激死我啦！

karenliu22

各位朋友，我又回來匯報啦！
不過今次比間外判激死！
回顧一下我個case先....

http://hkiva.org/forum.php?mod=viewthread&tid=14338&extra=page%3D7&mobile=2

上星期，我寄左通知信比外判...
說明我已搵到工，並列明新工地址，薪金同新公司名...
成個星期我都等外判打電話黎同我confirm...
點知到今日我終於忍唔住打電話去問...
今朝11點打去搵負責既主任，個reception就叫我2:30pm再打....
到左4:00pm再打，佢就叫我5:30pm再打...
咁好啦，到左5:30pm...
終於搵到個主任，咁就問佢收唔收到封信...
佢開頭話收唔到，之後就話收到....
咁我問佢可唔可幫我解凍左個戶口先...
講真，外判凍左我個戶口真係好煩....
佢話唔得，一定要上黎傾左生活費先...
但我話我無理由為左呢件事同公司請一日假...
同埋岩岩開始返新工...
無理由為左咁而得登請假架...
咁咪全公司都會知我破左產啦....
佢話呢d係我既問題，總之就一定要上去傾好生活費先會出解凍信...
到呢個時候我終於忍唔住鬧人....
佢竟然話我係度發爛渣....
大佬啊....而家係佢地影響到我生活啊....
我無話我唔傾生活費...我一直等緊佢地安排....
但佢就話我因為之前傾唔掂生活費...
叫我上庭等官判....我話乜上庭唔洗錢咩？
我話邊有錢上庭啊？唔洗請律師啊？
但佢話唔洗請律師...(ps:唔通我一直誤會左？)
不過呢一刻，我既目的唔係呢樣....
所以唔理啦！我呢一刻既目的係出解凍信！
不過再傾落去，佢都係唔出，所以唯有cut佢線....
我而家好灰...都唔知點算....
成件事好煩...好想唔再拗落去....好想放棄....
咁而家我應該要點做啊？T.T

PS: 我好少鬧人....
但今日竟然鬧人鬧到手到震埋....
鬧完之後仲胃痛添....
好唔舒服....T.T

flypig

yeoui 發表於 13-12-2015 14:49
剛宣誓,八掛一問,如果批生活費唔同意,例如sales 佢唔俾用唔年結,我反對我法官判,其間係咪戶口唔用得或開唔 ...

邊個唔俾你開，就搵主任講數。照計，無得唔俾。以樓主經歷而言，外判先涷結，都要再開，俾樓主拎尾數。

yeoui

剛宣誓,八掛一問,如果批生活費唔同意,例如sales 佢唔俾用唔年結,我反對我法官判,其間係咪戶口唔用得或開唔新戶口？

karenliu22

flypig 發表於 2-12-2015 15:40
分幾耐唔一定12個月，傾番黎！！！
唔好發脾氣，一失冷靜就輸了。沉著應戰，但底線不可失！！！必要時可要 ...

明白, 謝謝!!!

flypig

其實傾到年結可能性好大。因為以sales 黎講，佣金係正常收入一部份。如果唔批，我會要求等埋法官。

wingcat

flypig 發表於 2-12-2015 11:51
有D 人每個月都唔同,因為係 SALES!!!
所以,傾 生活費時,要同主任.外判 傾清楚,究竟係 年結定月結!!!
...

甘真係祝我好運。。。。不過我主任好似都ok,尋日搵佢解凍戶口佢話完我遲搵佢，見我真係有原因，佢都即日俾我約上去攞解凍信先。希望順順利利啦。

flypig

分幾耐唔一定12個月，傾番黎！！！
唔好發脾氣，一失冷靜就輸了。沉著應戰，但底線不可失！！！必要時可要求上庭！！！

flypig

karenliu22 發表於 2-12-2015 15:31
咁有無話最少要還幾多一個月？
我係講緊之前同外判傾唔掂欠落果條...
唔係每個月多過本身批既生活費果條. ...

假如月入10k.同意2k上繳.欠6個月。分12個月還。
即欠 12k.一個月要俾多1k 分幾耐還，大家傾姐。傾唔到，只有搵法官，你話你無法子，唔係想上庭。而你又以為對方想上？？佢只會盡搾取你。。。。佢都唔想玩真！！！

karenliu22

flypig 發表於 2-12-2015 10:57
如果你人工係 FIX 死,通常唔會個個月還錢唔同!!
因為 對方HANDLE 麻煩.
當然,呢個係 外判決定喇.

咁有無話最少要還幾多一個月？
我係講緊之前同外判傾唔掂欠落果條...
唔係每個月多過本身批既生活費果條...

flypig

wingcat 發表於 2-12-2015 11:24
我想搭單問問，我真係每個月收入唔同，低可以等於最低工資，高可以過萬 (因為係底薪加佣)。如果係用底薪 ...

有D 人每個月都唔同,因為係 SALES!!!
所以,傾 生活費時,要同主任.外判 傾清楚,究竟係 年結定月結!!!

如果係年結,就OK!!!
如果係月結,就PK!!!

