破產聯盟

標題: 填報表一問 [打印本頁]

作者: Vivi2313 時間: 28-5-2023 14:50
標題: 填報表一問
我1月頒令，剛談了生活費，因為之前沒有留底這四個月的供款，外判指要分期繳付，那麼填報表時應該怎麼寫？謝謝﹗

作者: ericc 時間: 28-5-2023 20:38
照按你人工扣除生活費上繳其餘3個月未交既費用假設人工不變分12/24個月攤還變相之後一至兩年辛苦d

作者: Anmi2019 時間: 29-5-2023 11:00
年報支出項目下面有項係#對破產產業作出的供款，你只需填噃該年度(23年1月幾號頒令至24年1月幾號頒令前1日)一共上繳咗幾多錢就得。記得記得記得，留噃哂全部供款入數/過數記錄，交年報時可能要一齊交埋

作者: Vivi2313 時間: 29-5-2023 16:59

Anmi2019 發表於 29-5-2023 11:00
年報支出項目下面有項係#對破產產業作出的供款，你只需填噃該年度(23年1月幾號頒令至24年1月幾號頒令前1日) ...

如果係咁，我第一年報表咪收入大過支出囉？因為1-4月都無供款，咁我係咪應該把餘數寫為消費，咁條數先可以=0。其實主任問我D錢去咗邊，我都答唔出，因為成四個月，俾我唔覺唔覺用鬼晒。

作者: 欠一百萬 時間: 29-5-2023 17:11
首先你要知分幾多期還那4個月供款先.

作者: Vivi2313 時間: 29-5-2023 17:45
本帖最後由 Vivi2313 於 29-5-2023 17:47 編輯

欠一百萬發表於 29-5-2023 17:11
首先你要知分幾多期還那4個月供款先.

分44期，每期2000元

作者: 欠一百萬 時間: 29-5-2023 17:54

Vivi2313 發表於 29-5-2023 17:45
分44期，每期2000元

你個4個月無供, 總數係88,000,

你每月要供22,000

作者: 我_重新做人 時間: 29-5-2023 18:54
即系1月貧令，唔系2月就開始要供、原來隔左甘耐先傾好生活費，傾緊等待傾店中間幾個月至到落成傾掂數如像樓主甘有正常番工就要補供番中間傾生活費和供款過程時既每月補供番，假如系無番工 /搵緊工，個啲系埋都一樣要補供番

作者: Vivi2313 時間: 29-5-2023 19:57
本帖最後由 Vivi2313 於 29-5-2023 20:01 編輯

我_重新做人發表於 29-5-2023 18:54
即系1月貧令，唔系2月就開始要供、原來隔左甘耐先傾好生活費，傾緊等待傾店中間幾個月至到落成傾掂數如像 ...

無工作照理唔使供喎。

作者: 我_重新做人 時間: 29-5-2023 20:35

Vivi2313 發表於 29-5-2023 19:57
無工作照理唔使供喎。

明白，甘你個4個月有無工作，如無系幾時之前要去通知跟緊個主任/官？

作者: Vivi2313 時間: 29-5-2023 20:36

欠一百萬發表於 29-5-2023 17:54
你個4個月無供, 總數係88,000,
你每月要供22,000

你說得對。

作者: Vivi2313 時間: 29-5-2023 20:39

我_重新做人發表於 29-5-2023 20:35
明白，甘你個4個月有無工作，如無系幾時之前要去通知跟緊個主任/官？

有工作阿，所以要嘔番D錢出嚟。唉﹗

作者: 我_重新做人 時間: 30-5-2023 20:48

Vivi2313 發表於 29-5-2023 20:39
有工作阿，所以要嘔番D錢出嚟。唉﹗

Vivi姐，你個時一直都有工作緊定系頒令後才有工，因為我有個問題想請教你，我舉手了，等緊頒令，但全部都系綜合戶口，也已凍結左，但我想番工又無戶口俾到公司出糧自動過數，我系埋可以未頒令前當普通人甘去開個普通戶口，因為我上面個啲綜合戶口聽講無得解凍，我免得而家去照俾戶口人，到時佢轉左去，而我凍左又解唔番就大鑊成份糧無左

作者: 欠一百萬 時間: 30-5-2023 20:53

我_重新做人發表於 30-5-2023 20:48
Vivi姐，你個時一直都有工作緊定系頒令後才有工，因為我有個問題想請教你，我舉手了，等緊頒令，但全部都 ...

呢到咪成日有人講, (連我都講過), 有號碼就去偷雞開個戶口比公司出頒令前的糧囉.

