7月4日頒令,俾財仔追數

raymondbaggio

我星期一去左6c攪掂晒文化,宣誓埋. 有破產no..
昨天我叫6C fax俾各財仔,有幾間 財仔照打黎話要還,分別南嘩,第二財務,日本仔.

日本仔話叫我小心D,如果1蚊都唔還,有D咩事係佢地做.我需要報警備案嗎.我有錄音.
第二財務就話會報警同佢公司會做野,話我借錢果時係有預備破產. 當然我真心唔係喇. 邊有人想破產.
南嘩就要我2日內攪返條數佢.

我驚頂唔順,怕佢地攪事.

301

有人提起"追數"就精神 !
財仔就捉住你怕佢搞事心理.

無事既,放心.
呢d財仔志在攞返個"彩",
大家心中有數,收唔返咯,
仲會做到 d 乜!

唔好咁天真今時今日佢地會"上門淋油",
你條數收足都未夠派返俾 d"靚",
費事車錢及材料費都蝕埋.

電話壓迫凶你分分鐘搏你還多一期,
至多有電話來你一定要接,
電話離耳任佢講,
或放低電話在檯面,
隔幾丈遠你支吾以對做自己野好了.

唔好咁易俾人家凶到呀!

kumiko1030

冰山雪蓮 發表於 23-5-2014 19:29
果然犀利，簡直女中豪傑，欽敬！

上次我俾我個前前度填咗我做咩諮詢人，有人打嚟問我見唔見到梁XX，我諗咗好耐先諗到邊位。

第一次佢打俾我我問佢邊到打嚟佢同我講灣仔，我話喔，呢個人似係啪咗野所以我冇理佢。

之後第二次打嚟呢個似係坐office，佢一打嚟佢問我搵唔搵到梁XX。我就咁同佢講！

「你打嚟真係好喇，我等咗你個電話好耐喇，你知啦上次用冇來電電話打嚟問佢邊到打嚟同我講"灣仔"等我去到差館阿sir問我問到口啞啞」

佢：「你係佢女朋友喎」

「下，咩女朋友，我正正想搵你地我去報警俾人偷咗我個人資料申請貨款呀！」

佢：「你真係唔係佢女朋友？」

「佢邊位我都唔知呀，我好想知點解佢會有我資料呀，我宜家好驚呀，搞到去到差館備案，差人話如果你地再打嚟我要問清楚你地D野。等咗你地兩日喇，幾驚你地唔打嚟俾我呀，好在你宜家肯打嚟。」

佢：「但佢寫晒D資料係真架喎」

「我知呀，但係我真係唔識呢個人，佢話我係佢女朋友你地又會信的，咁佢話我係佢老婆你地係咪又信呢？佢有冇證據證明我係佢女朋友先？拿好老實講，佢姓梁的佢話梁振英係佢老豆都得架，睇你信唔信咋嘛，佢話我係佢女友就係佢女友咩，點解你地咁易信人借錢俾人架！」

佢：「咦，你咁講又啱喎，咁你要報警喇！」

「係囉，因為上次有個電話打嚟我真係去咗差館架，但資料唔齊，所以差人吩咐我如果你地再打嚟我要抄低你地電話號碼同邊間公司架！係呢，你地係咁公司呀？電話係咪呢個？搵邊位？」


咁就甩咗身=3="

冰山雪蓮

你虽然有錄音，但佢只系叫你小心啲啫！(出於关心)。有乜事就系佢哋做，(咁即系乜事)?呢啲說話·，系日本仔嘅官腔嚟。鋤佢吾入嘅(警察先生)講嘅！除非佢講(打、斬、劈、殺、家破人亡)之類啦。另外如果佢哋打电话滋擾你嘅咨詢人(最好有錄音)你就可以跟你受滋擾嘅咨詢人去報警喇。(任何時候滋擾咨詢人刀系違法)。
至於嗰啲一時又話報警，一時又話揾人收。報得警就使乜揾人收冴!揾得人收，仲使乜報警冴？廢話嚟。

smallcat

你破前太近借錢佢地有理由懷疑你行騙

所以, 借完錢時間太近破產是盡可能避免最好

至於話有D咩事佢地做, 咪繼續凶下你咯, 唔通佢地為左錢去爆你樽, 絕對唔會, 但可能會用電話騷擾下你公司, 或鄰居  但呢D你借財仔時應該預左, 所以, 以後從新做人了, 不要再欠債

一頒令佢地都無咁得閒去理你  

tp041b21

你老破前3個月有冇借過佢志地錢,如果有你真是會有麻煩.如果冇你可以不理.

kumiko1030

我同你都係4/7頒令呀，今日好多電話一線打嚟但又唔出聲\./+ 玩我電話

Ronald

Block 左佢 la

raymondbaggio

我三月同第二財務續左數。

raymondbaggio

kumiko1030 發表於 23-5-2014 00:34
我同你都係4/7頒令呀，今日好多電話一線打嚟但又唔出聲\./+ 玩我電話

yes same day with you, add oil

kumiko1030

Ronald 發表於 23-5-2014 00:40
Block 左佢 la

有呀，諗住同佢講號碼

kumiko1030

冰山雪蓮 發表於 23-5-2014 03:13
你虽然有錄音，但佢只系叫你小心啲啫！(出於关心)。有乜事就系佢哋做，(咁即系乜事)?呢啲說話·，系日本仔 ...

收錢同報警係冇關係

冰山雪蓮

收錢同報警當然冇关系，佢哋當然有權去追數，但冇權去滋擾咨詢人。

冰山雪蓮

仲有俾個心理準備呢位C兄，嗰间(中国人)嘅死对头，好大可能会滋擾你公司(经驗之談)。

raymondbaggio

—般會點攪我公司

冰山雪蓮

〈最初〉就系打电話去你公司揾你，揾吾到嘅話，就会叫接聽电活嘅職員通知你覆返电话比佢，但佢吾会講佢系乜公司、乜貴姓、乜电话。
〈再嚴重〉啲就直接打电话去你公司追數，班仆x目的系攬住一齊死，攪到你工刀冇得撈!

kumiko1030

我今朝俾個強國追數同我講可唔可以對佢禮貌啲，我話我好有禮貌，份文件嚮律師到，我要人地得閒先fax到俾你。又對咩身份證，地址，係呢下我蝕咗章。

佢仲問我點解銀行出晒信俾我我唔覆銀行，我問佢都冇錢還覆咩？佢仲話唔好以為破產就老馮，我分咗手之後最憎人同我講老馮呢兩隻字！

轉頭佢話唔好以為大聲過佢就得佢話佢收唔到文件就上嚟追，我話你話嚟你唔好唔嚟呀，我報定警等你！


咁又好開心同佢玩咗三分鐘 你唔好驚佢，佢地冇你辦法架

冰山雪蓮

果然犀利，簡直女中豪傑，欽敬！

kumiko1030

301 發表於 23-5-2014 13:58
有人提起"追數"就精神 !
財仔就捉住你怕佢搞事心理.

我好鍾意同佢地溝通架！

冰山雪蓮

厲害、佩服，6C刀吾夠妳講呀！真系要跟妳學吓嘢先得。