申請入學了！

dove00dove

終於等到出糧一日，可以去遞表。由於轉左出糧銀行，要等到出糧第二日九點先過數，好在返工前再檢查戶口餘額，否則又要等多日了。

我9：30上到破署，好在都排到第一輪的5號籌。
等候期間，見到有兩條友帶左幾個人來遞表宣誓。我以為請左人幫手就可以在律師宣誓同唔洗自己去交表，難道佢地係傳說中既顧問？咁顧問費都幾好搵喎。

宣誓完就過高院LG2會計部交錢，然後再上返LG1登記處4-7號窗口交文件，再去108B窗口排期。個職員好好人，見我自己交表，就話我知隔壁108A窗口（排期上庭搞一次性解凍信）  10：15先開，如果去完宣誓（一次性解凍信）仲未到10：15，可以先去影印。於是我就宣誓完(159室及118室)就去左影印先，再回去排期同影印一次性解凍信文件。返到之前登記處交文件時，好在之前選的窗口沒有serve代理，否則有排等。

我覺得自己交表比想像中易，自已download同print表格，跟網上既指示填完後，上了東華那邊比佢看一下就搞掂。最好既仲要佢地會比埋將程序表比你，入表時跟住張表行同做就得，真係慳返幾千蚊律師費去搵人填表。

今日入表，排期申請一次解凍信係17號上庭，呢個比想像中遲，但頒令就12月9號，比想像中早。希望呢個月快d過，因為今個月交左破產費已冇錢交租，唔知點算，再加上老破後不能做回本行，將來的路不知點行。




有師兄試過遲半個月交租嗎？你地點同屋主講？

nc1he6

屋租果度試下同屋主傾下吧...或者搵朋友幫幫手...
加油

Heihei

歡迎歡迎，自己搞真係可以慳反幾多錢0家.......所以D顧問係好好賺，因為顧問搞同自己搞既分別係只係多一個人係隔離，同埋有顧問要比多20K-250K不等。

dove00dove

有冇人試過去申請例如救X軍的單人宿舍暫住？
同社工傾過，若租到二千多元月租的房就可以幫我。社署都好唔知巿價喎....

dove00dove

請問有冇師兄知道這個網站﹕

http://www.oro.gov.hk/cgi-bin/oro/search_c.cgi
搜尋聯絡案件負責人員

負責人是否將來跟我四年的職員 / 外判？