收到財記追數電話晚晚都失眠

skcat

都有十年以前的卡數, 竟然上周12月30日辦公時間有財記狂打電話黎追數, 佢話幫星展收, 連利息要18萬, 我當然話無錢還;

跟住職員又話搵老細問下可唔可以幫我做分期; 問完夜晚另一個人打黎話係負責人想幫我, 聽日問下銀行有無得還少d, 分期還;

31日日頭就覆我話銀行話全數還3萬幾, 分期5 萬可分10期,首期要俾2期; 但我條數十幾年我都唔知爭幾多,印象中好似萬幾二萬左右;

就算還呢條, 我仲有六單數未還; 個財記負責人叫我2月7日打俾佢羅銀行戶口入數, 而家都唔知點, 佢地有晒我手提電話號嗎, 公司名,電話

同做左幾耐資料.... 如果我下星期即刻去律師行搞破產, 律師行會即刻通知銀記嗎?

而家心情好低落, 晚晚失眠訓唔好, 再搞落下可以無精神做野會被炒魷魚, 最怕財記狂打公司電話又上黎追數, 可以工都無晒:~~~ (

smallcat

其實師兄你唔使分開咁問, 如果你覺得你係還唔到D數, 又唔想煩, 破產可能係你最終既選擇 (當然, 破產既後果你亦要知道)

最終決定應該係自己, 如果真係還唔到, 快D破好過拖, 如果想還, 就睇下屋企人幫唔幫到, 但如你講條數有成百個, 就真係還到都唔使生活幾年   

自己考慮下點做, 好過之後比人追數

skcat

smallcat 發表於 5-1-2014 19:42
其實師兄你唔使分開咁問, 如果你覺得你係還唔到D數, 又唔想煩, 破產可能係你最終既選擇 (當然, 破產既後果 ...

我而家都唔知點做, 好迷茫~~~ 2014年一開始就咁~~

admin

10 年前？

真係諗清楚先啦