作者: 我_重新做人 時間: 30-5-2023 20:57

欠一百萬發表於 30-5-2023 20:53
呢到咪成日有人講, (連我都講過), 有號碼就去偷雞開個戶口比公司出頒令前的糧囉. ...

唔該百萬哥，我系打算6月番工，但6月中出頒令，意思系我去開左個普通戶口俾公司先，雖然到時7月出糧個戶口都凍左，但普通出糧戶口仲有得拎信去解凍，系埋甘樣理解，唔該曬

作者: 欠一百萬 時間: 30-5-2023 21:02

我_重新做人發表於 30-5-2023 20:57
唔該百萬哥，我系打算6月番工，但6月中出頒令，意思系我去開左個普通戶口俾公司先，雖然到時7月出糧個戶 ...

你現在開個普通新戶口比公司先, 頒令後呢個戶口都會凍結, 到時你可以選擇解凍呢個普通戶口繼續用, 或開另一個新的再比公司.
但你要知道, 唔同銀行, 解凍戶口需時唔同.

作者: Anmi2019 時間: 30-5-2023 21:12

Vivi2313 發表於 29-5-2023 16:59
如果係咁，我第一年報表咪收入大過支出囉？因為1-4月都無供款，咁我係咪應該把餘數寫為消費，咁條數先可 ...

梗係要填大支出，當你6月開始供噃2千，到年尾都係得萬4，買防疫用品最多咪用到千零，諗吓買到咩家品/屋企突然要維修邊度…… 可以填噃依7萬幾

作者: 欠一百萬 時間: 30-5-2023 21:20

Vivi2313 發表於 29-5-2023 16:59
如果係咁，我第一年報表咪收入大過支出囉？因為1-4月都無供款，咁我係咪應該把餘數寫為消費，咁條數先可 ...

收入點會大過支出啊, 來來去去都係個舊錢, 你無供款, 但D錢同左第2到姐, 用左邊你自己想想, 砌下佢咪得囉.

作者: 我_重新做人 時間: 30-5-2023 21:45

欠一百萬發表於 30-5-2023 21:02
你現在開個普通新戶口比公司先, 頒令後呢個戶口都會凍結, 到時你可以選擇解凍呢個普通戶口繼續用, 或開另 ...

明白了，唔該曬百萬哥，其實我最主要擔心凍結後糧拎唔番出黎，現在已明白處理方法謝謝您。
甘我現階段去開個新戶口，例如HSBB,星x,永x, 小新，x眾個啲，駛唔駛好似其他師兄講啲要先預約然後要去總行先開到，我打算搵間唔要求我開戶入太多錢，因為我目前無甘多錢=.=

作者: 欠一百萬 時間: 30-5-2023 22:03

我_重新做人發表於 30-5-2023 21:45
明白了，唔該曬百萬哥，其實我最主要擔心凍結後糧拎唔番出黎，現在已明白處理方法謝謝您。
甘我現階段去 ...

現在銀行開戶口, 都要預約的. 去邊間你自己問下開戶存款間間唔同.

至於你見到呢到去總行開, 個D係頒令後拎開戶信, 就最好總行, 因為開破產人戶口, 總行的職員經驗豐富D, 一睇封信知咩事.

作者: Vivi2313 時間: 31-5-2023 02:16

Anmi2019 發表於 30-5-2023 21:12
梗係要填大支出，當你6月開始供噃2千，到年尾都係得萬4，買防疫用品最多咪用到千零，諗吓買到咩家品/屋企 ...

謝謝Anmi姐，我知點寫啦﹗

作者: Vivi2313 時間: 31-5-2023 02:17

欠一百萬發表於 30-5-2023 21:20
收入點會大過支出啊, 來來去去都係個舊錢, 你無供款, 但D錢同左第2到姐, 用左邊你自己想想, 砌下佢咪得囉 ...

明白了，唔該曬百萬哥，我想我明白點處理了。

作者: 我_重新做人 時間: 1-6-2023 05:43

欠一百萬發表於 30-5-2023 22:03
現在銀行開戶口, 都要預約的. 去邊間你自己問下開戶存款間間唔同.

至於你見到呢到去總行開, 個D係頒令後 ...

