年尾花紅及每季佣金

crazychi

相信年尾花紅係好多人嘅煩惱

我啱啱月頭交咗年報，當時未出花紅，計過上年嘅嘅收入+轉工空檔期，平均收入無超過我報上去嘅收入，所以我無特別報我每季獎金上去。（年報收入已計晒入去）

交完年報後間外判已打嚟提我有花紅記得報上去，今日即將出花紅及每季獎金，要全數上繳。但我上年11月搬新屋後，一直未買傢俬（衣櫃，電視櫃，鞋櫃是必須），呢刻好擔心申請唔到所需金額嚟買傢俬。

因為仲未出糧，所以我未問外判申請，但真係好憂心，又好唔開心。我份工底薪啱啱夠生活，有時想食餐好嘅都要左計右計，每季獎金又係辛苦工作，有星期六日返工+ot換嚟嘅，但又要上繳晒上去，做得咁辛苦都係想生活好啲姐～

Btw,我係外判俾李x行，有無人試過成功申請到錢嚟用
我試過申請調整生活費，但幾個月都無人覆我，好頹

mickey7100

無話抵唔抵既,雖然冇咗,但起碼每個月有固定既生活費,比起以前可能運完錢連基本生活費都唔夠已經好好,唔駛唔開心,有就當BONUS,冇咪當自己還咗錢俾銀行囉

唯一

我都系吴开心 啊，c兄 你每个月 要吴要交月结单比她？
吴果吴报上去，会吴会 好大麻烦？

crazychi

我啱啱過咗第一年咋～

上年就話因為有轉工空檔期，所以全年收入唔過生活費
但今年又加人工，又每季獎金，嚟梗呢年一定爆梗。。。唉～
又無理由hea做，講真，而家收入都影響解破後嘅收入架嘛
但咁勤力攞到獎金，結果又係見財化水

sf17

其實係架。。。我想問你仲有幾耐呀？

crazychi

今個月加咗人工又獎金又花紅
但一啲都唔開心

crazychi

最唔開心係莫過於，我真係星期六日ot換返嘅錢，偏偏要上繳晒～我明白欠債還錢呢個道理，但做得咁辛苦，一年嘅回報咁又無咗，好唔抵～

sf17

你都會覺得唔開心呢??? 辛辛苦苦都係等年尾, 但係要全部上繳,
所以唔多唔少都會唔開心!!! 我屋企又係咩傢俬都無....
申請左只係批得一半...不過都好過無~今日問左, 比喻你申請左3樣, 就一定要買哂3樣。買剩錢仲要交返出黎添呀!!!

但始終唔開心實會有!!!