破產管理署出售海外聯名物業 (2月16日更新)

amy126

大家好，我爸爸2003年申請破產，當時申報左一間澳門聯名物業，因為媽媽擁有50%同無錢買返破產管理署果50%, 所以之後不了了之，到上星期五收到破產管理署既信件，話要出售破產管理署果50%權益，問我地用市價買唔買返，佢仲俾左第二個選擇我地，叫我地搵律師同銀行傾下還返筆錢佢，就可以拎返果50%權益。

問題係，果時欠24萬卡數，到宜家計埋利息可能50-60萬，我地邊有可能一筆過還左佢。
而又打電話問過破產管理署，佢地話一定係市價，無商量餘地。


我打電話問過一間顧問公司，佢表示要睇返澳門層樓係咪已經被破產管理署釘左屋契，如果破產管理署係2003年時根本無釘契，基本上層樓可以自由轉讓，唔使理破產管理署，但咁樣係咪可能違法？

kungfu

flypig 發表於 16-2-2015 16:57
我估對方用 COMPOUND INTEREST 計上去.
一年都唔係多,20%+ 就夠砌.
1.2 ^ 11 =7.4

有道理，多承指教。

amy126

佢地俾左calculation我地,我爸爸由破產2003年12月到宜家11年多D,

第2間銀行, 就用8-10%每年計, 佢話跟足法例計, 打去叫佢waived部份利息, 佢話銀行policy無得改, 而且已經唔係跟卡數既30-40%去計算, 用8-10%已經係好好, 所以企硬8萬, 我聽完都覺得呢間銀行都算有良心。
第3間財仔就用44%去計, 所以2萬變13萬, 真係好離譜, 律師話呢d財仔最食得深, 佢地食利息為生, 所以都想傾下俾50%利息得唔得。

如果39萬就真係有d困難, 但財仔肯減50%利息, 合共還34萬就真係會好好多。
我之前祈禱, 希望天父可以幫我地, 令我地還40萬 (原本我估計要還80萬), 宜家初步還39萬, 天父都算係答應左我既要求,
但當然希望財仔可以收平少少, 咁幫忙就更大啦!
如果搞唔掂筆數, 破署會迫樓,
之前就怕銀行唔理我地, 我地清唔到筆數, 宜家就怕還唔到筆數
成件過左1個月左右, 雖然係我爸爸老破, 但就搞到我好似身同感受, 好似我自己老破咁,
我自己會計師一名, 仲要岩岩一月先Qualified, 老破呢樣野我地好敏感, 真係搞到我壓力幾大,
唉, 算啦, 呻完, 阿爸無得揀。
總之, 賭博真係會累及家人, 甚至禍延下一代tim!

多謝大家支持, 有再新消息再update!

flypig

amy126 發表於 16-2-2015 13:52
大家好, 又有事要update一下,
我爸爸另外2個債權人回覆啦,
首先係匯X銀行, 欠4萬, 律師寫信求情還少d, 但佢 ...

我又諗下點解財務差咁遠.
第1間:180K.由於物業在海外,大家僵持,佢一毫子都無.你媽媽唔賣佢地無法.
就算將來百年之後,仲要搞一大輪官司. 宜家收番180K, 佢就可以 close file. 交到功課.
銀行可以收番已 write off 的 debt.
第2間:10年息收番 double. 無收多你.應該呢間 bank 有哂規則.大家按本子辦事.
第3間:公司博到盡.佢最大損失不過 20K. 無左算數.但希望博番個6倍. 佢計到盡.唔相信你為左 130K 而
唔還....

我想法係,就算百年歸老之後,你媽媽的50% 不過饋贈俾你.(呢點要問番6C).咁到時你又係唔賣.佢又吹得漲??
唔好處就係賣唔到..........
照計對方開天殺價姐.你問番條數點計.........試下傾下.....
GOOD LUCK!!!

flypig

kungfu 發表於 16-2-2015 16:10
4 變 8？ 2 變 13？ 點計架？

我估對方用 COMPOUND INTEREST 計上去.
一年都唔係多,20%+ 就夠砌.
1.2 ^ 11 =7.4
如果係1.3^11 仲死,==17.9

kungfu

amy126 發表於 16-2-2015 13:52
大家好, 又有事要update一下,
我爸爸另外2個債權人回覆啦,
首先係匯X銀行, 欠4萬, 律師寫信求情還少d, 但佢 ...

4 變 8？ 2 變 13？ 點計架？

amy126

大家好, 又有事要update一下,
我爸爸另外2個債權人回覆啦,
首先係匯X銀行, 欠4萬, 律師寫信求情還少d, 但佢地企硬要還8萬
另一間亞XX合財務, 欠2萬要還13萬, 呢間就只係初步話要還13萬, 律師未寫信求情還少d,
初步估計欠24萬要還39萬

flypig

恭喜！！！
記得得閒上黎講下最新情況。等我學下野

amy126

今日有一個好消息, 我爸爸有3個債權人, 今日律師收到最大金額債權人既信, 話佢破產當日欠款18萬, 銀行唔會收過期利息, 只需要還返呢18萬就得, 希望另外2個債權人都係咁就好啦。下一步就係睇下點籌呢筆錢返黎

只要還哂所有債, 再向法庭申請廢止破產令, 咁破署就會俾返果50%權益我地。
希望順順利利啦。

cc4321

amy126 發表於 13-1-2015 11:56
原來我爸爸係2007件，4年過去之後沒有申請解除破產，頭先係電話到顧問公司有提起，話我地可以先申請解除破 ...

