務顧問）
簽任何合約前緊記看清條款及收費（顧問費，手續費，中介費等），切勿相信任何口頭承諾，
建議與朋友／家人多加商量和考慮才作決定和簽約，否則最後蝕底的往往是消費者。

cc4321

破產定重組第三者好難同你決定,你都權衡過利弊,邊一個對你影響最少就跟邊個去做,唔好再拖

jimmykerr

我情況同樓主差不多，已拖了成個月。。。查左成個月資料，欠2間銀行是做吾到idrp。。。。但可向欠債銀行各別申請債務重組。。。最好結果係，銀行肯做，你要還5一7年，每月還10000左右，但不用破產，不用受限制，只是不能用信用卡。
壞結果係，銀行評估過後，不受理。咁你就只可以破地獄，排除所有困難，直接面對，忍辱負重4年，又係一條好漢。
我覺得就難面對既吾係自己，係身邊人，令多少人為你而失望。。。但日子總要過，請勇敢面對，共勉之。

VIVIA

我都好驚會比僱主知道自己申請破產 希望唔會搞到佢地啦 我又唔係返份有佣金既工

VIVIA

jimmykerr 發表於 24-3-2015 11:08
我情況同樓主差不多，已拖了成個月。。。查左成個月資料，欠2間銀行是做吾到idrp。。。。但可向欠債銀行各 ...

我都查左好多資料, 今日仲同律師傾過

其實有幾多成成數銀行接受同你做DRP/IVA , 你要了解清楚, 畢竟做都要花錢, 另外, 做到一排供供下你如果又冇能力供到, 咪又要破, 仲晒左失去既金錢 失去既時間?

所以今日我都係決定申破

Heihei

1.我個外判好好，叫我寫一封比佢地要求佢地唔女通知顧主，但如果你呢4年守行為岀古惑佢都有權向你顧主作岀調查 。
2. 千其唔好信個d要你比4-10萬蚊話幫你搞破產跟足你4年個d所謂會計師顧問，律師都係15000-20000，價格要睇下你有無物業、有無公司、有無車而定。
3. 破產係有好多後遺症，但最大問題係你而家應唔應付得到。有無揾你而家個d銀行傾下年期可唔可以攤長d年期？如果你期期都有還應該無問題，係佢地個角度你攤長還終好過你破咗產，不過破產都唔係唔洗還錢的，我扣埋MPF得11000欠30萬，破咗每月扣除基本支岀都要還1200。破產真係好多後謂症，要唸下自己承唔承受得起。
因為唔知你背景有物業？有無車？有無家庭等…建議你搵律師傾下

197825

VIVIA 發表於 3-4-2015 02:40
我都好驚會比僱主知道自己申請破產 希望唔會搞到佢地啦 我又唔係返份有佣金既工
...

我破果時都好似你咁
怕比老闆知道
之後我好老實咁同老闆傾左半粒中,我老闆當時話借錢比我清左條數
不過我SAYNO啦,怕有排搞,之後老闆都好好人咁幫我將D人工頒左令同埋搞好戶口先AUTOPAY出糧

micehkhk

197825 發表於 7-4-2015 05:10
我破果時都好似你咁
怕比老闆知道
之後我好老實咁同老闆傾左半粒中,我老闆當時話借錢比我清左條數

你老細幾好喎