新手報到, 有D問題想問...好徬徨

ireneeneri

大家好
本人因為都欠差不多400000數, 而月入只有14000, 故有人轉介我到一間顧問公司打算做債務重組
但債務重組首先已需要先付40000的律師費及會計師費佢地先肯做野...而其實加埋其他代名人費, 法院費等等總共要90000
因本人已沒有錢可以即付, 於是顧問提議我做'免供款計劃'.....即係破產但會幫我做到唔使供...
但都要先俾哂手續費先...所以佢幫我係樓上一間財務借左60000用作俾一部份費月..而另外我自己俾左10000 deposit, 20000就顧問幫我分五期

當日下午去見律師....但佢話依家唔會做到免供款..而且佢見我有一條新數arm arm 拎..大約八月頭拎...
佢話好有機會俾人告詐騙...我聽完好擔心...真係唔知點算...我唔知有呢樣野...

有冇師兄可以建議我點做?? 我未正式簽紙宣誓...但我呢幾日真係好彷徨..
好似覺得俾呢間顧問呃左錢....

點算好....><

flypig

簡單d 講,個顧問呃你. 市價搵律師係 16k.包埋老破. 8月你申請 貸款,俾人告未必告得入,衰左多數緩刑.
宜家錢無袋,你成功搵左 收數佬,而最可笑係,佢可以告你詐騙.即係黑你就唔夠人地黑,白都唔夠人地白.
呢個就係你 situation 喇.

如果你借貸無門,親朋唔會拎10+個出黎,我會講出我做法.
頂到頂唔到為止,say 11月初...然後老破.
由於此時你無人無物,爛命一條.收數點惡都無用.因為你仙都唔仙下.
無錢係你最大優勢.因為你本死無大害.
所有追數都奈你唔何.但你同時要有心理準備.俾人告你詐騙,入都多數唔駛坐(以我對呢幾年的案例暸解)
緩刑要有心理準備有機會發生....

如果收數搞你,你發大去 生果,議員度嘈.

最後,你呢d case,比較要小心.最好搵專業人士傾一傾,如 本身係律師的議員/律師,明x 應該有社工.....

good luck!

nc1he6

..你CASE同我好似...
我欠25萬數左右..之前都俾人介紹左去所謂既顧問公司...我果陣時好徬徨..同你一樣....
果間顧問公司一開始講到包生仔咁(6萬蚊全包&破後吾洗還)...我果時還吾到....都唯有信佢...
好啦..咁我都同果間顧問公司簽左合約..因為我果時無錢...得番幾百蚊..俾左500蚊訂金...
跟住顧問公司就帶左我去借所謂有合作既黑財果度借錢...D息貴到呀媽都吾認得....係簽名果一刻..好似突然醒左咁...
因為諗緊真係破產後2頭吾到岸就慘啦...所以我無簽到名..我話吾搞破產啦..要同屋企人傾傾先...可能屋企人幫到我..
跟住顧問公司自稱係律師果條友係度嘈..話要相信佢....最後我拎番自己身分証走左...

接著成2個星期..顧問公司不停打俾我同我屋企人騷擾...叫我屋企人幫我還番錢俾佢(顧問公司)....因為吾搞破產都要俾手續費...都要俾4萬..
因為我屋企人同佢講識律師..仲要識左10幾年果隻...佢之後就無再騷擾我同屋企人了...

跟住..我就搵屋企人識得果個律師搞破產...我同你一樣係8月左右申請左UX3萬左右...律師要求我還一個月...如果吾係有機會俾人告...
9月頭我就入左紙..黎緊10月尾上庭.....
仲有..我問過律師...申報欠債果度本身想報埋呢4萬蚊(顧問公司手續費)...但律師俾意見我話吾洗理佢...佢做吾到D乜出黎....

個人意見:
你CASE同我有小小吾同..因為你借左黑財...呢個一定無得走....因為佢吾合法的...
黎緊..我suggest可以既話問屋企人借6萬蚊去還左呢間黑財佢...另外欠顧問公司尾數可以不用理會...呢筆錢就當買個教訓..上人生寶貴既一堂...
(我經過自己呢件事..都學識好多野...)
另外...用15000蚊搵律師幫你搞破產....

呢個只係我自己個人意見....希望可以幫到你.goodluck...

Heihei

ireneeneri 發表於 27-9-2014 13:22
佢有俾卡片我... 但係個title係資深法律行政人員..

