破產聯盟

標題: 破產+自殺 [打印本頁]

作者: 絕望 時間: 18-10-2021 08:13
標題: 破產+自殺
本人欠恆生三十幾，星展卡數八萬(碌爆左信用額，min pay找到冇錢再找)，安信十幾
何解標題破產仲要選擇自殺？因為結婚後太太同我都係同我一齊父母住，破產填地址信寄到屋企屋企人實知，自知父母唔係開明父母，知道我爭人錢仲搞到破產實趕我出門口，既然知道會有呢一日出現，我已經諗定自殺方法同地點。
唔係唔想正面面對破產，而係知道屋企人既反應而萌生自殺念頭

作者: Peterman 時間: 18-10-2021 08:25
師兄有冇爬文，去郵局個郵政信箱已經可以收信啦

作者: 重新開始nam 時間: 18-10-2021 09:54
師兄，勇敢面對，破產好小事，五洗自殺

作者: Anmi2019 時間: 18-10-2021 09:57
上網搜尋吓租收信地址就有啦(幾十蚊/月)，到時坦白同受託人講屋企唔方便收信，無問題㗎。有同學畢埋業屋企人都唔知佢破呀，最緊要事前做足功課

作者: eddykung044 時間: 18-10-2021 11:24
你破產自殺後
強積金會成為你遺產
強積金D錢會還俾債權人
共實咁樣益債權人
不如勇敢面對4年破產生活
我破後積極生活解破後收入及學歷比破產前好好多

作者: 走出黑洞 時間: 18-10-2021 11:43
每日人自己破產或被破產都會經歷核彈般巨變，以為面對唔對，但過了後回看原來咁就過咗！解決到的，你就咁死咗，無謂謂吖。為咗個郵遞地址死，唔駛吖！

作者: highman01 時間: 18-10-2021 12:08
廿幾萬就自殺？

作者: highman01 時間: 18-10-2021 12:10

highman01 發表於 18-10-2021 12:08
廿幾萬就自殺？

睇少左
如果欠六十幾個
拿拿林破啦
每個月起碼還二萬幾
重要養一家人邊搞得掂？

作者: alan52016 時間: 18-10-2021 12:42
破產無乜大不了，完左東山再起，大家都知道生活迫人，正面啲，唔好諗埋一邊，除咗上面師兄師姐方法，亦可考慮屋企所有信你去拎，唔好經屋企人手攞

作者: 幾球姐 時間: 18-10-2021 13:15
希望師兄睇到，天無絕人之路，四年好快過，希望你睇開d捱過去。

作者: kt1018 時間: 18-10-2021 13:21
我當初都想好自殺方法，每個人都有自己既問題，最後向社工求救，破左都有半年，欠既數比你多，已加無哂還款壓力，有問題就係度問多d，根本唔洗等4年後解破，而加既生活同未申破前已有很大不同，壓力大減，要正面d，開頭係辛苦既，過左就無事。

作者: 金龍華 時間: 18-10-2021 13:50
破產有乜大不了，最緊要生活無壓力，命都長幾年，早破早享受呀！

作者: Kuen1021 時間: 18-10-2021 14:06
我地址寫左我朋友到跟李周同佢講左話屋企五可以收到呢啲信佢都肯寄去我朋友個地址到

作者: 01321425 時間: 18-10-2021 14:50
師兄,依度大部份師兄都經歷過破產,好明白你嘅心情,要積極面對,家人朋友都唔希望你有事㗎,加油,總有辦法！

作者: 重新做人1984 時間: 18-10-2021 16:17
少少野都話自殺想人可憐你定點? 呢度個個都差人大把錢都要面對借個時又咁有勇氣唔想後果到爆左煲又唔想負責任破產咪破產男人老狗比D責任心啦

作者: Susumami 時間: 18-10-2021 17:01
我之前都打算自殺咖！寫埋meMo 紙教個女點用洗衣機…點煲飯…交好2個月上網錢…寫埋遺言，諗諗下……死我都夠膽！點解唔敢面對問題？？無面？怕比人知？超…香港地有幾多人唔洗爭人錢？卡數都爭住先岀糧交啦！差在有冇遲交嘅啫…