由於有人年結,如果 主任外判唔同意,就立即要求 法官裁決!!!!

wingcat

flypig 發表於 2-12-2015 10:57
如果你人工係 FIX 死,通常唔會個個月還錢唔同!!
因為 對方HANDLE 麻煩.
當然,呢個係 外判決定喇.

我想搭單問問，我真係每個月收入唔同，低可以等於最低工資，高可以過萬 (因為係底薪加佣)。如果係用底薪，我填收支表嘅每月還款係咪可以0左先?

其實之後係每月我上繳還錢，定佢自動過數呢？

flypig

karenliu22 發表於 2-12-2015 09:57
呢一刻我係講緊唔上庭...
同意外判批既生活費...
咁分期係唔係每個月一定要還一個金額？

如果你人工係 FIX 死,通常唔會個個月還錢唔同!!
因為 對方HANDLE 麻煩.
當然,呢個係 外判決定喇.

你地傾一個數,然後就照去.咁耐唔中有人遲交少少,下個月補番,呢D 唔出奇.
郁唔郁你??一 般算數.但我唔能夠否定有例外的可能......

karenliu22

flypig 發表於 2-12-2015 09:25
分期可以的。始終唔係責任全在於你。上到庭你要問佢點解咁遲先傾生活費。對於無得答。主任都幫佢唔落。 ...

呢一刻我係講緊唔上庭...
同意外判批既生活費...
咁分期係唔係每個月一定要還一個金額？
定係我鐘意呢個月比$200....
下個月比$100....
咁樣得唔得？

flypig

karenliu22 發表於 2-12-2015 00:44
咁我如果呢一刻SAY SORRY....
兼且簽返同意佢地批既生活費....
要我即刻還返之前欠落....

分期可以的。始終唔係責任全在於你。上到庭你要問佢點解咁遲先傾生活費。對於無得答。主任都幫佢唔落。

flypig

karenliu22 發表於 2-12-2015 00:44
咁我如果呢一刻SAY SORRY....
兼且簽返同意佢地批既生活費....
要我即刻還返之前欠落....

其實兩樣野。一係個人修為。cut 外判電話，講唔通。好易惹起意氣之爭。一講到意氣，就pk了。大家不為成功爭取咩，只為一啖氣。
二係不同意生活費。此係你權利下面的。講緊business is business,不涉及個人私怨。對外判，寸步不讓，仍然好有禮貌。其實請半日假事少。目前你需要開戶口，即有求於對方。如果你不同意生活費，就要上庭。問題係，有潛在威脅，你唔同意，佢就唔出解涷信。直到法庭宣判。咁你當然投訴去主任度喇。但往來需時，拖住出糧的壓力甚大。 如果你認為上到庭有勝算，不妨去盡。即問對方要上庭喇，叫佢去搞。不過都要請半日假，睇下可唔可以俾住某個數佢，不同意部份就等法官判。佢唔同意就搵主任。
如果諗住唔上庭。算數喇！都要約個時間。始終，呢半日走唔甩。
除非，你唔需要解涷信，你就可以叫佢搵法官喇。你好忙，唔得閒上去了。

aiai6020

我忘記了樓主每月生活費是多少了，不過依家已經嚴重影響生活，你係需要去傾，如果你認低威，可能傾到分期還，其實你最後同外判點鬥鬥成點，你都應該預計自己要還錢，你有最壞打算，件事先有轉機

karenliu22

flypig 發表於 1-12-2015 10:28
表面不影響。實際God knows.要玩你，總有方法。
所以超過9成的破產者扮死狗。
當然，有少部份不求人，唔駛 ...

咁我如果呢一刻SAY SORRY....
兼且簽返同意佢地批既生活費....
要我即刻還返之前欠落....
但我又無得還...
可以有咩辨法???
分期得唔得???

PS.:去到呢一步真係好唔甘心....
之前做左咁多野反抗.....

天帝

karenliu22 發表於 1-12-2015 08:47
我有佢卡片，我之後就會用電郵同佢聯絡....
不過唔係近期既事....
因為尋日同佢鬧完....

忍 吓 氣 啦 , 同 外 判 吵 鬧 永 遠 蝕 章 係 自 己, 現 在 say sorry 好 難 下 台,日 後 相 討 語 氣 温 和 d 便 可,樓 主 剛 剛 開 始,如 同 外 判 搞 甘 彊 4 年 日 子 好 惡 過,找 外 判 揾 唔 到 人,無 人 覆 呢 度 有 邊 個 未 試 過?由 其 最 后 果 年 臨 畢 業 呢 類 情 況 更 嚴 重,幾 多 會 員 被 外 判 拖 足 半 年 以 上 大 有 人 在。

WINGLOK

flypig 發表於 1-12-2015 10:28
表面不影響。實際God knows.要玩你，總有方法。
所以超過9成的破產者扮死狗。
當然，有少部份不求人，唔駛 ...

十分認同 , 到而家老破主任講咩我都冇 SAY NO

WINGLOK

樓主搞清楚你係一個破產人士,唔様様都話烦