殺到埋身，有事一問......

On99

各位師兄姐好耐冇見，好快我就要加入破產大家庭，有問題如下：
1）新攞嘅數一般過冷河期大約幾多個月？
2）綜合各意見都知道搵律師比較妥當，原本想搵3姓，因為佢賣點話最快即日截數，真唔真？但好多師兄姐彈多過讚.....
3）我知道唔方便開名介紹，可否pm我？
懇請幫忙，感激！

On99

再次多謝咁多位幫忙！

worldcat

問價錢記住問包唔包宣誓同免上庭。
搵律師仲有一個好處，某程度會早一兩日知結果。因為佢地會收到法庭通知當日有無需要上庭，如果唔洗即係9成無問題。

On99

唔該哂！

dopod123

幾時得幾時唔得每人情況不同，所謂新數都要睇情況。一般3個月已OK

最好搵律師，但可以嘅問多個會好啲，最後都係你自已決定

worldcat

之前我律師話最少3個月最好6個月，係講緊要還嘅。主要唔想銀行節外生枝。
當然有特發原因無話唔可以即破。

律師可以俾意見你，有無需要就睇自己。當日做得好，唔代表今日都好。所以搵律師都係靠自己search,  打下電話問。
可以去律師網搵下邊啲注明有做破產案又方便自己的地區。

life22

1、如果係新數最好6個月后，如係續借之前供超過10期，隔兩三個月應該冇問題。
2及3、報紙有好多，其實做法都係一樣，你可以先問清楚要咩文件及係唔係即日或第二日入紙，一入紙律師就會通知債權人，係會即刻截數，你一定要知道欠邊幾間錢，各間最新欠債幾多及各貸款賑號（可打電話問，有哋要親自去佢分行問）
仲有要自已計好生活費（要報大哋），上到去就會快哋