作者: airmax 時間: 18-10-2021 17:12
咪同老豆老母講，同人夾錢做生意，蝕到欠債

作者: NGBAK 時間: 18-10-2021 17:24
兄弟找个社工和家人开解下就ok,一定要重新人！没有什么事过不去的！大家都是过来人！

作者: 太天真 時間: 18-10-2021 17:38
就算最後核爆屋企人知道咗，都未必唔好. 畢竟4年，係最初幾個月家人難頂啲（面子）但破咗壓力少好多，唔使跑數，仲可以做運動，健康返番嚟

作者: 太天真 時間: 18-10-2021 17:41
走過高山低谷，正面啲想，破產只是人生的插曲

作者: posti 時間: 18-10-2021 17:51
洗乜死姐我都破左破左仲輕鬆我而家反而覺得蠢左點解唔早D破你話要地址其實好簡單租個郵箱或者信得過既朋友你自殺死左到時候一樣父母都會知甚至全香港都知到時候真係任人講乜都得你已經無左話語權

作者: 重新 時間: 18-10-2021 17:58
我都係里個星期去搵6c 攪入學今朝同個小姐講既時候我都一邊講一邊哭欠債失業病患我齊哂但我無人支持我呀所以上討論區搵人安慰死

作者: 重新 時間: 18-10-2021 18:01
以上打多左個死字 sorry

作者: 貓女 時間: 19-10-2021 02:02
我己經一段時間沒上來... C 兄唔好死亦唔駛死...我當日破時心情同你一樣, 好似世界未日咁...
但我唔經唔覺已經入學兩年多..
仲有年半左右就畢業,,,現在我好輕鬆和快樂..真的入左學真係唔係咁難過...
真的可以唔比家人知道的,, 只要租好信箱和做郵件轉遞,,

作者: 夢查查 時間: 19-10-2021 02:40
可必要自殺，或者你父母會體諒你呢，又唔係殺人放火，4年後有一條好漢，

作者: 夢查查 時間: 19-10-2021 02:41
四年後又一條好漢，天無絕人之路

作者: samuel 時間: 19-10-2021 15:30
租信箱真係得？在香港，無論申請信用卡、貸款、開設銀行戶口及辦理任何政府服務，均不接受以郵政信箱作為通訊地址填寫，就算申請非政府組織的會籍，亦須詳列住址。由於不少人士為免被家人知悉其財政狀況，故此不能如實向申請公司或機構填寫真住址，有見及此，近月坊間提供的舊樓住址出租信箱服務正迎合他們的需要。每月360元最少租9個月「信箱（每月）360元，最少租用9個月。」在深水埗的多處地方，近月出現一則租套房的宣傳廣告，惟最離奇的是，廣告中指會兼提供每月出租信箱服務，更列明要最少租用九個月。該信箱每年租金高達四千三百二十元，較香港郵政提供的年費僅為二百七十元的郵政信箱服務，費用高出近十五倍。如此不划算，為何仍有人願意租用呢？本報記者日前佯裝有意租用該住宅信箱，負責人梁先生說：「你租呢個信箱，至少要租九個月，一次要畀半年錢。」未幾，梁更以專家口脗向記者教授如何製造有力的「住址證明」。「我會畀個房號你，你揸住房號，就可以去銀行申請轉地址，第一次轉地址係唔需要任何證明，轉地址後，銀行第一封寄給你嘅信，就係很有力嘅地址證明了！」記者稱擔心會被人發現，梁大派定心丸，並說：「租房都唔會有證明啦，放心啦，好多人都係咁，有啲人投資唔想畀屋企人知，有啲人又住響內地，但係又想申請信用卡、貸款，都係搵我哋幫手，仲有申請（輪候）公屋都有。我哋收到信會通知你，你得閒上來攞，唔使擔心。但申請公屋你要自己符合申請條件，我只負責收信。」雖然出租住宅信箱人士聲稱租用信箱極其安全可靠，不過，法律界人士黃國桐卻指危機重重，因為租用人若以租信箱的「假地址」，當作住宅地址填寫申請政府服務，開辦銀行戶口、借貸，報讀學校或任何有不誠實意圖的用法，則有機會觸犯「訛騙」的刑事罪行，而出租者若早知租用者用「假地址」作不法的用途，亦有機會被控告「串謀訛騙」。

