頂唔順想申請破產，希望各位可以比d意見！！好擔心

A_20140802

希望各位可以比d意見我，我以家真係唔知點算好！！！1) 我以家出糧$14,000, 每月供款$9,800, 原本想申請債務舒緩，但問過一些顧問公司(經一d申請借貸部識)同6c樓, 他們話我最長只係供咗十幾期同申請其數長叫我申請破產, 但係我好驚比屋企人知道，其實如果申請破產唔講比他們知，他們係咪都好容易發現？
2)有一條新數係安X兄弟清咭數同比咗1萬蚊現金票我，剛剛才供第一期，我係3個月內係咪唔可以申請破產? 因為顧問公司話以家已經可以申請，但6c樓d人話唔可以要到3個月
3)顧問公司同6C樓處理破產有什麼分別？因為顧問公司比6c樓貴1萬蚊, 顧問公司話他們可以曾取好d既生活費，係唔係真？
4))係咪好多主任都要求減破產人生活費？如果單身同家人住生活費係幾多？

Heihei

你每月還9800，仲有4千，如果係無屋企負擔，我建意就唔好破。要重整下生活習慣，唔好再借，唔好亂買野，睇下有無兼職可以搵下黎做。不過你終欠幾多? 最長個期還到幾時? 係唔係卡數?

答1) 係我上堂時，個法官都叫在場幾十個申請破產既人士作出提醒，話個D所謂"顧問"唔係律師，無專業守則監管，法官話佢都見過D"顧問"收錢前話會跟足你4年，幫你填年報。但收錢後一份年報都無交過，結果要再廷期4年。佢地話會幫你爭取高D既生活費??? 只係佢話，到時個主任/外判真係唔批你既生活費，你既錢都已經比左佢。你唸下，律師讀咁多書考咁多試都要收平"顧問"一萬蚊? 則係有D野係連律師咁專業既人士都唔肯定可以做到。

答2) 太新既數，你要解釋D錢去左邊，無合理既解釋有機會比人告你。個個人走去借一百幾十萬之後就話去破產你自己都覺得有問題啦。而點解"顧問"答你一個月可以，律師答你至少3個月。就係專業同唔專業既分別。

答3) 一個專業，一個唔專業。一個平，一個貴。生活費根本人人都唔同，要睇下你要唔要供養父母、有無仔女。最後都係又主任/外判批，佢地係會依據你提供既單據去做準則。"顧問"話會幫你爭取好D，如果爭唔到係唔係佢地補貼比你??? 自行判斷.............

答4) 同上，揀得破產呢條路，就有好多限制。見樓主好似未ready建議樓主係到睇多D舊文，了解多D破產係咩一會事。做好功課同心理調整先行呢一步，因為當中有D地方係可以涉及法律責任。

301

出糧$14,000, 每月供款$9,800.

撐 !
繼續頂住,加油 !

自己定一個時間,
例如三個月,
比較對比今日有無改善 ?

如果一樣...甚至仲差 ?
咁你要盡快下決定前路咯 !

珍惜前景 , 珍惜光陰 !

A_20140802

多謝支持！

Heihei

A_20140802 發表於 4-8-2014 19:43
多謝咁多位寶貴既意見，暫時唔會再諗申請破產，以家諗緊點樣可以令開支減少, 希望可以頂多幾個月到時有雙糧 ...

撐，但如果有問題就上黎吹下水。

A_20140802

多謝咁多位寶貴既意見，暫時唔會再諗申請破產，以家諗緊點樣可以令開支減少, 希望可以頂多幾個月到時有雙糧同花紅，到時如果有得加人就可以鬆動d, 希望到時有人工加啦！
其實我都好想去馬會返part time, 但係因為屋企問題返唔到.
祝願各位朋友可以幸福快樂，申請咗破產既朋友加油！

gringoire

如果9800不是min pay, 就不要破產!

kumiko1030

9800供款係咪指卡數min pay如果係的話我建議你搵律師同你做一做個綜合債務舒緩，之後cut晒D卡，你好人好姐冇病冇痛返多份兼職係唔使會死的！我提議去馬會投注部做CRA，行行企企53.5/hrs

分行服務助理


至於律師同顧問一個可以係代表你出庭，一個有牌一個冇牌，一個可以代表你出庭又平過另一個咁你會揀邊個呢？仲有我嗰日去交文件見到收文件都有幫人填年報，都係收2000蚊4份咋！人地有牌架，你去間有牌定冇牌呢？

flypig

2)有一條新數係安X兄弟清咭數同比咗1萬蚊現金票我，剛剛才供第一期，我係3個月內係咪唔可以申請破產? 因為顧問公司話以家已經可以申請，但6c樓d人話唔可以要到3個月

安X 條數,一般應該供夠3個月.唔係安X 有權懷疑你 詐騙
6C 無講錯.
但同樣的事發生唔少,好多債仔都過到關.咁CONSULTANT 又錯唔哂.
一句話,有少少風險,博唔博得過呢?? 5--5波!!!!

flypig

1 顧問強項係MARKETING 同乙水你幫趁.
6C 強項係法律.
如果你有公司,我會建議搵會計C樓
如果簡簡單單,自己破一樣,省番1萬幾千添.
呢版幾個難友自己破,包括小弟,都認為好容易

2 你可以考慮唔破.你一個月仲有5K...照計勉強頂到.
遲D可能加人工,轉職,升職呢???

A_20140802

Heihei 發表於 3-8-2014 13:57
你每月還9800，仲有4千，如果係無屋企負擔，我建意就唔好破。要重整下生活習慣，唔好再借，唔好亂買野，睇 ...

Heihei, 多謝您既意見！
其實我一d都唔想申請破產，我諗我要再諗清楚d先，多謝您！

A_20140802

chongxin 發表於 3-8-2014 12:24
我只可以回答你第3同第4條問題
第3條
我係搵6C同我辦理手續﹐我欠錢全部係卡數﹐所以開始申請破產後都沒有 ...

多謝您既意

chongxin

我只可以回答你第3同第4條問題
第3條
我係搵6C同我辦理手續﹐我欠錢全部係卡數﹐所以開始申請破產後都沒有受到過滋擾。
6C樓辦手續﹐方便﹐也因為他們持牌法律人員﹐比較安全可信。
第4條
開支大部份都是實報實銷﹐例如你家裡的一切生活開支﹐每個人的情況都不一樣呢!

你如果不想你家人知道的話﹐那破產署的信件就要小心羅!