收到反對解除破產令通知書

fayelam0728

仲有3個月就夠4年, 今日無啦啦收到黃+石寄左封反對解除破產通知書比我

2017年3月申請增加生活費, 直至2019年11月先有人理我個申請~中間係入息都唔超過生活費, 所以唔使還錢
直到今年3月開始我個入息先多左, 但因為一直無人理我申請增加生活費, 律師叫我唔好還錢住
去到今年9月, 無啦啦凍結我戶口, 搞到我每個月都要上去出糧, 原因係因為佢地話無收齊我既入息証明
我睇番哂D紀錄我交齊哂, 我再重新交過 佢都唔肯解凍我戶口都算啦!!!
跟著就有另一個理由話我有供款未還清, 我由9月問到11月都無人答到我要還幾多! 淨係話計完之後會有人通知我
宜家就無啦啦寄封咁既信黎!!!
究竟想點呀呢間野!!! 入面D人態度又差, 做野又亂, 乜野都做齊又話你無做
D申請隔兩年半先覆番你 係咪痴線架!!!

karkar123

我今日打去問黃十石，仲於有人聽，聽果時仲笑笑口話，乜係你呀，叫我fax  家姐張死亡證，之後覆我申請扣減費用可批兩萬，總欠款仲要等一星期後再打去問，足足拖左年半都未搞掂欠佢地幾多.....我要話離開香港一段時間，想快d了結件事，佢地先快少少咁跟進 （不過今次佢地既語氣好好，唔知係咪我驚動左破處）

amberfung1983

我都係黃x石，我個案同你好似喎，但佢話唔會反對我解破，但就要還晒啲錢先俾不反對信我。我仲多過你，爭佢十幾萬還左年幾先還晒。

Carman1216

chunkwongs 發表於 12-1-2020 09:02
黃+石不嬲慣性手段，最鍾意當你差唔多完結嘅時候，跟住就會嚟搞你，話你差幾多錢，我當年破產那4年，每月過 ...

我情況類似，10月尾搵我話入唔夠上繳，俾1個月時間我入，點知11月頭freeze左戶口 ，結果都係要我家人幫手俾返先，都要12月初先用得番，2月交埋最後一次上繳就完成啦

chunkwongs

黃+石不嬲慣性手段，最鍾意當你差唔多完結嘅時候，跟住就會嚟搞你，話你差幾多錢，我當年破產那4年，每月過錢，交足收據，雙糧和花紅，年報交足，頭3年半一個電話都冇搵過我，跟住仲有半年到期，就打嚟話我差佢幾多錢冇交，我佢啲數點樣計出嚟，佢哋都係冇答案就直接凍結戶口，跟住上去每個月出糧，又話我啲資料唔清楚，我特登比錢人做過晒四年嘅所有記錄畀佢，佢地都當睇唔到，最後就凍結你戶口，足足在我戶口內滾存了一年半，到我戶口的錢夠還他們的結餘後，全數找清，才終於完結我的破産生涯

Carman1216

Mingchow 發表於 30-12-2019 00:15
咁我係咪都要俾返9萬幾先可以攞得返不反對通知書丫，塭律師有冇用丫，求指點 ...

你打去石仔問清楚嗰9皮係乜先啦，
同聽電話嗰個小姐簡短講下乜情況，話唔知應該揾邊個，佢會幫你接駁去有關人士聽㗎啦
(呢個係我11月被freeze戶口不停打電話上去嘅經驗，最好就10點或2點左右打，)

flypig

Mingchow 發表於 30-12-2019 00:15
咁我係咪都要俾返9萬幾先可以攞得返不反對通知書丫，塭律師有冇用丫，求指點 ...

首先，你要問外判個9雞幾咩數。問完再傾。
宜家唔夠groundings 去做任何judgment  

Mingchow

flypig 發表於 20-12-2019 09:36
From your post:
1 我total欠71萬幾
2 中間上繳

咁我係咪都要俾返9萬幾先可以攞得返不反對通知書丫，塭律師有冇用丫，求指點

karkar123

打去唔會有人覆，破處主任幫手進佢地都唔會有人破，我滿左期一年三個月，到依家都無人覆我欠既實數同埋扣唔扣到兩萬五既殯儀費用！！！！

Carman1216

樓主快啲打電話去問清楚啦，我估個意思應該係你應該上繳嘅數欠9萬吧

flypig

Freehair 發表於 20-12-2019 00:05
我去年9月尾畢業，上星期先拎到不反對信。離晒普等咁耐，晤知點解政府要外判比佢地 ...

因為 平!!!!!!!
投標而來,價低者得.

flypig

Mingchow 發表於 20-12-2019 00:13
其實我total欠71萬幾，喺上年9月我fax上去問我仲欠幾多，之後有個王十石有個同事打黎話我仲欠8萬幾，再過幾 ...

From your post:
1 我total欠71萬幾
2 中間上繳
3 同埋就係我扣除每月生活费俾返佢地都冇可能會還到70幾萬

我諗你對外判的 回覆有所誤會:
1 破產就係,如果唔加刑(加要上庭) ,4年內,上繳$1 又好,唔上繳又好,清哂條數都好,
到了解破日,就唔需要再還.
2 外判所謂,你仲欠9萬幾. 一般就係你 應該上繳而無上繳,例如:
生活費$10,000...人工$15000, 上繳應係$5000但你無俾.
又或者中間人工加左,你上繳數不變.例如 人工 $16000. 生活費$10,000,上繳$5000,但應係$6000.
於是欠$1000..然後累積

我諗你應該快快同外判傾下,個9萬幾係咩數.

GOOD LUCK!

Mingchow

欠一百萬 發表於 19-12-2019 23:38
9萬幾, 唔少喎, 你係咩情況呀?

我都吾知點好，又冇加長我破産令，可以點做丫

Mingchow

cl475867 發表於 19-12-2019 21:07
點解仲欠9萬幾，之前上繳不足

每月都準時嫁

Mingchow

其實我total欠71萬幾，喺上年9月我fax上去問我仲欠幾多，之後有個王十石有個同事打黎話我仲欠8萬幾，再過幾星期後又有個好吾禮貌嘅人打黎話吾係欠呢個數，好喇，到完左我就寫信上去，到近期就打俾我欠9萬幾啦，同埋就係我扣除每月生活费俾返佢地都冇可能會還到70幾萬

Freehair

我去年9月尾畢業，上星期先拎到不反對信。離晒普等咁耐，晤知點解政府要外判比佢地

欠一百萬

Mingchow 發表於 19-12-2019 20:31
我2019年3月完，黃加石到依家都吾俾封不反對通知書我，喺11月仲打黎話我有9萬幾未還，我都吾知點好
...

9萬幾, 唔少喎, 你係咩情況呀?

Carman1216

Mingchow 發表於 19-12-2019 20:31
我2019年3月完，黃加石到依家都吾俾封不反對通知書我，喺11月仲打黎話我有9萬幾未還，我都吾知點好
...

正常無理由過咗期先追㗎喎，，，，你有冇欠上繳或有冇打俾佢哋問咩事？

cl475867

Mingchow 發表於 19-12-2019 20:31
我2019年3月完，黃加石到依家都吾俾封不反對通知書我，喺11月仲打黎話我有9萬幾未還，我都吾知點好
...

點解仲欠9萬幾，之前上繳不足

Mingchow

我2019年3月完，黃加石到依家都吾俾封不反對通知書我，喺11月仲打黎話我有9萬幾未還，我都吾知點好