破產聯盟

標題: 破產 FAQ 08 - 儲蓄戶口 [打印本頁]

作者: admin 時間: 5-10-2008 13:32
標題: 破產 FAQ 08 - 儲蓄戶口
破產人的出糧戶口,感覺受其視!

某網友之親身經歷:
「破產人的出糧戶口,感覺受其視!
我公司的出糧戶口一定要指某間中資銀行但又不入中銀的網絡, 此銀行一定要在指定的分行用存摺提存, 不發提款咭, 公司每個月自動轉賑, 但每次我總比同事遲一,兩日收到糧款, 因為沒有提款咭, 所以每次都要抽時間到那分行提款, 挺麻煩兼有時撲個空, 因為不確定是那日過數, 而每次teller都要找file影印, 破產官給開戶的信.

1)其實銀行電腦化一定有破產人的提存紀錄, 點解不發咭給破產人?
2)因為成日都是遲收到糧款, 所以很擔心破產官會突然凍結戶口, 而不通知呢 ?靠份糧過活, 所以很憂慮, 每個月出糧都驚餐飽. (我是依照破產官的指示, 沒有行差踏錯)」

小弟的感慨:
1. 中資銀行係咁老套!

2. 其實好多中資銀行仲停留係石器年代,入面d野根本仲未電腦化!

3. 當年我係集友由請存摺戶口,佢只係給我存摺,吾比申請提款咭,該分行經理話呢d係公司政策,話我地呢d破產人士誠信不足,可能會用該銀行發出的提款咭做出不法行為!!!!!!!!!!

4. 我當年每個月人打簿及排隊攞晒所有現金出來,費事留錢係集友.

5. 反而hong kong bank就真係服務至上,申請存摺時可以一齊申請埋提款咭.

作者: enjoylife 時間: 17-11-2008 23:56
標題: 出糧戶口
搞破產第一件最麻煩既事，係搞個出糧戶口！

一入紙就會凍結的原因：你欠佢錢／佢係大銀行，打工仔冇份糧點生活呀！

Tips : 由入紙到頒令，大約2-3個月，如果出支票糧，或可任意選擇一間銀行做autopay既話．．．

就可去豐明／永隆／創興開戶，因為佢地係細銀行，會係頒令日後至凍結個戶口，到時你都攞咗破署信搞手續，所以就唔洗擔心個戶口被凍結冇糧出。入紙後都開到架！

創興是我的個人經驗，冇最低存款，又有提款咭。

至於頒令後，你可選擇繼續用上述既銀行，或者開過個新既。

作者: mudshui 時間: 24-11-2008 17:28
enjoylife

係唔係就咁去話想開存款戶口就得架喇? 洗唔洗話我入左紙等緊班令呢? thanks

原帖由 enjoylife 於 2008-11-17 23:56 發表
搞破產第一件最麻煩既事，係搞個出糧戶口！

一入紙就會凍結的原因：你欠佢錢／佢係大銀行，打工仔冇份糧點生活呀！

Tips : 由入紙到頒令，大約2-3個月，如果出支票糧，或可任意選擇一間銀行做autopay既話．．．

就可去豐明／永隆／創興開戶，因 ...

作者: enjoylife 時間: 24-11-2008 17:43
Mud,

唔洗，就咁去話開戶，問你原因，答出糧autopay。

你有咁既需要咩？

作者: mudshui 時間: 24-11-2008 17:49
標題: 回復 #4 enjoylife 的帖子
enjoylife

冇, 我都未搵到野做. 不過諗住開定先可能以後容易姐.
係呢, 係唔係一定要有野做先比開戶信我既呢? 如果我做part time咁點呢? thanks

作者: enjoylife 時間: 24-11-2008 17:56
入紙前開既戶口，到頒令後都會凍結，除非你同破署主任講，要用返佢黎出糧。

至於破署就一定要你有工做，至會批開戶信比你。

反正你而家冇需要，不如日後找到事做至搵主任出信啦！

作者: mudshui 時間: 24-11-2008 18:10
標題: 回復 #6 enjoylife 的帖子
明白 thank you very much

作者: gpo4074 時間: 25-11-2008 10:03

原帖由 mudshui 於 2008-11-24 17:49 發表
enjoylife

冇, 我都未搵到野做. 不過諗住開定先可能以後容易姐.
係呢, 係唔係一定要有野做先比開戶信我既呢? 如果我做part time咁點呢? thanks

如果你真係有需要開戶口來做某種用途,可以求其搵一個再培訓局的有津貼發放的課程讀,跟住同破產管理署講需要一個戶口來收津貼.

