已fax呈請書,之後仲打黎追數>.<

wing2796

幾日前本人已fax呈請書到所有的欠債機構,亦已在fax完後打左去有關機構確認,而他們亦回覆我已收到呈請書,咁但係今日問題就黎喇,

其中一間UX財務今日打比我,佢同我講,以下內容(註:"U"代表UX財務,"M"代表我)

U:唔該XXX呀~
M:我係
U:XXX你之前到左期仲未比錢我地,你之前話星期三應該有,但到今日仲未收到喎
M:下?我已申破,同埋我之前已經fax左呈請書比你地,你地都確認收到呈請書架,咩唔係呈請左,入左紙,排左期就唔可以還架嘛,如果還左都唔當架喎
U:我知你已經fax左呈請書比我地,但你只係排左期,但仲未到時間上庭,你只係申請緊,唔係已經破左產,所以要還,況且我地公司都寬限左你今個月只還息啦,所以你要比錢所以你要還錢架喎,連下一期的供款都要還呀
M:下?係咁架咩?但係我用晒D錢申破喇,宜家無錢呀
U:你問下D朋友呀屋企人呀借住先啦,過兩日好入喇,如果唔係我地會當一般過期欠交錢的程序咁做野
M:但係以我所知呢段期間係唔可以還錢架喎
U:梗係唔係啦,係要還架,你問下律師囉,總之過兩日好入錢啦
M:哦,咁我睇下點啦
(完)

咁宜家我有幾個問題想問下,希望有人幫到我解答,THANK ALL~
1.呈請左,入左紙,現已排期,咁宜家到頒領日呢段日子其實究竟係咪要繼續還錢?(因為我在這裡爬過文,大部份類似CASE網友都話唔駛還,唔好理佢地,佢地"兇"你)
2.咁如果証實係唔可以還,咁有咩地方可以比我對果間財務作出投訴?
3.咁佢地下次打黎時我應該點講??
4.同埋頭先對話當中"U:我知你已經fax左呈請書比我地,但你只係排左期,但仲未到時間上庭,你只係申請緊,唔係已經破左產,所以要還,況且我地公司都寬限左你今個月只還息啦,所以你要比錢所以你要還錢架喎,連下一期的供款都要還呀
M:下?係咁架咩?但係我用晒D錢申破喇,宜家無錢呀
U:你問下D朋友呀屋企人呀借住先啦,過兩日好入喇,如果唔係我地會當一般過期欠交錢的程序咁做野"
咁算唔算教唆我犯法呀?因為好似呢段期間唔可以問任何人借錢的?
5.最後想間下我過兩日後可以點應對佢地呀?

hic2008

19# wing2796


我直接話冇law.

浪子18

大條道理叫佢上黎收呀ma,收左呈請書重係到老作叫你還錢,
如果你錄到佢音,呢間財仔都幾唔得閒~~~

一怒殺龍手

仲未到時間上庭,你只係申請緊,唔係已經破左產,

按破產條例，在你入表申請破產的一刻開始，你名下的所有資產已被凍結並歸於破產管理署所監管！
任何私下的償債行為都會被視作無效，還有可能會被認為是私下轉移財產而被檢控！所有的銀行和持牌的財務公司都清楚知道這些法例

其實這些追債行為是不切實際和費時失事的！因為破產法例清楚列明，破產者未得破產管理署長和法庭授權下私下作出的任何還款都是無效的！
不論是還款或是收款人，同樣觸犯法例會被檢接！即是收受還款觸犯破產條例！

不過佢追數又無觸犯破產例 無話唔比追  只係話唔比還之嘛

佢再打黎你問佢職員號碼 叫乜名 我要記抵佢比律師投訴你地

如果佢仲叫你還錢 你叫佢有乜野事同你律師講 我比佢個電話你地

佢多數都會話係你爭我地錢 唔係你律師 梗係同你講

我會健議你咁答佢 我爭你公司錢唔係爭你錢 叫你老世出黎同我講

佢大你話要比收數公司做 你就叫佢即管比 我接到一個收數電話公司電話

我會拎埋份呈請書去信太陽，東方，蘋果 搵區議員投訴你地無視破產保護滋擾我 作出投訴

dopod123

21# wing2796


係企硬冇得還,唔駛驚喎.跟本唔駛理佢.

wing2796

18# wing2796


再打比你,都係答你已申破,
dopod123 發表於 2010-1-29 00:17

我答過好多次,佢都話你一日未頒領都要還錢
咁我其實係咪應該企硬,話"我經申破,呢段時間律師話唔可以還錢,所以無論點我都唔還架喇"咁會唔會好D?

dopod123

18# wing2796


再打比你,都係答你已申破,

wing2796

我破時ux都求過我還多一期, 我心想, 有都唔還啦.
hic2008 發表於 2010-1-28 21:13

咁佢求你還,之後你唔還,咁點解決?由佢係咁打黎追?你係點同佢講架?講黎聽下等我可以參考下,THANK~

wing2796

多謝各位幫忙~~
咁我就照講話律師話唔可以還(其實係自己申破 ),
跟住睇下咩情況再上黎報告一下

dopod123

16# hic2008


你就好啦有人求

hic2008

我破時ux都求過我還多一期, 我心想, 有都唔還啦.

lalaeveryday

反正大家接到電話就 禮貌 d 問佢反佢的 所有 聯絡 資料, 每個已申破的 準破產人士 應該做 到 劉華所講的 "今時今日的服務態度的水平"
所有準破產人士是有責任 對 債權人 的電話 作 合理 及 合法的 跟進

然後就好直接安慰 債權人, 一切已在香港法律的程序下進行了, 希望此事可以盡快解決. 如果佢地有甚麼問題,可以再來電或留言查詢最新情況,但請每次必須留下可以跟進的聯絡電話及人名等

mickey7100

你照同佢地講話律師叫唔駛還住.....冇講大話架,係人地既律師講之ma 跟住問佢名,話以防有事發生知道搵邊個

queenielamok

又收到銀行電話, 我同佢講我已入紙申破, 對方好有禮貌, 問我攞編號, 然後叫我傳真資料比佢哋.  態度好 ok 喎!
puzzle 發表於 2010-1-28 16:19

係架... 銀行態度係ok的... 我之前剛剛入紙... 其中一間bank 都打來追... 都好有禮貌無寸寸貢... 我話叫律師fax 返份呈請俾佢... 佢就收左線... 之後亦無再打過來了... 不過可能財仔做法會兇dd...

puzzle

又收到銀行電話, 我同佢講我已入紙申破, 對方好有禮貌, 問我攞編號, 然後叫我傳真資料比佢哋.  態度好 ok 喎!

dopod123

3# kwok1234


樓主好似係自己申破,冇律師

dopod123

5# 由零開始


同收數講律師話唔使還冇用架.直接同佢講我破唔倒產先算.

dopod123

你未正式破產,正在申請中.呢段係灰色時間,法例只係話破產後不可追數.只不過大型銀行一般唔會再追,2線財仔會追數唔出奇.但知你申破而家都唔會用太強硬手法,而且呢間唔數黑財,打多幾次唔打架啦.

301

係呀,
睇以上對答都好温和啫.

爭未問埋佢食左飯未!

puzzle

我昨天都有收到銀行電話, 不過我無理佢, 今朝有個 missed call, 唔知係邊個.  我無欠財務錢, 銀行做嘢手法可能溫和啲.