新數幾耐先可搞drp, iva or 破產？

orewa_j

各師兄師姐，問題如標題，有冇人可以答到？感謝……

重新戰士

orewa_j 發表於 2-10-2015 21:00
scs79779師兄，5000一個月我一定夠洗。但都要有機構借到俾我先可以還7000/月。卡數……找min pay有排都還唔 ...

你明唔明呀！法律上你係車主，車既資產價值夠你所有。
你一定係用MIN PAY 頂住架啦！
你既問題唔係完全冇得夠，當然你可以破產。
法律上你係車主，車既資產價值夠你所有。**所以架車一定拍賣** 咪再講咩咩物物！
我當你架車賣出有4萬，已經完全夠頂一邊數，根本已經OK晒！
你唔賣車，無問題。但我係到再3提醒你，架車你名法律上係你既資產，所以一老破拍賣係必定，話知你家人俾錢！

scs79779

orewa_j 發表於 2-10-2015 21:00
scs79779師兄，5000一個月我一定夠洗。但都要有機構借到俾我先可以還7000/月。卡數……找min pay有排都還唔 ...

戰士兄都幫你計左，慳d洗都還得到。 1)衡生,兄弟可試渣兜(唔係無可能)，話唔定遲d稅貸戰，仲有幾會借到低小小息。 2) 84000先還住min pay，遲下條數靚d，再借私貸。你情況未至於去到無得救。人地要破，真係支出多過收入先無辦法。

cmhornias

富x同兄弟果2條借左二十萬, 還五千咁少

orewa_j

scs79779師兄，5000一個月我一定夠洗。但都要有機構借到俾我先可以還7000/月。卡數……找min pay有排都還唔完。另外，車不是我的，只係家人用我名做登記車主，唔需要我養的。

orewa_j

重新戰士師兄，恒x卡1800/月係卡分期，未計果84000。

scs79779

如果真係有心還，17000一個月，留5000自己洗，12000用黎還吧。衡生和兄弟筆數，試下渣兜一筆清睇下得唔得囉。

重新戰士

orewa_j 發表於 1-10-2015 21:51
我講下我情況……
我係一個好有問題的人，賭博問題……
9月初成功向富X同兄弟夾埋申請左20個清咭數，之後自 ...

樓主你既收入是 HK$17,000 扣左MPF HK$16,150

債項:
富x同兄弟果2條，夾埋每月HK$5,000
剩下人工 HK$11,150

恒x卡 HK$84,000,另卡分期每月HK$1,800(本HK$1,400,息HK$400左右)差20期左右
剩下人工 HK$9,350

兄弟精明卡 HK$70,000左右
我估計如下:
48期
每月還款額：$2298.33
實際年利率：27.34%
剩下人工 HK$7,051

有想過破產，但屋企架車係我名，唔想佢地知，所以破產係最後一步。

結論係剩返HK$7,051 絕對夠駛，只要你肯唔要架車或者慳下就OK！
我當日DRP 人工HK$10,800 扣左還錢得HK$6000 我一樣過到！

根據你以上數據....真係睇唔到你負擔唔起係邊，你去IVA 分分鐘長左俾既息仲多左，蝕晒！
仲要多筆手續費。真係錢多用來浪費

破產，你架車第一時間保唔住，分分鐘你生活費都係批得HK$7,000-8,000一個月，仲要多個破產名份又要俾公司知道！
乜你認為大公司會唔會知道你破產仲會唔會過到試用期呢?雖然明文寫好左唔可以有任何岐視破產人仕，但是係公司人事部會擔心你因為欠債而做出一D公司唔批准既事情。警察都調走唔可以做前線啦！


睇晒成件事.....你慢慢找數啦！你唔係供唔起，只係覺得辛苦姐！認命啦！
結論:
DRP 同IVA 只係浪費金錢
破產你冇著數....

orewa_j

有冇其他師兄師姐俾到意見？

orewa_j

好徬徨及無助……

orewa_j

請問有冇其他師兄師姐可幫忙解答到？

orewa_j

推……

orewa_j

我之所以offer4000係因為我打算順供ploan果5000，加埋9000，我人工扣埋mpf都over50%了

orewa_j

我淨係諗住做2張卡數，是否不可以？

重新戰士

你仲有車，俾人知道你仲死得快。銀主車我收唔少！
一部BMW M3 2008 銀主盤15000
你一係快快自己放，唔係.....你喊都無謂

重新戰士

DRP 你冇彎轉，話俾你代表人知，我17000 可以OFFER 4000 每個月,不過應該唔得啦！
根據DRP做法會用你人工做少40%找數， 4000 太少啦

orewa_j

我講下我情況……
我係一個好有問題的人，賭博問題……
9月初成功向富X同兄弟夾埋申請左20個清咭數，之後自己唔生性，又賭，輸15左右……錢係2張咭提款，當然唔係一次過。
賭，已經停左，已經知道回唔到頭……
寫得出來，預左俾好多師兄師姐鬧，我知我抵死，唔抵可憐……

