準備申請破產，有幾個問題請幫忙

siugangan

大家好，本人準備月尾入紙申破，想等到28號出左糧先去搞，想慳錢所以打算自已搞，己爬過好多文，但還有一些問題想問，希望大家能解答一下

1. 已去積金局Print 左強積金戶口資料，但只列有兩個舊有工作用o強積金公司資料，問佢地話只會列出舊有的，現有工作的不會列出(現工作用匯豐強積金)，咁係咪我填表時自已加返匯豐的就得，但我記得仲有一間係之前做地盤時去中資銀行開的，果時做左幾個驫都供左幾千蚊之後冇做就冇理到，但我唔見佢個表有列出黎，咁入我洗唔洗填？而我自已都唔係好記得呢個戶口的資料了

2. 見呢度好多Post 都教開個永隆戶口做出糧，我仲未去開，而我本身用緊中銀出糧的，我爭落d數其中都有差中銀卡數大約5萬幾，如果我申破，破產後如拎到開戶信，中銀會比我用返個戶口出糧嗎？另原本我打算等出埋今個月糧(28號) 先去搞破產，但差星展果筆可能拖唔到了，佢地只肯比我拖到19號，呢筆數我都順供左兩年，正常9號autopay,兩年間試過3次遲還但都係限期前還冇上TU,今次就真係捱唔到，如果我提早28號前入紙，我中銀個戶口會否馬上被凍結出唔到糧？

3. 我睇破產準備個Post 只係話要準備mpf 資料，冇講話要3年稅單，但我之前google 過又話律師會要你要準備3年稅單(但我唔係搵律師搞),咁其實需唔需要？因為如果要就要請假搵時間去稅局拎，又係一個問題…

4.本人從事跑數行業，過去兩年平均都搵到兩萬以上，今年年中幾個月都兩萬幾，但公司加target 加上市道好差同競爭當手出招導致生意下滑，近呢3個月收入大跌，出一萬都試過，可見將來都唔見得會有轉機，想問我申破時雖然話生活費同搵幾多係我自已填，但破產局會唔會見我以往都搵2萬而用2萬同我計要我還幾多架？

5. 因為申破唔想比屋企人知，另本人已申請郵政信箱，已寄信比我叫我去拎匙，準備一拎到就申請埋郵遞轉寄，但我驚申請到轉寄前破產局就寄信比我，想問一般是否頒令後才會有信寄比我？

6. 填支出時，本人已婚未有子女，我老婆係國內人，大約仲有一年先拎身如份證，而佢係國內有工作叫做自已搵自已洗，佢唔知我欠人好多錢，但金錢上對我冇乜要求，但基於我為人丈夫，我一有鬆動都會有錢比佢幫補下佢生活，雖然唔多每次幾千咁，對佢我亦好內疚，打算申破後可以固定每月比3-4千佢，如果我申報時照填要供養老婆咁有冇問題呢？

7. 同上，本人同阿媽細佬一齊住公屋，間屋已買，我媽自已搵到錢
，但基於要我地負D責任關系都要我地比少少家用，咁我媽要我比兩千當交租的，因為欠債都搞到有時會遲左比，我報支出時照報供養母親，銀碼稍為報返大d例如4千，可以嗎，因都預左佢還價，但會否因為我母親有工作(自顧)，而唔批我供養母親呢筆錢？

8. 最後一個問題，本人這兩年染上賭波，開始都贏，當然之後都輸啦，咁用開馬會流動投注戶口，經銀行轉錢入落個戶口賭的，即係銀行月結單個個月都會有幾筆Hkjc 過數顯示出黎，雖然賭得唔算大，每次幾百幾百咁但一個月加起上黎都過千，呢個唔算我破產主因，但會否對我申破有影響？我網上查過好似係自已做生意而又賭先會犯刑事，同埋我係咪要入紙前就去馬會取消左個戶口佢？當然現在我已停了賭波

Sorry 一次過問左好多問題，但真係搵唔到答案，希望有經驗的師兄師姐幫幫忙，感激不盡

deeyuyan

問過稅局可授權代領， 唔駛手續費。   但最後我都係蒲頭自取， 具體點授權你打去問多次

deeyuyan

問過稅局可授權伐

flypig

Howard1995 發表於 7-2-2016 02:44
多謝flypig答問，我所講嘅貸款合約即之前同銀行，財務
簽的文件，我大多都不會留，因怕被屋企人見到，並想
...

