行出第一步

新兵

昨日終於上咗律師樓, 辦理老破手續, 因太太係卡主, 佢多年來都無出來做過事, 只欠一間財仔ge卡數, 但有共六個戶口, 律師樓共收費用, $11099.00(已係最低消費了）, 昨日把半年來所有信用卡statment帶晒上去畀佢影印同銀行存摺, 跟住填一張form, 今日就可以上去宣誓..跟手律師樓就會fax資料去財仔aexx度...律師行的妺妹仔同我講宣誓后, 就要等法庭判,但我有些少疑問, 吾知大家可以幫幫忙, 解答, 我都有刨舊文, 但都吾係太明..
1.如果出咗頒令后, 係吾係有一個叫做債權人會議的?有乜作用la?
2.我太太現在係無收入的, 她每日所需名義上是我畀佢, 所以係律師樓度填果份收支表時, 我話我每個月會畀$3500.00佢用, 而填佢ge支出, 我哋就填$4100.00.咁到時法庭會吾會只批佢每月只可以用兩千, 咁佢變咗係吾係每個月要攞$3500.00-$2000.00=$1500.00出返嚟還錢呢?
3.以我所刨舊文, 好似入咗破產申請表后,財仔AEXX係會暫停追數的，l有無邊位係已經開始申請后,佢都仲係繼續畀佢追數la?, 我想再請問, 遲D破產管理局或法庭係吾係會寄一封信嚟通知我們, 咁佢個信封有無印明係破產管理局, 或只係印住政府公咸la?  因為吾想畀父母知道.
4.吾知各位知吾知道由現在開始入紙,幾時可以頒領破產(如成功), 幾時會開個債權人會議, 又係幾時見破產官la?（吾知程序有無錯。。

謝謝!!!!

[ 本帖最後由 新兵 於 2009-3-24 05:28 編輯 ]

新兵

完全明白晒, 多謝咁多位ge解釋...謝謝

admin

無我名，係未要扣分？要定條版規，一提就要提晒咁多個人先得，唔係扣分！

一怒殺龍手

1  債權人會議就係....... 銀行覺得你有能力還 然後委託律師做代表 去不停cut你生活費
對於失業既太太起唔到作用.....

2  唔會  唔通我拎公援都要扣黎還錢咩

3  唔會  佢都係我既大戶 我大部份都爭佢  aexx 會打黎追你數 你話比佢聽 你有靚仔老破神照 佢地會比個fax號碼你 你記低佢 之後叫你律師fax過去 [ aexx 最初律師fax果份 佢實話收唔到既]
你問埋佢地拎份呈請書copy  fax過幾次都收唔到 你就話交分行比佢地 [通常你既借貸響邊間借就交邊間 唔到佢地話收唔到]

3a 會有印 仲佔據信封總面積3分1咁大個  斗大五字 破產管理署 [準備截信啦= =" ]

4  呈請書會有上庭日期 果日咪就係頒令囉  債權人會議? 無野做既太太 邊個得閒同你開會議 浪費時間

janelam

原帖由 janelam 於 2009-3-26 16:39 發表
唔係想犯規。但係睇咗咁多topic, 都唔係好明。
請問是否只要肯申請破,就一定批呢? 定係佢覺得你欠落嘅係合理支出先會批? 定係律師一接你個case, 就意味着實OK?
請唔好鬧我白痴。我真係唔明先問。只因我係受害者, 先 ...

Yes,景然有分加! Sorry, gpo4074, "感受到各位有心人真係攞個心出黎幫手" 當然包括你啦! 重有好多好多會員特別係bbq,佢除咗比咗D關於破產嘅資訊,重比埋我婚姻上嘅資訊同意見我參考。Thanks bbq!
Out of this topic: 今日下午收到封按揭銀行嘅律師信! 對眼就成日掛住D馬尿想滴想滴咁!   重約咗呀媽同呀哥出來食飯,唔想佢地擔心, 唔喊得出黎住! 比個C6害死啦! 我唔忍啦! 我打咗去 1823 投訴破管署主任, 明天放工就約區議員傾下!

新兵

我是星期二宣誓的, 但到今日為止, 都未收過一封任何關於破產的信件, 包括廣告...

gpo4074

原帖由 janelam 於 2009-3-26 16:39 發表
唔係想犯規。但係睇咗咁多topic, 都唔係好明。
請問是否只要肯申請破,就一定批呢? 定係佢覺得你欠落嘅係合理支出先會批? 定係律師一接你個case, 就意味着實OK?
請唔好鬧我白痴。我真係唔明先問。只因我係受害者, 先 ...

一般來講,如果你欠債係年薪的二三倍以上,已經有需要申請破產.

及如果你本身齊有關文件/記錄,來證明到申請人沒有資產轉移,或蓄意避債,咁通常都可以申請破產成功.

但如果申請人本身有聯名物業、聯名資產,或係申請前一段時間有一大筆資金轉移,咁就要作出合理解釋才能申請破產成功.

janelam

唔係想犯規。但係睇咗咁多topic, 都唔係好明。
請問是否只要肯申請破,就一定批呢? 定係佢覺得你欠落嘅係合理支出先會批? 定係律師一接你個case, 就意味着實OK?
請唔好鬧我白痴。我真係唔明先問。只因我係受害者, 先會留意破產資料。而家我好鐘意上呢到, 因為係呢到我feel 到人情味同同情心。好warm! 睇到温sir嘅case, 有D共鳴。 亦感受到各位有心人真係攞個心出黎幫手。

迷茫456

我都係同你差唔多,昨天去宣誓,今天等呈請no.一起努力呀!

温sir

好難講喎！ ...頭三日至兩星期內約十多廿封廣告，有的無信封嘅，破署信有1~2封，到頒令前破署都會有信比你。
詳細情況最好問吓最近剛搞掂嘅會員，佢哋最清楚。

新兵

原帖由 温sir 於 2009-3-24 08:45 發表
哈哈....你/你哋終於都行出咗第一步
1. 係有債權人會議，但唔一定會開，以你單嘢九成唔會開。
2. 佢無收入根本就無入息，唔可能要還，你畀錢佢亦唔係規定，假如真有你所說情況，你也可只2000或唔比錢佢。
3. 追唔追數好難 ...

溫sir, 想請問吓, 你估計我要守係個信箱到幾耐, 先可以收晒所有信la, 這段時間我諗我要多d見個邸差哥哥了. 最驚係封信畀父母汁咗去, 就麻煩了

gpo4074

你有權每個月比一定金額的錢給你太太.

亦可以大大聲講只係包佢三餐、食宿、一百幾十蚊零用等.

換言之,當你太太日後填年結時,求其填番最初審批時的金額就得,至於你地兩夫婦是否有錢兩份洗,又或你私底下醒一萬幾千比佢,就吾好話比第三者知.

温sir

哈哈....你/你哋終於都行出咗第一步
1. 係有債權人會議，但唔一定會開，以你單嘢九成唔會開。
2. 佢無收入根本就無入息，唔可能要還，你畀錢佢亦唔係規定，假如真有你所說情況，你也可只2000或唔比錢佢。
3. 追唔追數好難講，每人條數唔同，我睇就多數唔再追你。破產管理局會在頒令前大約寄4~5封信比你，每封都有雞乸咁大嘅印，提醒你係破產管理局寄比你嘅。另外一提﹕通常入紙申請約一星期，你會收到大量破產廣告信。
4. 入紙到頒令大約個半至兩個月。頒令前有信通知你交文件(参考吓近期會員的問答吧)。