講返下款:
富x同兄弟果2條，夾埋每月5000，我負擔得到。
恒x卡 84000,另卡分期每月1800(本1400,息400左右)差20期左右
兄弟精明卡 70000左右
我月入17000，大公司，不過份工新，只做左2個月，肯定會過試用期
經人介紹揾左間會計師行傾，收6%，不成功不收費，成功但我唔接受亦不收費
前2日應該係會計師行fax左申請去恒生，恒生call我叫我可以落分行。問返會計師行，佢話佢地同銀行熟易傾啲，加上我個case自己傾有難度。我仲未去恒生的。
我想將恒生果84000+卡分期30000+兄弟卡70000左右做drp,每月還4000都仲負擔到

有想過破產，但屋企架車係我名，唔想佢地知，所以破產係最後一步。

我已經揾左戒賭服務，亦已停左冇賭了。

我……可以點做……

重新戰士

首先，我唔係想搵交拗^^ 討論一下！

ALEX兄提過，香港唔係個個人置業時都需要銀行既按揭式者借貸服務。呢點我非常同意，但是係0係到既一群有冇錢...大家心照啦！

破產:
每一年既收入都會重新審視，可能隨便望下又可能認真去處理。
DRP:
當你再次簽下另一份債務舒緩還款合約，基本上未來既時間就算你中左六合彩亦可以按時還款又或者提早清數。簡單D加左人工或者出左花紅都可以自己選擇還款定駛左佢
我想重申: IDRP 你還幾多是由銀行OFFER，DRP由你實際情況由律師幫你去OFFER一般情況下只係佔你人工不多過50%，只係年期就長左！IDRP 由於銀行獨立去睇要你還幾多所以，如果處理文件時有咩出錯分分鐘還錢比例多過收入50%
失業:
不講你DRP, IVA 定係破產都有問題架啦。生活都受影響啦！
信貸記錄:
M... ... 個咁講啦！每一個人價值觀都好唔同，幾廿歲無咩所謂(又可以)。後生既仲希望以後可以翻身，又得！
我自己試過一次，見到部車好靚HK$100,000 。銀行得HK$110,000出左咩都冇，好冇安全感咁咪上車會囉！上3萬數都唔批我(DRP最後6個月中)，之後個車行都話不如你俾現金買啦。最後我個朋友買左，3個月佢放左出去12萬，咁...
你話好定唔好，機會唔會因為你幾多歲而唔俾你，亦唔代表後生就一定有機會。

我既口號:只要我一日唔死，我一日都有還拖既機會！

我都覺得我好似成日叫大家還錢，其實我自己都經歷過走數，俾收數搵到上公司，慢慢還。工作穩定左要出TRIP個陣成日都希望老闆唔好叫我！因為出TRIP所有消費都要用信用卡之後CLAIM返公司！
我出一次又駛一次錢。冇卡嘛，駛左都CLAIM唔到。

但是當我年齡開始老，發現就算我有首期，過到咩咩測試都好。問題重點是有冇銀行借錢俾你！個陣大埔都係200萬時，唉.... 荀盤都無用！

Alex2233

其實無問題，銀行唔同財仔就係佢做野太有原則，兼且個彩池夠大，比人走數都不以為然

如果樓主試過之後傾唔掂，仲可以慳番，人地唔希罕你還，可以果斷上金鐘埋單

Drp講得好聽就生活費自己話事，配錯人就變搵老襯，睇你收支去到咩地步，我諗你上得呢個論壇，入得破產呢一版，都有番咁上下極端

拿，如果樓主自問都係搵兩萬樓下，搞兩搞個個月還都還萬幾，你自己有數計，
曾經有會員話搵萬三還萬三，我都R晒頭。

舉個例子，如果你搵果萬三，我當你還緊8千，咁就真係有大啦啦''五千蚊'''比你話事啦，

主任批比你既數隨時都過萬

一句講晒，都係從你背景判斷破產你有冇著數

全香港唔會所有人都會置業/或者需要靠借錢置業，你係唔係果群人，或者有幾大機率需求呢個服務，自己清楚

對錯證下錯藥，比你千辛萬苦供番果個代價番黎都係冇用，原來供完你都用唔著，即係落晒搭

例如做茶記阿姐，一萬蚊
或者四五十歲既運輸老，仔都幾個，
自己人工又唔係高，又唔見得有前景，生活費都隨時係人工八九成，置業都輪到個仔

或者一早有配偶做靠山,純粹係攬上身

就洗用置業呢個藉口落搭，

如果你係高人一等，乜博士，專業資格，就梗係要諗深一層，破左蝕底好多

你破產前一定有人提及過後果比你聽，fit唔fit你自己，有冇數為，自己先最清楚

重新戰士

其實銀行每人每一日要狽大概10萬數，你個10萬或者70萬。對銀行係黎講只係其中一間分行當日冇數返！
影係真係細到。咩叫最後通碟......
你唔還...條數咪係加左去前條到跑多D。
管理層完全不受影響........只係小朋友先覺得自己條數好大，唔還你間銀行可以收隊！