7月4日頒令,俾財仔追數

raymondbaggio

我星期一去左6c攪掂晒文化,宣誓埋. 有破產no..
昨天我叫6C fax俾各財仔,有幾間 財仔照打黎話要還,分別南嘩,第二財務,日本仔.

日本仔話叫我小心D,如果1蚊都唔還,有D咩事係佢地做.我需要報警備案嗎.我有錄音.
第二財務就話會報警同佢公司會做野,話我借錢果時係有預備破產. 當然我真心唔係喇. 邊有人想破產.
南嘩就要我2日內攪返條數佢.

我驚頂唔順,怕佢地攪事.

301

有人提起"追數"就精神 !
財仔就捉住你怕佢搞事心理.

無事既,放心.
呢d財仔志在攞返個"彩",
大家心中有數,收唔返咯,
仲會做到 d 乜!

唔好咁天真今時今日佢地會"上門淋油",
你條數收足都未夠派返俾 d"靚",
費事車錢及材料費都蝕埋.

電話壓迫凶你分分鐘搏你還多一期,
至多有電話來你一定要接,
電話離耳任佢講,
或放低電話在檯面,
隔幾丈遠你支吾以對做自己野好了.

唔好咁易俾人家凶到呀!

kumiko1030

冰山雪蓮 發表於 23-5-2014 19:29
果然犀利，簡直女中豪傑，欽敬！

上次我俾我個前前度填咗我做咩諮詢人，有人打嚟問我見唔見到梁XX，我諗咗好耐先諗到邊位。

第一次佢打俾我我問佢邊到打嚟佢同我講灣仔，我話喔，呢個人似係啪咗野所以我冇理佢。

之後第二次打嚟呢個似係坐office，佢一打嚟佢問我搵唔搵到梁XX。我就咁同佢講！

「你打嚟真係好喇，我等咗你個電話好耐喇，你知啦上次用冇來電電話打嚟問佢邊到打嚟同我講"灣仔"等我去到差館阿sir問我問到口啞啞」

佢：「你係佢女朋友喎」

「下，咩女朋友，我正正想搵你地我去報警俾人偷咗我個人資料申請貨款呀！」

佢：「你真係唔係佢女朋友？」

「佢邊位我都唔知呀，我好想知點解佢會有我資料呀，我宜家好驚呀，搞到去到差館備案，差人話如果你地再打嚟我要問清楚你地D野。等咗你地兩日喇，幾驚你地唔打嚟俾我呀，好在你宜家肯打嚟。」

佢：「但佢寫晒D資料係真架喎」

「我知呀，但係我真係唔識呢個人，佢話我係佢女朋友你地又會信的，咁佢話我係佢老婆你地係咪又信呢？佢有冇證據證明我係佢女朋友先？拿好老實講，佢姓梁的佢話梁振英係佢老豆都得架，睇你信唔信咋嘛，佢話我係佢女友就係佢女友咩，點解你地咁易信人借錢俾人架！」

佢：「咦，你咁講又啱喎，咁你要報警喇！」

「係囉，因為上次有個電話打嚟我真係去咗差館架，但資料唔齊，所以差人吩咐我如果你地再打嚟我要抄低你地電話號碼同邊間公司架！係呢，你地係咁公司呀？電話係咪呢個？搵邊位？」


咁就甩咗身=3="

冰山雪蓮

你虽然有錄音，但佢只系叫你小心啲啫！(出於关心)。有乜事就系佢哋做，(咁即系乜事)?呢啲說話·，系日本仔嘅官腔嚟。鋤佢吾入嘅(警察先生)講嘅！除非佢講(打、斬、劈、殺、家破人亡)之類啦。另外如果佢哋打电话滋擾你嘅咨詢人(最好有錄音)你就可以跟你受滋擾嘅咨詢人去報警喇。(任何時候滋擾咨詢人刀系違法)。
至於嗰啲一時又話報警，一時又話揾人收。報得警就使乜揾人收冴!揾得人收，仲使乜報警冴？廢話嚟。

smallcat

你破前太近借錢佢地有理由懷疑你行騙

所以, 借完錢時間太近破產是盡可能避免最好

至於話有D咩事佢地做, 咪繼續凶下你咯, 唔通佢地為左錢去爆你樽, 絕對唔會, 但可能會用電話騷擾下你公司, 或鄰居  但呢D你借財仔時應該預左, 所以, 以後從新做人了, 不要再欠債

一頒令佢地都無咁得閒去理你  

謝滿蘭

rr002 發表於 9-6-2014 23:32
唔聽電話會上門追嗎？

入左紙。。傳真埋好多唔會。。電話多些

rr002

謝滿蘭 發表於 9-6-2014 11:34
係呀。。17號正式頌令了。。頭半個多月就好多電話。。但所有都無聽

唔聽電話會上門追嗎？

kumiko1030

謝滿蘭 發表於 9-6-2014 11:34
係呀。。17號正式頌令了。。頭半個多月就好多電話。。但所有都無聽

我一個電話都冇

謝滿蘭

kumiko1030 發表於 9-6-2014 01:43
係煩姐，真係唔會有咩特別行動，唔通佢走嚟殺咗你咩，都係嗰句啦，佢地係瓷器你係缸瓦，點計你點都著數D ...