你應該要拎番份合同先。所有合約不能凌駕於法律。呢d 合約可能寫你不能申破，但其實唔駛理。照破。你想hide 薄仔某紀錄真係無意思。原因係你債主就係銀行，人地有會查到。收收埋埋盞被懷疑。勸你唔好搞呢d,想破就光明正大，走去同債主講要老破，所有單據都一清二楚。只要合法，就叫佢地放馬過黎。當然，如果你d 數有問題，就唔好咁做。但唔好幼稚以為你唔show 薄仔人地唔知。如果有問題，將軍將到你暈都得。

flypig

Howard1995 發表於 7-2-2016 02:37
因為聽聞銀行知道债仔申破會追得特別緊，同想講因数月前申請
|VA時失敗，現在要還幾個月数己無能力，相信很 ...

幾耐通天唔一定。
你應該 睇番contract.如果寫申破後要通知就申破後一兩日通知。如果破產後通知就 破產前幾日通知。你唔需要辭職。部門決定你去留。講唔定，佢換你去一d 無咁敏感職位呢！！

Howard1995

多謝flypig答問，我所講嘅貸款合約即之前同銀行，財務
簽的文件，我大多都不會留，因怕被屋企人見到，並想
講申破是不是一定要展示，單薄仔每月記全錄得唔得

Howard1995

因為聽聞銀行知道债仔申破會追得特別緊，同想講因数月前申請
|VA時失敗，現在要還幾個月数己無能力，相信很快會被追数上門
因現職紀律部門，如比公司知會很煩麻，最嚴重會被革職，因本
人為長俸制公務員，如自已辭工還能保住長俸，而申破後破署亦
都會通知部門首長。並想問有無師兄知道申破後會多久通天，因
辭工要一個月前通知，除非自已補一個月糧走

flypig

Howard1995 發表於 6-2-2016 18:01
想請教一下，我銀行貸款合約留，問銀行會唔會
被壞疑想申破，因剛申l V A失敗 ...

我真係唔明你想問咩野？
可以重新組織嗎？
1 甚麼是 “銀行合約留”？
2 銀行懷疑/ 銀行被懷疑？

Howard1995

想請教一下，我銀行貸款合約留，問銀行會唔會
被壞疑想申破，因剛申l V A失敗

siugangan

ok thx hohochi

hohochi

5. 因為申破唔想比屋企人知，另本人已申請郵政信箱，已寄信比我叫我去拎匙，準備一拎到就申請埋郵遞轉寄，但我驚申請到轉寄前破產局就寄信比我，想問一般是否頒令後才會有信寄比我？
<~~自行申破係頒令(即上庭日)前係會收到破署信通知你上庭日期，信封上會有個好大個架破署LOGO


8. 最後一個問題，本人這兩年染上賭波，開始都贏，當然之後都輸啦，咁用開馬會流動投注戶口，經銀行轉錢入落個戶口賭的，即係銀行月結單個個月都會有幾筆Hkjc 過數顯示出黎，雖然賭得唔算大，每次幾百幾百咁但一個月加起上黎都過千，呢個唔算我破產主因，但會否對我申破有影響？我網上查過好似係自已做生意而又賭先會犯刑事，同埋我係咪要入紙前就去馬會取消左個戶口佢？

<~~入紙前取消左佢，到交文件時都有要求要提交馬會戶口取消信

cc4321

樂觀睇你填幾多都得,悲觀睇批唔批唔到你話事,你要做好老公乖乖仔係一回件事,要睇主任/外判手鬆定手緊

flypig

我要破產了 發表於 16-1-2016 14:40
但去澳門賭錢輸左無紀錄...咁都得咩？

得！！！！唔只一單添！！！

siugangan

我現時理解為個流程係填兩份表再去破署入紙排期高院，之後頒令後才要交文件同再填表，即係文件實質就頒令後才要交？當然我都會盡早安排，文件就要3年稅單，銀行戶口半年記錄，各債項的結單或合約，大致上係咪咁？

我要破產了

但去澳門賭錢輸左無紀錄...咁都得咩？

siugangan

問左我媽佢話持有人係佢，希望佢冇搞錯

alan1alan

佢有可能交現金架。通常寄信收件人係保單持有人

siugangan

咁可能持有人都係我媽，我媽自已供唔經我的，受益人都係佢，我見有時有信寄黎檯頭係我名我以為我就係持有人

alan1alan

siugangan 發表於 16-1-2016 11:48
但佢用我名幫我買，幾次提錢都要我簽名，咁持有人應該係我，咁就煩

保單內分持有人, 受保人, 受益人...

多數保險公司受保人都要簽名的....
你可問返保險經紀你係邊一類....
或者你知道俾保費係用邊個戶口嗎? 通常過數戶口一定係持有人戶口.
如果份保單每月係你戶口扣錢, 咁你多數係持有人

siugangan

但佢用我名幫我買，幾次提錢都要我簽名，咁持有人應該係我，咁就煩