急：戶口解凍問題

nemosiu

律師代表我在 6 月 5 日上庭，頒布了破產，今天收到外判的信，因為銀行戶口被凍結了，有一個月的薪金在戶口未能提取，請問我要怎樣做？因為律師叫我拿破署寄的信就可以去銀行辦理，但我覺得應該唔得！請求解答！謝謝！

更新：我上星期已經 fax 左資料俾外判，要求解凍戶口信。聽日見外判，但剛剛上網 check e-banking 已經入唔到，未知只係取消左 e-banking 定成個戶口取消左！戶口入面有萬幾蚊係 5 月份人工，如果取消左，拎唔返 d 錢，無錢交租無錢食飯無交通費，點算？

更新更新：因為我搵律師搞既，4 月中申請，6 月頭上庭，我 5 月頭一出糧即刻拎哂，到 5 月 30 號，個戶口都未凍結，我以為唔會凍結啦，點知 6 月頭一出糧就凍左，唔知係唔好彩定係我無做夠資料搜集喇，唉！而家唯有等兩個月啦！
另外，我想問一問，如果外判定左個生活費，我覺得太少，係咪可以提出異議，要求增加？

bb_q_888

如果外判定左個生活費，我覺得太少，係咪可以提出異議，要求增加？
我知係可以傾,不過你要有準備先得,有單/需要証明+口才.

請其他有經驗會員答你.

nemosiu

queenielamok 发表于 21-6-2012 16:40
放心啦... 基本的租金/水電煤/交通/食飯錢... 佢唔會點cut...

多謝你！聽完你講，我都放心 dd

queenielamok

nemosiu 发表于 21-6-2012 16:39
謝謝你回覆！

我真係唔熟識程序，唉！兩個月後都肯定拎唔哂全數啦！不過既成定局，無辦法啦！

放心啦... 基本的租金/水電煤/交通/食飯錢... 佢唔會點cut...

nemosiu

queenielamok 发表于 21-6-2012 14:57
你去見果個都唔係外判... 係負責收文件的律師行/會計師行... 佢地只係負責文件... 傾生活費/戶口解凍都唔 ...

謝謝你回覆！

我真係唔熟識程序，唉！兩個月後都肯定拎唔哂全數啦！不過既成定局，無辦法啦！
至於生活費方面，如果有得傾，咁都好 d 既！我得萬二蚊人工，租緊 $6000 既單位，加埋水電煤 $500，交通 $1000，食飯 $3000，我一個月最少都要 $10500 啦！如果批唔到呢個最基本既數，都唔知點生活！

queenielamok

nemosiu 发表于 20-6-2012 17:18
因為我搵律師搞既，4 月中申請，6 月頭上庭，我 5 月頭一出糧即刻拎哂，到 5 月 30 號，個戶口都未凍結， ...

你去見果個都唔係外判... 係負責收文件的律師行/會計師行... 佢地只係負責文件... 傾生活費/戶口解凍都唔關佢地事...

你太大安旨意啦... 5月頭你個戶口仲用到... 係因為你4月中先申請... 銀行無咁快凍結到... 但到6月頭... 都成個幾月... 銀行一定已經收到指令做野...

其實你律師講得啱... 你有破署解凍信就可以去申請解凍... 點解你唔信佢？正路來講... 你6月5日頒破... 當日已經可以打俾負責的破署主任... 拎封解凍信去銀行... 半粒鐘就搞掂解凍提款... 咁就唔使等銀行動用到你筆錢啦...

至於你問到... 如果你覺得生活費太少... 可唔可以提出異議... 答案係"絕對可以"... 只要你認為邊個部份的金額唔合理... 你就唔好簽果份文件... 再提出合理理由... 你講得通佢地... 佢地係會"合理"地調整... 我當年第一次上去都reject左佢批個金額... 嘈到反枱咁滯... 之後再約過上去再傾先批返高少少... 但真係要有根有據囉... 唔係話你覺得要幾多就有幾多...

nemosiu

bb_q_888 发表于 20-6-2012 12:11
所以你太慢.....你頒令即打去破署問,正常都會比封解凍信你先.
而家....搵家人墊住先.
你對生活費有冇異意 ...

