三十未到，欠債百萬，應該點做？

哈哈大笑很奇妙

TU上顯示本金連息一百萬多少少其實大部分原本都供得好地地，本身月入六萬雖然大洗吃力但都仲算供得起
銀行+財務P LOAN+信用卡十二條，絕大部分都供/用咗超過兩年或以上
之前衰加密貨幣成份儲蓄無哂，仲要公司裁員失業，依家搵返份工但收入已經大不如前，得返萬幾蚊/月。
現在所有貸款已經最少疊兩期/已交收數，根本現在收入完全供唔掂。
好多人都建議我申請破產一了百了，但我心有不甘，唔想因為咁而破產留下一個印記，始終破產呢個紀錄會令有唔少事情做唔到
現在我大部分已經最少疊兩期/已交收數，我見有d師兄話可以寫封信/聯絡收數，列明哂還款方案去傾
有啲銀行可能可以本金+比較低息分十年八年還
始終入債還錢天公地道，我真係好想去處理好佢，就要長命債都好起碼都有完結的一天

請問有冇師兄/有相關經驗的朋友可以分享做法，真心求教，謝謝

Carman1216

冇得話心有不甘，係攪唔掂就要承認同面對

sosadnow

唔係潑你冷水，你而家搵萬幾蚊，根本好難供得掂，舉手後你唔洗擔心收數或其他，我之前只欠30幾個，但供唔掂就係唔掂，舉手後反而輕鬆左

a981142

CEEPO 發表於 10-12-2023 05:03
伙記都係打份工，個個背景都各有大小負擔，明蝕跑數重點唔係貼公司，貨錢可以賴皮，但伙記份人工就唔好咁 ...

貨錢無找,破產都得?唔係欠財務機構的話

Reeves

CEEPO 發表於 10-12-2023 05:03
伙記都係打份工，個個背景都各有大小負擔，明蝕跑數重點唔係貼公司，貨錢可以賴皮，但伙記份人工就唔好咁 ...

真骨氣，向你學習

CEEPO

a981142 發表於 9-12-2023 11:06
咁真係唔應該自己借錢去貼公司,蝕就執算

伙記都係打份工，個個背景都各有大小負擔，明蝕跑數重點唔係貼公司，貨錢可以賴皮，但伙記份人工就唔好咁搞佢地，嗰時只係做返個有腰骨嘅老闆，反正都係舉手，盡力出嘛D糧比班伙記有頭有尾，同嘛將來我斱唔想比人咒一世或生仔無屎忽。

John2628

加密貨幣只能買最大果兩隻同埋唔好信任何平台即使幣安都唔保證冇事⋯⋯ 個個炒加密貨幣時以為自己係投資者，但其實只係賭徒XD

a981142

Yuyuyuu 發表於 8-12-2023 23:41
視乎咩公司，有限公司就股東只需要賠股本金額。無限公司就股東要全數上身。 ...

咁真係唔應該自己借錢去貼公司,蝕就執算

Yuyuyuu

a981142 發表於 8-12-2023 11:20
係咪唔可以只公司破產，要破埋個人？

視乎咩公司，有限公司就股東只需要賠股本金額。無限公司就股東要全數上身。

a981142

CEEPO 發表於 8-12-2023 05:24
年青人: 三十未到那又如何？小弟25未到衰賭同大洗就破第一次，果陣仲唔甘心過你現在NNN倍，破完戒左賭錢落 ...

係咪唔可以只公司破產，要破埋個人？

CEEPO

年青人: 三十未到那又如何？小弟25未到衰賭同大洗就破第一次，果陣仲唔甘心過你現在NNN倍，破完戒左賭錢落海，到十幾廿年後嘅今時今日，又因為疫情關係是市度一年比一年差，生意失敗執晒幾間舖，每月跑數比班伙計出糧同找貨錢比租各樣那樣，頂無可頂搞唔掂又要再破第二次，咁那又如何？搞唔掂就要面對現實！夠膽去搏就要夠膽承受返個最壞後果，凡事無必贏，依家已約經唔到你講甘唔甘心，最緊要跌低左識爬返起身，同嘛唔好做埋呢累人累己嘅事，勸你早早舉手算吧啦！

CEEPO

好睇自己心態，揾六萬時可能有五萬幾拎左去找數，但到揾返萬幾時，反而又有可能全數淨袋.....人生來來去去都係數字游戲，重點係睇樓主樽鹽幾時先肯放得底。

nakamura

Yuyuyuu 發表於 7-12-2023 18:32
好奇想知咩工有6萬，但裁員之後得返萬幾。相距咁遠。

由六萬跌到得萬幾當然係淪為低下階層工作啦

Yuyuyuu

好奇想知咩工有6萬，但裁員之後得返萬幾。相距咁遠。

想做返個人

你有得揀咩宜家

搵6萬係之前既事, 最緊要係你宜家搵幾多

你講緊搵萬幾蚊,欠成100萬 , 你想同銀行傾D咩野?
退一萬步講, 就算銀行同財仔宜家話唔收你息, 淨係還本金你都還唔起呀

還唔到就要破架啦, 有咩甘唔甘心
最後想講一句, 你揸住咩籌碼去同銀行傾呢?
同埋真係唔知你想傾D咩

a981142

zombie 發表於 7-12-2023 14:55
可能你諗住遲啲搵得返6萬，供4萬2年就還曬，但現實係你而家搵萬幾，扣埋生活費，銀行批唔到俾你攤長嚟還， ...

除非屋企人有錢,普通人家拎100萬出黎還債
等於無哂成副身家,屋企人都要退休架
一個印記邊值咁多錢,明明破就唔洗還

zombie

可能你諗住遲啲搵得返6萬，供4萬2年就還曬，但現實係你而家搵萬幾，扣埋生活費，銀行批唔到俾你攤長嚟還，反而會即call loan……似乎唔想入學只有2方法，1搵得返6萬人工，2屋企人幫

zombie

你之前做咩

antonyking

傾條鐵咩，咁多條數你傾得幾多間？早早入學，重新做人，感謝香港有得破產，四年後又一條好漢，個個都老破都唔甘心啦，早早面對現實吧啦！

John2628

樓主你情況係冇力還錢，你搵到人工扣除生活費還廿年都未必完成。銀行一定唔會接受你重組，你不如接受現實。一係你移民離開香港。