作者: 貓女 時間: 19-10-2021 18:00

samuel 發表於 19-10-2021 15:30
租信箱真係得？在香港，無論申請信用卡、貸款、開設銀行戶口及辦理任何政府服務，均不接受以郵政信箱作為 ...

你講尼樣唔係我用果種...我是全完全合法的..
我是去申請信箱再去郵局做郵件轉遞..

作者: airmax 時間: 19-10-2021 19:37
郵件轉遞有限定時間

作者: karltherbt 時間: 19-10-2021 19:52
古蘭經4章29~31節：「....你們不要自殺，真主確是憐恤你們的。誰為過份和不義而犯此嚴禁，我要把誰投入火獄，這對於真主是容易的。如果你們遠離你們所受禁的一切大罪，我就赦宥你們的一切罪過，並使你們得入一個尊貴的境地。」

作者: Anmi2019 時間: 19-10-2021 20:30

貓女發表於 19-10-2021 18:00
你講尼樣唔係我用果種...我是全完全合法的..
我是去申請信箱再去郵局做郵件轉遞..
...

衰婆，終於蒲頭喇（＾ω＾）喺豬手國生活好嗎？可唔可以分享吓你依段時間點樣同主任交涉(交年報/上繳/消費券)……

作者: 絕望 時間: 19-10-2021 20:55
天係無絕人之路，但家家有本難念的經
錢我由2018年開始借，到上年開始還唔掂，用信用卡自動八達通捱往後生活
到今年4 月真係捱唔到生活所以走去安信再借，有同朋友提及過破產，但朋友唔想我走到咁絕
人地真金白銀借錢俾我，我係好應該繼續還，但真係自己投資失利，去到走投無路先想破產
考慮自殺係做左D野對唔住屋企人，冇面面對佢地，死係最好解決辦法

當大家黎緊日子，睇到新聞有一名公務員凌晨從某某政府合署墮樓或者在合署內上吊自殺，果個應該係我

作者: 重新做人1984 時間: 19-10-2021 21:29
公務員唔係仲易搞咩？

作者: 重新做人1984 時間: 19-10-2021 21:32
原來死的勇氣大過同屋个人坦白

作者: 貓女 時間: 19-10-2021 21:40

Anmi2019 發表於 19-10-2021 20:30
衰婆，終於蒲頭喇（＾ω＾）喺豬手國生活好嗎？可唔可以分享吓你依段時間點樣同主任交涉(交年報/上繳/消 ...

掛住我嗎

我上星期返左來香港,,因我親人有事..
我都沒野做沒得上繳XDDD...年報就網上交..消費卷我沒攞

作者: 貓女 時間: 19-10-2021 21:45
自殺才是最不負責任的行為....破產期後你沒想過要還返錢比你朋友?
破產並唔係絕路....只係一個個天給你重生的機會....
朋友勇敢面對啦....真係唔駛死

作者: miyako 時間: 19-10-2021 22:02

絕望發表於 19-10-2021 20:55
天係無絕人之路，但家家有本難念的經
錢我由2018年開始借，到上年開始還唔掂，用信用卡自動八達通捱往後生 ...