呢個就緊係唔係6C啦，佢可能只係負責訂文具。

Heihei

就算你擺脫都呢間顧問，又成功搵到正經6C搞破產，黑財個邊都好麻煩。你快D搵個正常6C傾下啦~~~~

flypig

黑財，都係欺善怕惡。以前，過大海的大耳loan 非常橫行，宜家比收斂。以前，借信用卡如 查打都用黑社會追數，宜家唔可能。而且呢單野，顧問同大耳loan掛勾，大家知咩料。一定可以講數，講多講少，睇牙力。邊有可能一見黑財，立即腳軟？？？你要幾多就幾多？而且，你留意下新聞，呢幾年黑財放火燒屋，減到接近0。而淋油，有，但少好多。有s黑財如及xx,亦收斂左。

nc1he6

flypig 發表於 28-9-2014 00:26
黑財60k 無得還。一還就可以俾人質疑，你還俾某些債主，咁係對其他債主不公的。咁係犯例的。呢d野要企硬。 ...

黑財...係吾合法的=大耳O...就算申請左破產...都係要還...
佢應該問完屋企人借..還左黑財先...因為黑財無得走...追到你天涯海角...

flypig

黑財60k 無得還。一還就可以俾人質疑，你還俾某些債主，咁係對其他債主不公的。咁係犯例的。呢d野要企硬。或者樓主問下法律意見吧。

kikisam

一般講數有用！死口話自己身上冇晒錢，另外找一個正規的做破產好過。
你知到佢地唔會民事告你的。你新借筆錢怎處理一並問正規6c.

ireneeneri

Kitty789 發表於 27-9-2014 12:39
你好大個瞻呢!!  ($90,000)... =.=
我已經大瞻搵顧問做~
所有顧問/律師/會計師費可以分期付!! (To ...

我真係蠢過隻豬...
但因為個日好亂, 真係諗唔到野..

其實上到個間黑財我真係驚到痴線..

flypig

ireneeneri 發表於 27-9-2014 13:22
佢有俾卡片我... 但係個title係資深法律行政人員..

那一位係 C 爺.
如果我係你,先解決呢個黑店.最多用10K,唔會再幫趁佢.
解決唔到就另搵人老破.到時佢吹你唔漲.

相反,如果解決到,就再想下一步.

ireneeneri

Heihei 發表於 27-9-2014 13:19
呢到邊個唔係有新數走去破0家? 佢會唔會為左個幾萬蚊去告你呀，只要你解釋到你借錢既用途99%都唔會告你 (當 ...

但個顧問咭片就得名同電話, 咩title都冇..

ireneeneri

Heihei 發表於 27-9-2014 13:19
呢到邊個唔係有新數走去破0家? 佢會唔會為左個幾萬蚊去告你呀，只要你解釋到你借錢既用途99%都唔會告你 (當 ...

佢有俾卡片我... 但係個title係資深法律行政人員..

Heihei

呢到邊個唔係有新數走去破0家? 佢會唔會為左個幾萬蚊去告你呀，只要你解釋到你借錢既用途99%都唔會告你 (當然你唔係話專登借舊錢之後破產攬住舊錢過世啦)，近排真係好多人中"顧問"招，有90K你都還左4分1啦，都輕鬆好多啦。仲要幫你借黑財........唉..........我只係想知嗰個律師有無比過卡片你，還是佢自己話自己係???

ireneeneri

flypig 發表於 27-9-2014 12:42
有100K,都唔可能俾90K 佢.
你最大優勢,係 一個仙都唔俾佢地.由於你已俾左10K(好似)...佢成本大約13K (靠 ...

我有諗過幾樣

1. 問家人借大約30k還左UA新拎個條數(本身借左20000)...跟住就破
2. 借大約100k 俾返財務同顧問公司直頭唔做破產...諗住真係捱多幾年...用我d隻糧同花紅還俾家人
3. 搏照做破產...但預左俾UA告..

呢幾日我係咁不斷諗可以點解決....諗到好徬徨...

flypig

admin 發表於 27-9-2014 12:27
飛天朱 Ching，熱心助人，呢排經常出沒於本論壇，一次過加分！

Thanks!!!!

flypig

ireneeneri 發表於 27-9-2014 12:28
如果可以問到家人借到大約十萬還返顧問條數ok ma?

有100K,都唔可能俾90K 佢.
你最大優勢,係 一個仙都唔俾佢地.由於你已俾左10K(好似)...佢成本大約13K (靠估)...
佢要蝕幾K.
呢D野 可以講數.我的底線係,唔幫趁佢.俾多10K 當和解(包埋 財務)
佢唔制.就將財務同佢條列入債權人.唔搵呢個律師,自己另外俾16K 其他律師.
咁佢同財務就一個仙都收唔到.
佢一恐嚇,就預左報警. 佢打上公司,最多唔撈姐..

ireneeneri

flypig 發表於 27-9-2014 12:12
簡單d 講,個顧問呃你. 市價搵律師係 16k.包埋老破. 8月你申請 貸款,俾人告未必告得入,衰左多數緩刑.
宜家錢 ...

如果可以問到家人借到大約十萬還返顧問條數ok ma?