至於你到時係吾係完整地讀晒呢個課程,或只係讀一日半日,就自己執生啦.

而通常呢d再培訓局的課程,返足全日大約有150元津貼,而某d課程可能只係返半日,就會有半日津貼發放.

作者: roy 時間: 25-11-2008 11:03
標題: 回復 #8 gpo4074 的帖子
john,
而家半日課程冇津貼架,一定全日先有.
另外如果開左戶,跟住太耐冇通知主任你再找到工,主任會係之後寄信叫你取消個戶口.

作者: tigger 時間: 1-2-2009 02:24
請問開了銀行户口, 主任是否能夠自己查閱銀行户口的紀錄,不用我們授權呢?

作者: 温sir 時間: 1-2-2009 02:29
標題: 回復 #10 tigger 的帖子
基本上，如果你係破產期內，你嘅户口係由破產署受托監管嘅。

作者: admin 時間: 1-2-2009 16:40

原帖由 tigger 於 2009-2-1 02:24 發表
請問開了銀行户口, 主任是否能夠自己查閱銀行户口的紀錄,不用我們授權呢?

政府人唔會咁得閒的。得閒佢地會講下股票…

通常：銀行會將個記錄 send 去給佢地覆核。

作者: tigger 時間: 1-2-2009 18:31
如果我户口有一些現金或支票存入，又或有定期支出（如自動轉賬之類），是否主任會查證．出糧之數目是否一清二楚，冇得報細數，花紅可否報少一點數．

作者: roy 時間: 1-2-2009 18:44

原帖由 tigger 於 2009-2-1 18:31 發表
如果我户口有一些現金或支票存入，又或有定期支出（如自動轉賬之類），是否主任會查證．出糧之數目是否一清二楚，冇得報細數，花紅可否報少一點數． ...

係你破產依4年銀行戶口係受到監管的,所有收支數目都應該有合理解釋.

但如果你明知D錢銀有晒存入紀錄,你仲冒險去報細數,萬一比破署check到係犯法架,延長破産期不特止,到時監都有得你坐呀.

作者: bb_q_888 時間: 1-2-2009 19:26

原帖由 roy 於 2008-11-25 11:03 發表
john,
而家半日課程冇津貼架,一定全日先有.
另外如果開左戶,跟住太耐冇通知主任你再找到工,主任會係之後寄信叫你取消個戶口.

我都報左再培訓局,重林住用返個舊戶口...要"幾耐"無野做會要求我取消個戶口?

作者: gpo4074 時間: 1-2-2009 19:29
標題: 回復 #15 bb_q_888 的帖子
嚴格上來講,當破產人士係工作上有任何變動,例如人工加或減、升職、轉工等,便要即時通知破產管理署.

及如果出埋最後一期糧,而期間仲未搵到工,咁理論上要即時取消個戶口.

作者: bb_q_888 時間: 1-2-2009 19:37

原帖由 tigger 於 2009-2-1 18:31 發表
如果我户口有一些現金或支票存入，又或有定期支出（如自動轉賬之類），是否主任會查證．出糧之數目是否一清二楚，冇得報細數，花紅可否報少一點數． ...

其實每條數你都應該報清楚,可能佢未必問/查你.

但一查你又唔岩數...你好難自完其說.

你夠膽咪報少d,不過風險自付....

我地都係無錢還先破產,但係破左產重林住呃破署就連人格都破產啦!

作者: bb_q_888 時間: 1-2-2009 19:40

原帖由 gpo4074 於 2009-2-1 19:29 發表
嚴格上來講,當破產人士係工作上有任何變動,例如人工加或減、升職、轉工等,便要即時通知破產管理署.

及如果出埋最後一期糧,而期間仲未搵到工,咁理論上要即時取消個戶口. ...

即時取消個戶口,

係cut個戶口;還是...還原凍結戶口?

作者: gpo4074 時間: 1-2-2009 19:42
其實吾好用「呃」呢個字啦.

好多時只係有技巧地申報開支,及要求高少少的支出上限.

作者: gpo4074 時間: 1-2-2009 19:43
cut戶口

作者: bb_q_888 時間: 1-2-2009 19:47
標題: 回復 #19 gpo4074 的帖子
你呢d叫做(支出)報大d.唔係(收入)報少d.

唔夠洗...當然咩都報,但收入有條實數,佢都夠膽話報少d...好野~佩服!