係呀。。17號正式頌令了。。頭半個多月就好多電話。。但所有都無聽

kumiko1030

謝滿蘭 發表於 8-6-2014 09:05
依兩星期凡而無事

係煩姐，真係唔會有咩特別行動，唔通佢走嚟殺咗你咩，都係嗰句啦，佢地係瓷器你係缸瓦，點計你點都著數D！

我咩事都冇=3=" 呢半個月電話都冇一個XDDDDDDDDDDDDDDD

謝滿蘭

kumiko1030 發表於 26-5-2014 21:39
呢D佢要做咪由佢做囉，你又唔係厄佢，怕咩！程序嚟姐，佢地叫佢上嚟都唔使錢，因為個律師追數公司係咪都 ...

依兩星期凡而無事

冰山雪蓮

你刀未頒令，就梗系照追啦，佢追你刀吹佢吾漲。
有啲財仔直情頒令後刀照追啦！

kumiko1030

謝滿蘭 發表於 26-5-2014 18:48
我申破後。。。小新。。ux 。。。又咪一樣出左信追。。。又話取消你戶口。。。又話搵法律或收數公司追你 ...

呢D佢要做咪由佢做囉，你又唔係厄佢，怕咩！程序嚟姐，佢地叫佢上嚟都唔使錢，因為個律師追數公司係咪都已經請咗，你係咪都冇錢還啦怕咩姐？你記住你係缸X佢係瓷器，兵來將擋水來土掩算啦！

謝滿蘭

301 發表於 23-5-2014 13:58
有人提起"追數"就精神 !
財仔就捉住你怕佢搞事心理.

我申破後。。。小新。。ux 。。。又咪一樣出左信追。。。又話取消你戶口。。。又話搵法律或收數公司追你欠款。。。。但之前fax 過曬申破呈請書。。。對這些信是否唔洗理?其實知你申破都唔會收到錢。。都唔會搵收數公司上門吧？

謝滿蘭

我申破後。。。小新。。ux 。。。又咪一樣出左信追。。。又話取消你戶口。。。又話搵法律或收數公司追你欠款。。。。但之前fax 過曬申破呈請書。。。對這些信是否唔洗理?

flypig

kumiko1030 發表於 23-5-2014 21:54
上次我俾我個前前度填咗我做咩諮詢人，有人打嚟問我見唔見到梁XX，我諗咗好耐先諗到邊位。

第一次佢打俾 ...

笑左!!!

kumiko1030

我好想佢地打嚟悶死我！！

今朝大眾仲打嚟叫我借錢

kumiko1030

冰山雪蓮 發表於 26-5-2014 13:33
kumiko 1030:妳申破後冇人追妳數咩？

冇，係嗰日幾個。呢幾日都冇

kumiko1030

QAQAQA 發表於 26-5-2014 09:24
哈哈~其實咨詢人姐,只係財仔搵唔倒人,就會打比咨詢人問條友去左邊,而唔係要你還錢

如果佢搵左你做擔保人 ...

佢係咁打嚟煩到嘔，五分鐘打嚟一次

冰山雪蓮

kumiko 1030:妳申破後冇人追妳數咩？

QAQAQA

kumiko1030 發表於 24-5-2014 03:58
梁振英呢句係我前度教，呢個係前前度用我名做諮詢人借錢

律師都冇用啦，我咪又係俾律師害到雞無鴨血 ...

哈哈~其實咨詢人姐,只係財仔搵唔倒人,就會打比咨詢人問條友去左邊,而唔係要你還錢

如果佢搵左你做擔保人就麻煩了,就真的要報警>.<債仔唔還條數就去左你度

kumiko1030

香港寬能仲低能，話我斷章取義添！到最後我冇同佢嘈，問佢拎咗名，我打返去寬能到同佢講咪再叫佢地打嚟，宜家你地做嘢同當日小額錢債唔同，你再話我唔交錢搵收數公司追我數，我地法庭見，我告你毁約

結果佢地要買我怕

kumiko1030

唔叻，最緊要係唔好怕佢地，一驚就未打先輸，佢地惡就得咩，惡人我未認真見過但扮惡靠嚇我見好多！

kumiko1030

冰山雪蓮 發表於 24-5-2014 02:57
厲害、佩服，6C刀吾夠妳講呀！真系要跟妳學吓嘢先得。

個男問咗我四次，我真係唔識佢，講真分手前都搵唔到更何況分手後！
個職員最後話：「你唔使報警我地唔會再搵你，唔好意思」
我話唔得架，宜家我俾人偷咗嘢，點可以唔報