蠱惑財務顧問 設局劏債仔

wahtung

「愈窮愈見鬼」？目前從事破產呈報及債務重組的服務提供者，均毋須具備任何專業資格或持有牌照，有公司藉此魚目混珠「搵着數」。兩名走投無路的「債仔」往一間財務顧問公司「求救」，惟一名「債仔」債務重組不成，反而被迫多收三萬元服務費；另一名「債仔」亦未辦理破產，卻被瘋狂追收多一筆逾二萬元的「債項」。經濟學者直指，該類財務公司游走於財務公司與專業人士之間，角色模糊又欠缺監管，「債仔」在不明就裏下簽署合約，隨時誤墮另一債務陷阱。警方證實已接獲有關人士報案，交由刑事調查隊跟進。


張生申破產被掠逾兩萬

「喂，係咪張生？我哋公司有破產服務，有冇興趣？」不少財務中介公司均透過電話推銷大舉拉客。正為廿萬元欠債惆悵的張先生（化名）每月都為還債四處張羅，去年十二月接獲有關公司推銷電話，以為出現曙光，不消一會便答應往該公司了解，沒想到竟換來「多一筆債」。

到達該公司後，自稱林經理的男子不停游說張：「破產好易o架！萬五蚊手續費全包，你簽個名就得！」被債務纏得心力交瘁的張，眼見文件寫明一萬五千元手續費，認為尚算合理便簽約，卻未留意條款中暗藏魔鬼細節：「不論成功與否，仍需支付全數費用！」

張簽署文件後，對方即場反口：「仲要多交一萬蚊法律費，先啟動到破產！」張頓時感到被騙，並向林質詢理由何在，此時林步步緊迫：「你依家交住五千蚊先，唔係幫你唔到！」當時張表明身上只有廿元，不料林竟「照殺」：「收住廿蚊，快啲交埋尾數。」

donny

佢地真係趁你病攞你命!!!

superlemon911

禁我都試過揾呢類公司͵唉͵佢地簡直係落井下石

bb_q_888

真係揾笨,不過急病亂投醫,人都迷失方向更易比人欺騙.

天帝

真　係　趁　火　打　劫　

life22

這些公司真係趁你病攞你命！多行不義必自斃！希望警方可以嚴懲，殺一儆百！

worldcat

好post必推。

wahtung

wahtung 发表于 1-2-2013 11:59
數天後，該公司不斷催促張繳交手續費，強調若不繳交則無法替他辦理破產。張大呻，該公司曾一晚數十次地致電 ...

對,唔該温sir

On99

都係俾債務迫到迷失方向....我仲算係新仔,但欠債俾人追到氣咳時嘅幻想~~中六合彩、有白武士出手相助、佢地打盲毛方式無啦啦中咗個，傍徨無助嘅好易上當，呢類公司正仆街！

ranger

簡直係人渣所為,人家都已經到了破產地步,重要比呢啲趴街伸多一腳,直頭要將之打把,
呢啲所為顧問,收費又唔係特別平,希望要到破產地步的人不要因少失大,到頭來產破唔到反而拖欠多一條數,
多謝WAHTUNG提供咁寶貴的資料

301

係呀,
呢 d 無牌既所謂中介公司,
(其實佢都有商業牌照,但不務正業啫)
301都以前初步都接觸過.

話同你做貸款甚至一筆清咯;
辦唔到但有晒你料咪氹你申破咯.
兩面玲瓏手續費又任佢up.
威迫利誘軟硬兼施....
同大耳牛無乜分別.
301之後無再與佢地聯絡.

smallcat

收住20蚊先, 真係笑死   古惑仔差20蚊買波都唔定

smallcat

wahtung 发表于 1-2-2013 11:59
數天後，該公司不斷催促張繳交手續費，強調若不繳交則無法替他辦理破產。張大呻，該公司曾一晚數十次地致電 ...

嘩 搵水新方法, 暈左     一向都係搵律師最好  貴唔到幾多

wahtung

數天後，該公司不斷催促張繳交手續費，強調若不繳交則無法替他辦理破產。張大呻，該公司曾一晚數十次地致電及發放短訊給他，要求「還錢」，甚至致電騷擾他任職的公司及親屬。一個月後，該公司更揚言已將其「債務」賣給另一間財務公司代為追收，更指需多繳七千五百元的追數費用。

「反正都爭人咁多錢，我唔爭在畀埋佢（該公司），但真係唔好搞我屋企人！」走投無路的張眼泛淚光，沒想到破產不成，還累及身邊至親，及後他只有報案求助。

阿玲債務重組變「擋數」

為胞弟「孭債」三十多萬元欠債的阿玲（化名），每月需向銀行償還六千多元貸款。獨力難支的她，去年三月亦接獲該公司推銷電話，對方極力游說債務重組，她往該公司了解。該公司職員向阿玲表示，一旦申請成功，可以「攤長」還款期，而每月還款減少千多元。阿玲當日簽下一份服務合約，沒想到竟是噩夢的開始。

阿玲表示，去年五月已繳交相關文件，並每月被該公司收取二千五百元服務費，卻一直未接獲該公司代辦債務重組通知，期間她一再致電該公司查詢，仍不得要領。直至同年十一月，阿玲在忍無可忍下，拒交服務費，未幾即收到「追數」電話，對方來電時語帶恐嚇，指已提供「擋數」服務。

「明明我簽嘅文件係債務重組，唔係咩擋數喎！」阿玲對此一頭霧水。該公司職員及後致電阿玲，辯稱早前跟進其個案的職員已經被辭退，翻查文件後發現，她申請的並非債務重組，而是「擋數」，即是只為顧客處理銀行追收欠款的事宜。

服務費三萬 「踩多兩腳」

阿玲續稱，後來向一直還債的銀行查詢，對方回覆截至今年一月亦未曾接獲該公司為阿玲申請「擋數」申請。及後阿玲向消費者委員會求助，該公司獲悉後，竟變本加厲，向她說：「我依家擋數擋得好辛苦，有血有汗，（服務費）爭萬幾蚊，唔好搞咁多嘢！」還不斷電話騷擾其父親及其任職的珠寶公司。

阿玲坦言，若非為勢所逼，她亦不會向該公司求助，豈料不但得不到應有服務，更欠下一筆三萬多元的「服務費」，「簡直係踩多兩腳！」而她及後亦報警處理。

http://orientaldaily.on.cc/cnt/news/20188801/00176_098.html

( 老温按﹕為方便初級同新會員都睇到呢啲資訊，轉帖過嚟呢度，華東兄勿怪！)