作者: admin 時間: 8-2-2009 02:05
多謝會員rc020505 提供：

永x = 新晉富豪間舊公司? 如果係就可以放心,頒令後先凍結

見

http://www.hkiva.org/viewthread.php?tid=343&page=2#pid3239

作者: admin 時間: 8-4-2009 02:09
多謝會員 BBQ 提供：

跟外判請留意---開戶可能遇到問題

我因為要收再培訓津貼,所以向"外判"要求開戶信.
由於我無指明開戶銀行,"外判"幫選了中x銀行.

咁我今日攞封外判信去中x銀行開戶,間分行職員因為未見過"外判開戶信",
而唔肯開戶比我..

初時話封開戶信...無打中x銀行個名

我問佢(職員)攞電話,佢非常之唔想比....

我話:我唔明封信有咩問題,我亦唔知你想要咩信,總之我叫外判直接打電話比你(分行)
我好急需開戶.你地直接講清楚...有咩問題,因為我唔識講.

跟住我即埸係銀行打比外判,好好彩係"真人"接聽 (因為多數係留言信箱)
亦找到外判(即時)打去銀行幫我查詢下.

就咁銀行(職員)死死地氣跟......我又等左十分鐘.
最後佢答我...因為你封信唔係破產處發出,所以要查證一下,
你留低電話,我地攪清楚再打比你(開戶).

我當然好嬲/煩惱...因為我等左好耐...差不多30分鐘.

我返到家中....左諗右諗,終於直接打去破產署(主任)問,因為我覺得外判係幫唔到我.
我直接同破產署主任講出我問題,佢好好人...雖然我已經外判左,
我話銀行可能向佢查詢,希望佢快D幫我跟進.

(收線後)佢立即打去銀行,十分鐘後回覆我...OK左...可以去開戶.
更說如有問題可再找他跟進~

攞"外判開戶信"開戶口係勁麻煩!

因為我之前,係外判(交文件)見到一個破產人士攞"外判開戶信"開戶口,

唔成功...反轉頭投訴,佢就係去(屯門)c子銀行....後尾佢趕住返工....所以話遲d再試過.

我封信係有打中x銀行個名(佢地初頭唔識睇),佢地唔肯開戶原因:

係封信唔係破產署發出,

同唔知咩叫"外判".

總之...想開戶...一定要夠耐力,堅持...同煩死d職員,

你唔走...係咁問....佢地一定要理你.

因為得到破產主任幫助,直接打電話給銀行証明封開戶信無問題.

所以今日我終於順利開到戶口.

開戶時間都要15分鐘,因為個職員好多野填...同樣會問開戶理由

及職業(明知我失業都要問,好似攞景咁  )

期間一直比其他職員睇住 .  (不過今次開到戶口話之佢)

我左一個"提存易"戶口,有簿仔同提款咭.

無最低存款限制,只是在銀行櫃台提款---每次要收$20服務費.

提款咭密碼係即時交給我,提款咭於一星期後寄到報住地址.
(職員提我收到咭後,必須修改密碼)

最特別...我開戶是不用入錢.  我戶口結餘:  $0

我問過....,但職員話:你可以唔洗入錢.

總結:職員其實尚算禮貌,只係怕做錯野...要上身.

   破產人士要有心理準備開戶好煩,特別係用"外判開戶信".

最後祝大家開戶成功!!

補充:

開戶後...記得fax戶口第一頁比外判做記錄. 寫清楚破產編號同姓名.

同記得每月打簿...無交易都要打.

http://hkiva.org/viewthread.php?tid=985&highlight=

作者: admin 時間: 8-4-2009 02:12
多謝 calvinsi 提供：

上次autopay出唔到糧之后,公司出左張劃線支票比我,第日上左律師樓羅左解凍信(入紙後,頒令前個封)之後,好開心咁去"行山"銀行入票,諗住可以入到票羅返分糧啦,點知.....
bank個邊就話唔得,佢建議我去other bank 入張票,原因係我差佢地$,張票入左佢地有權set-off 左我筆$去找數......
所以各位c兄日后如果要申請呢封信羅生活費的話,建議大家先轉去一間冇差佢$既bank autopay出糧,唔係就好似我個case咁睇住張票等領出架啦

大家真係要小心！

多謝會員 nokia 提供：

多謝你分享。我係入咗呈請書後，恆仔都有出信同我提到會把戶口所有結餘用作繳付部份/全部欠債費用，所以大家要謹記係入紙前清空戶口餘數。

歡迎光臨破產聯盟 (http://hkiva.org/)