師兄，我問左6c了。佢話唔可以呈破後等頒令中時再去暗地里開銀行戶口，否則佢又要補番資料俾法庭、到時仲麻煩，佢建議我唔好博，話好多試過凍左戶口公司出糧依然仲入到，就凍左就變左有入無出，車錢飯錢血汗錢都倒貼白做，建議1.一系就唔好做野住等到頒令後拎信開左戶口先（聽講頒令後交完資料約時間搵主任拎開戶信短則2日至一星期先拎到，然後預約開銀行戶口好似都要搞半個月，聽到都心煩），建議2.一系就搵啲出現金工做住先。
唉，我夠知，現今邊有甘容易搵到出現金糧，手停口停，其他師兄既經歷系點熬過，例如申破前到申破後都做緊同一公司，但銀行過數，呈左至頒令戶口都凍左公司仲依舊出自動過數入左去已凍既銀行戶口後拎唔拎到番。
仲有一問題，26頁有一頁要填公司資料僱員合約薪資等等，但我目前工作都未有留空定填呈破前一間，拎開戶信都要填呢啲資料先俾信我開戶口

作者: tony浸信會 時間: 1-6-2023 08:44
七月中有消费卷出希望幫到你少少会為你祈禱我無親無故深知道等领之前的傍惶疫情時浸信会和社署有大大小小的幫助甚至試过有几萬蚊我估我是比較幸運吧

作者: Anmi2019 時間: 1-6-2023 09:38

我_重新做人發表於 1-6-2023 05:43
師兄，我問左6c了。佢話唔可以呈破後等頒令中時再去暗地里開銀行戶口，否則佢又要補番資料俾法庭、到時仲 ...

1. 依家(呈請後頒令前)去開新戶口係靜鷄鷄去開(係灰色地帶)，去到銀行唔需要同職員講申請梗破產，更加唔需要同律師樓講。你同律師樓講開咗新戶口，佢程序上係要去法庭更新噃你份#資產欠債書，而頒令日期又會延期。你真係開咗，喺#26頁P.9第12c(i)填噃新戶口資料落去就得喇。

2. 你律師無講錯，戶口凍咗係有機會有入無出/出入都唔得。你去試吓入1百落去，咪知邊個戶口有入無出，邊個戶口連入都唔得。到時真係返工，公司問你拎戶口號碼，你開咗新戶口就畀新佢，唔開新戶口咪畀個入唔到錢嘅戶口公司。到真係出糧時(你可能已經頒咗令)，到時再睇情況點做/呃公司話戶口有問題，可唔可以出支票(最好現金票)畀你先。

3. 你搵到邊間銀行畀你開普通存款戶口未? 去搵咗/預約咗先，開完先再講啦！

4. 你見成工/公司話請你返工未? 又話手停口停，唔係因為無戶口而停喺度呀？

5. #26頁要填公司d資料，你咪等到頒令後要交文件前1晚先填。呈請前果間你都無做，唔可以填落去！到時未搵到嘢做，就要填失業，但#每月收支表可照現況填咗先。傾唔傾生活費要睇受託人，就算係傾可能只批你膳食，幾百蚊交通費，個人雜費同電話上網費。到你真係有工返時，可再填過份#每月收支表畀受託人，佢到時就會重新批個生活費畀你(計埋租水電煤，家庭雜費……)。而拎開戶信係要提供公司合無/員工証/公司信寫嘅工作証明先拎到。

你吓次再有問題，自己開個新帖同分點問，自己搵噃嚟睇都方便d啦。

作者: 我_重新做人 時間: 1-6-2023 17:15

Anmi2019 發表於 1-6-2023 09:38
1. 依家(呈請後頒令前)去開新戶口係靜鷄鷄去開(係灰色地帶)，去到銀行唔需要同職員講申請梗破產，更加唔 ...

唔該曬師姐
1.明白了。
2.我上過登入e-banking 轉出同收錢都唔得，今晚試下去各銀行入錢機試入100睇下。
3.未搵/未約，想搵間簡單易開啲。
4.舊公司老闆叫我番，正正因為佢政府工程一定要自動轉帳，我入職時個銀行戶口凍左怕有入無出，問過話不能出現金或現金票。
5.舊公司大工程，應該有合約個啲，詳細要問番負責人了解可否send番俾我，否則都幾麻煩，開戶信都拎唔到，日薪/工計算，每月都浮動，有時番24日，有時番18日。（地盤銀行過數）
但有時調我出去啲鋪頭，寫字樓做裝修野，乜證明都無無拍卡記錄，人去到做野夠鐘走人，出糧就到時俾現金轉數快或入現金票去我戶口（裝修野）
明白，唔該anmi 師姐，下次我開貼

作者: tony浸信會 時間: 1-6-2023 18:34
唔一定局限做裝修、需要起黎短暫做吓飲食都可以的

歡迎光臨破產聯盟 (http://hkiva.org/)