以後做人真係自私D算數

KennyPang

各位同學！又係我！話說今日返緊工！見到便利店有個貓仔筆袋幾得意！跟住我買左！諗住放工拎返屋企送俾個囡！開心下！哄下小朋友.….. 返到屋企我拎住個筆袋行埋囡囡度話：爸爸買左個筆袋比妳????睇下鍾唔鍾意….! 囡囡接左個筆袋就話：多謝爸爸……就係依個時候….. 女人就大聲話…. 都話你死性不改架啦！破產仲買！又同個囡講…. 依D人冇用架！唔好要…買埋D垃圾.. 一手搶咗個筆袋丟落地！！叫個囡入房瞓覺！唉……. 算啦….. 係我自己一直以為可以用時間證明一切會變好！！個一刻我同自己講….. 做左自己要做嘅嘢！負起自己應負既責任！唔好再比希望自己！每月收入淨返D比自己！令自己每日過得開心就算！為自己打算下！

lifeishopeless

師兄，離婚啦！有D人係唔可以共患難！記得你之前都提過係咪入左紙離婚？你都應該就快畢業啦！好好計劃畢業後的生活吧

走出黑洞

我破產，係另一半照顧有病嘅屋企人及失業，我借咗錢比佢，然後還唔到又照顧唔到我。但我選擇原諒。或者你可以忍耐，但你要看呢段婚姻有冇將來和質素。沒有原諒，大家怎樣下去呢？

debtfighter

為自己打算下好重要

mirror0822

要有冷靜既思維頭腦。因為仲有個女兒。點可以隨便離婚變單親好悲哀的。

mirror0822

全部教人離婚傻傻地。感化佢咪得。

Jo883

師兄，你EQ太高啦

nolifesasha

個老咁咁差 通常個老公都唔係啲咩好人

whysocrazy

食得咸魚抵得渴，佢肯比說話你聽算好 唔理你仲驚

貓女

自己條命生成。。要怨就怨自己克夫。。
個女人有本事就興家旺夫啦。。。。
自己陀衰家無公主命就扮公主。。。咁樣DＩＵ ７ 佢。。再離婚啦

a981142

盡快放手啦,日日呻唔係辦法

Hing426

有冇諗過呢段婚姻可能係錯？小心小朋友情緒,吾好以為佢乜都吾知

天意玩弄人心

咁辛苦點解唔離婚

金龍華

離婚啦！做大戲咩！

KennyPang

Yuyuyuu 發表於 17-9-2024 00:03
事出必有因，你曾經做過咩事令到老婆咁憎你。

破產係因為媽媽！過身…爸爸返地盤嘅…. 太傷心身體轉差⋯⋯唔可以再返！（心臟問題）..！成年冇收入…. 我一個人搵錢！處理媽媽白事既錢同全屋開支太大！之後去借銀行同信用卡現金透支！完全唔係賭錢！舉手之前我同爸爸都商量過！但係女人就覺得我破產影衰佢！所以佢覺得我累咗佢！俾唔到榮華富貴佢

KennyPang

Yuyuyuu 發表於 17-9-2024 00:03
事出必有因，你曾經做過咩事令到老婆咁憎你。

淨係話結婚之後就係要滿足佢！養佢係責任！自己要做全職主婦！！唉….

sosadnow

破產啫，又唔係殺人放火，Kenny兄，人生流流長，你真係好好諗下以後條路點行

MoneyZero

師兄 你咁都忍到 其實做左咩事個老婆都唔應該咁樣喺個女面前做啲咁嘅行為囉 師兄你當日衰咩佢咁憎你

CKC

你個囡又幾乖喎!忍多9個月就畢業，到時有錢，睇你老婆有無咁顛，不過呢d女人，肯定楂乾你!

Yuyuyuu

事出必有因，你曾經做過咩事令到老婆咁憎你。