因為我搵律師搞既，4 月中申請，6 月頭上庭，我 5 月頭一出糧即刻拎哂，到 5 月 30 號，個戶口都未凍結，我以為唔會凍結啦，點知 6 月頭一出糧就凍左，唔知係唔好彩定係我無做夠資料搜集喇，唉！而家唯有等兩個月啦！
另外，我想問一問，如果外判定左個生活費，我覺得太少，係咪可以提出異議，要求增加？

bb_q_888

nemosiu 发表于 19-6-2012 13:22
剛剛見完外判，佢話要等銀行寄返支票過去，又要等律師寄返破產令過去，又要等佢開還款户口，我先可以申請拎 ...

所以你太慢.....你頒令即打去破署問,正常都會比封解凍信你先.
而家....搵家人墊住先.
你對生活費有冇異意?
你要保障下自己,否則你會成為外判眼中肥羊.

天帝

nemosiu 发表于 20-6-2012 09:29
仲有一件事，我去見外判，應該真係職員黎既，佢無同我詳細傾生活費，只係睇左個收入支出表，就話應該要還款 ...

先 斬 後 奏 又 一 例 子

smallcat

yinngortang 发表于 20-6-2012 10:12
如果破前提晒D錢出嚟,破署會唔會話你資產轉移,要你解釋?

你破前2年內有提出來既大舊D既錢 都要解釋

smallcat

nemosiu 发表于 20-6-2012 09:29
仲有一件事，我去見外判，應該真係職員黎既，佢無同我詳細傾生活費，只係睇左個收入支出表，就話應該要還款 ...

到時佢會同你計, 計好有戶口你就要還

yinngortang

如果破前提晒D錢出嚟,破署會唔會話你資產轉移,要你解釋?

nemosiu

仲有一件事，我去見外判，應該真係職員黎既，佢無同我詳細傾生活費，只係睇左個收入支出表，就話應該要還款！咁我問要還幾多，幾時開始還，佢話要等還款戶口開左先通知！咁即係無得傾？佢話幾多就幾多？

worldcat

所以破產都要做下功課先得。
同埋你有無欠出糧銀行錢？如果有係破產領頒發前嘅錢，佢地有權沒收。

同業主傾下，如果係有交足上下期按金，通融1個月應該問題唔大。就話屋企有事要用錢。
飯錢就真係靠朋友喇。

nemosiu

剛剛見完外判，佢話要等銀行寄返支票過去，又要等律師寄返破產令過去，又要等佢開還款户口，我先可以申請拎返啲錢，起碼兩個月時間。我都打俾破處，破處話無辦法。咁我點交租呀！！

bb_q_888

nemosiu 发表于 18-6-2012 17:16
謝謝你回覆！我係咪應該聽日上去見外判既時候一次過講？

打比佢先,外判通常係職員見你,但解凍信要外判主任簽發,要早D通知.
如果有問題.....你可直接搵破署主任問下意見.(例如:不發還你生活費,你點生活等等)

nemosiu

謝謝你回覆！我係咪應該聽日上去見外判既時候一次過講？

bb_q_888

nemosiu 发表于 18-6-2012 16:23
但我戶口仲有萬幾蚊係入面，銀行都會自動取消？

你而家所有錢都係由主任全權管理,你盡快同主任講....果D係你生活費.
正常係會比返你.(就算你之後要還錢)因為你無錢返工.

nemosiu

但我戶口仲有萬幾蚊係入面，銀行都會自動取消？

301

andrewhome 发表于 15-6-2012 09:15
作為破產人士既我, 真係冇咩財可以理囉! 每個月只得2個交易, 上繳W+S同取生活費 ...

仲可以各項交費(繳費靈)
特以留個紀錄添.