唔係話過左四年無異議就自動解破咩

admin

amy126 發表於 21-1-2015 11:42
宜家既進展係, 我地已經搵左律師樓去同銀行傾還幾錢。

由於之前未搵到律師之前, 有問過其他顧問公司既意見 ...

理論上來說：你老豆個D已經唔係佢物業。其實唔可以私下處理。

我個人覺得如果你私下轉名，已經犯法。破署唔可以變賣，但係破署可以引用你非法取用他人資產來告你！

所以應該用合符法律又有空間的方法來處理會安全好多。

個人覺得，你直情開個低價比破署，佢唔肯，就唔理佢！

不過你要叫媽媽寫定平安紙先。咁個物業就唔會因為其他問題而轉左比老豆。

flypig

顧問對法律想當然耳。
你問緊我信西醫定 街坊神醫？

我真係唔知點答你。
法律o既野顧問識條鐵，佢專長只係點搵客信佢有料到。

amy126

宜家既進展係, 我地已經搵左律師樓去同銀行傾還幾錢。

由於之前未搵到律師之前, 有問過其他顧問公司既意見, 佢地見我地個case咁特別, 係海外物業, 所以佢地都想了解多D,
係咁搵我, 我都講左少少update俾佢地聽,

update:
1. 澳門物業無被香港破產管理署釘契

根據律師既意見, 話我爸爸係破產時已經一無所有, 該50%業權係屬於政府, 而我地係唔可以私下處理。

但顧問公司既意見係, 因為係海外物業, 而政府又做唔到d咩野, 我地個CASE係有d "法律la"既地方, 佢地話我地可以轉左俾媽媽名, 咁物業唔再係爸爸, 所以政府都做唔到d咩。如果我地真係聽律師意見還錢, 就係送錢俾銀行。

究竟顧問公司講既野係咪有問題? 我自己都覺得法律上係有問題, 因為已經一無所有, 政府係可以追返我爸爸果物業50%既價值。有無師兄有咩意見?

dopod123

傾下價先啦,可能平好多呢

mickey7100

又可唔可以媽媽賣番個50%業權俾破署呢,當然緊係市價啦我始終唔明破署都係得50%,唔通佢係地產放盤賣半間屋咩?

flypig

amy126 發表於 13-1-2015 11:56
原來我爸爸係2007件，4年過去之後沒有申請解除破產，頭先係電話到顧問公司有提起，話我地可以先申請解除破 ...

真係唔知...
不過你可以試下,反正唔駛錢....

我就咁睇,根據香港法例,你爸爸的50% 樓宇權已屬 破署,
咁法理上,邊條友賣左海外物業而袋住先,皆可被當作偷了破署的ASSET..到時HKGVT 可告你媽媽.
但係,如果你媽媽唔賣,我估,咁細數,個行政費用極高.破署未必得閒搞呢D咁O既野.
即係點??即係一賣左而被破署發現,又唔分番50%破署就告你媽媽.
至於你平平地賣呢??? 如果賣10K,人地可能告你.如果低3成未必...呢D野唔知道.

至於可否申請解破,可能得又可能唔得.你可以咁睇,你爸爸有50% 業權,亦轉了去破署,層樓與佢
無關.佢話之你賣唔賣得去呀!!!

amy126

原來我爸爸係2007件，4年過去之後沒有申請解除破產，頭先係電話到顧問公司有提起，話我地可以先申請解除破產先，之後再討論業權，但仍然有澳門層樓係度既話，可以申請解除破產令既咩？

likeisabella

澳門物業, 佢無權強拍, 你唔賣佢吹你唔漲!!!

amy126

多謝各位，我頭先都打左電話去問破產管理署，佢都提到搵律師樓傾仲好，唔好亂用顧問公司。佢仲話搵間大間，有經驗既，有無介紹？
葉謝X律師行好無？

admin

有時我諗野好古怪。

澳門係澳門。我唔知香港破產法管唔管到。但係我就相信應該唔可以引用香港法律去強行拍賣啦。(要查下)

我有時會諗，你話賣，但係實賣得出架啦？我話無人買，咁點呀？你吹咩。你有無權係澳門查我有無去放盤先！
再賤D，我話有朋友用10蚊買左。咁點呀？你有我咩辦法。

我話我唔熟澳門，比左地產，咁佢真係喜得 10 蚊。咁點？香港又唔可以查澳門。

拿我吹下水架咋。