做乜要唸死呢？四年后慢慢还會不會更實際點？死左乜都沒，親人仲要難過

作者: 跑山好辛苦 時間: 19-10-2021 22:04
我都係公務員，你可以試下攪iva，50個好少姐我之前成70個（計埋利息）都做到，當時都係揾2萬，攪iva可以分期，每月都係供1萬到時輕鬆好多

作者: kt1018 時間: 19-10-2021 23:02
唔好再鑽牛角尖啦，快d打电話比社工傾吓，隔住电話又唔知你係乜水，有咩問題講哂出黎，個人會舒服d，社工又會比d意見你，我都係咁做過，咩事都可以解決，唔好以為死左就無事，仲在生既人有幾痛你有無想過，只有面对過致親離世既人先知道果種辛苦。

作者: 貓女 時間: 19-10-2021 23:43

airmax 發表於 19-10-2021 19:37
郵件轉遞有限定時間

年半...其實已足夠...因破署信寄最多一般是頭9個月至一年,,,,
同埋之後可以填表用信箱做通信地址....我就是這樣一封破署信都沒有在定地址收過...
除了剛做郵件轉遞佢地未準備好...但我成功收左信無比家人知...

所以樓主你...真係唔駛死...有分法唔寄信去屋企的..而且是唔會犯法

作者: 跑山好辛苦 時間: 20-10-2021 21:19
樓主，宜家點有冇問iva?

作者: 走出黑洞 時間: 20-10-2021 23:41

貓女發表於 19-10-2021 21:40
掛住我嗎
我上星期返左來香港,,因我親人有事..
我都沒野做沒得上繳XDDD...年報就網上交..消費卷我沒 ...

謝謝你師姐分享，我準備離開了。
主任要另一半的資料嗎？

作者: 走出黑洞 時間: 20-10-2021 23:47

絕望發表於 19-10-2021 20:55
天係無絕人之路，但家家有本難念的經
錢我由2018年開始借，到上年開始還唔掂，用信用卡自動八達通捱往後生 ...

你唔好咁啦，上年的今日，我比人追債，又要捉我添。但唔係我借人錢。我一個女人仔都頂到。捱過咗了！今日我已重生了。有辦法㗎！

作者: Anmi2019 時間: 21-10-2021 17:40

絕望發表於 19-10-2021 20:55
天係無絕人之路，但家家有本難念的經
錢我由2018年開始借，到上年開始還唔掂，用信用卡自動八達通捱往後生 ...

你朋友點你，邊個話破咗唔駛還，有工返就會喺份人工度扣除合理生活費後有多就要上繳(日後還噃錢畀債主)㗎。
做公務員就快d搵銀行傾吓做重組，唔駛只諗埋一面！就咁行咗去，你老婆你朋友日後要點面對?

作者: 個心好煩 時間: 23-10-2021 20:25
我廿幾歲俾女呃破第一次，今年差不多五張破第二次已經衆叛親離，但我仲未想死，因为我相信留得青山在那怕没柴燒！

作者: cacawong 時間: 18-11-2021 22:38

kt1018 發表於 18-10-2021 13:21
我當初都想好自殺方法，每個人都有自己既問題，最後向社工求救，破左都有半年，欠既數比你多，已加無哂還款 ...

同你一樣，當時個人好慌，打去瑪利亞，傾左半個鐘，我勇敢面對，其實銀行收數佬好人慈，打電話來時你低聲下氣拖下佢，出左no 就無事，我舊年並上疫情，等左幾個月先頒領。

作者: cacawong 時間: 18-11-2021 22:40
破產後，個人輕鬆左好多

作者: Angry 時間: 18-11-2021 23:17
4 年好快過, 人生有高有低, 話唔定明天就發達呢! 有命就有機會.

我原本是有錢人, 點知被太太夾埋姦夫冒簽轉移我資產, 先前聽她老點簽左D 借據, 原來是用來破我產. 仲絕到陷害我入獄...., 仔女貪跟住她有榮華富貴, 唔見我...

我都唔自殺, 60幾萬好小事, 破產後點都會有基本生活費, 平凡有平凡的生活, 保持心境開朗開心活下去.

作者: Wongkccc 時間: 19-11-2021 06:14
安信兄弟，借錢嗰陣時當你兄弟，追你還錢嗰時當你契弟

作者: Chau0622 時間: 19-11-2021 09:48

Wongkccc 發表於 19-11-2021 06:14
安信兄弟，借錢嗰陣時當你兄弟，追你還錢嗰時當你契弟

師兄講時講唔好開全名

作者: Chau0622 時間: 19-11-2021 09:49

Anmi2019 發表於 21-10-2021 17:40
你朋友點你，邊個話破咗唔駛還，有工返就會喺份人工度扣除合理生活費後有多就要上繳(日後還噃錢畀債主)㗎 ...

ANMI姐
一般人真係以為破左係唔洗還
係我地呢D親身經歷先會去了解咩係破產

作者: 阿三妹妹 時間: 19-11-2021 16:03

Chau0622 發表於 19-11-2021 09:49
ANMI姐
一般人真係以為破左係唔洗還
係我地呢D親身經歷先會去了解咩係破產 ...

我都還咗24萬

作者: taktak2108 時間: 19-11-2021 16:57

阿三妹妹發表於 19-11-2021 16:03
我都還咗24萬

師姐你好乖呀!

作者: 痛苦 時間: 20-11-2021 13:57

Anmi2019 發表於 19-10-2021 20:30
衰婆，終於蒲頭喇（＾ω＾）喺豬手國生活好嗎？可唔可以分享吓你依段時間點樣同主任交涉(交年報/上繳/消 ...

我都好耐冇出現呀,其實唔好諗住死咩都有方法可以解決㗎

作者: CAT008 時間: 20-11-2021 19:02
正能量一些。死左. 你的父母和太太不是雙重打擊嗎？。面對。四年好快過。俾幾拾蚊租個收信地址就可以解決問題。何必要自殺呢！

作者: Peterman 時間: 20-11-2021 19:33
樓主去左邊……？真係………好担心樓主哦………

作者: Mingming01 時間: 20-11-2021 21:59
師兄看看我你比我開多小我係你旁邊個post 我87萬全部三線黑財日日50-60個電話轟爆通訊錄我都未死我都好絕望但破了之後又好了點我相信未來會更好的不要自殺

作者: 個心好煩 時間: 23-11-2021 23:40
我今年都成五張，破第二次都未死，男人老狗咁輕易放棄？我都想死，但我要留返兩三百個俾我老婆同仔等佢地有安稳定生活先想死！

作者: 個心好煩 時間: 23-11-2021 23:44
E+我日做兩份工做16-17個鐘連上繳都糸MM好做月光族咁幸苦都未想死住，你就咁放棄？一齊加油吧！

作者: 個心好煩 時間: 23-11-2021 23:50
心情不好時飲兩罐啤酒等自己有睡意然后大瞓一下，我就糸咁過！頂住呀！記住留得青山在，那怕冇柴燒！

作者: kathykathy 時間: 25-11-2021 11:42
咁就絕望？我都被人呃左40萬幫人還錢，還左成20期依家有左bb都未諗過自殺，為左bb將來生活我都選擇破產。

作者: BB__BB 時間: 25-11-2021 12:03

kathykathy 發表於 25-11-2021 11:42
咁就絕望？我都被人呃左40萬幫人還錢，還左成20期依家有左bb都未諗過自殺，為左bb將來生活我都選擇破產。 ...

唔好灰心，4年後又重新！我5年前都係因為幫人支付手術費成10 萬，最後保險公司只賠番5 萬比我朋友，我朋友沒有還比我，仲拿去還錢比其他人！再加上公司有半年冇糧出比我，我又要比家用屋企，又要找卡數，碌大左條數，最後要行破產呢條路,4年後今日重新開始，所以大家唔好想埋一邊，大家有經歷一齊分享，共勉之！死不是一條出路

作者: Peterman 時間: 25-11-2021 15:02
唉…樓主失蹤咁耐，都吾知會唔會…………………中左六合彩吾使老破，而家去左馬爾代夫玩呢…

作者: quro 時間: 29-11-2021 17:42

kathykathy 發表於 25-11-2021 11:42
咁就絕望？我都被人呃左40萬幫人還錢，還左成20期依家有左bb都未諗過自殺，為左bb將來生活我都選擇破產。 ...

我也因幫同事,結果呃左40萬,原來同事用來還錢比其他人,幫了衰人消遙法外,自己就面對破產,辛酸地過了4年,各位共勉之

歡迎光臨破產聯盟 (http://hkiva.org/)