分居夫批咗破產

janelam

分居夫(未正式離婚)批咗破產。佢住係我同佢嘅聯名物業(重按緊係銀行大約20K),而我則早年已般出,自已租屋住。昨天佢同我講個主任叫佢問我:
1)佢繼續住係我同佢嘅聯名物業到住,但每月供樓就由我供,主任只批佢交管理費同差餉! OR
2)我出市價買埋佢個1/2業權!------我邊有咁多錢!而且我覺得不合理。
3)佢唔供,我唔供,２個月後等按揭銀行收樓拍賣,一人一半!
我想問,邊有咁無良嘅方按!我可以點做!

admin

見：
破產 FAQ 30 破產、按揭、物業
http://hkiva.org/viewthread.php?tid=387&extra=page%3D1

FAQ 28 破產與聯名的居屋及內地房產問題
http://hkiva.org/viewthread.php?tid=342&extra=page%3D1

你白紙黑紙問個主任，你叫佢詳細寫清楚佢的建議，再去做佢！你就6 佢音！你要問清楚佢係邊個，代表邊個，係律師定係破產署！

佢簡直係老點！

佢有乜權賣你個 50%?

佢有乜權叫你供另外個半？

如果佢唔肯，你就6 佢音

而家係未一人破產，全家受罪？

你收到佢封信，再去聯絡議員，去投訴佢！

不過我諗佢唔唔會出信！

温sir

轉貼.................
答：你擁有的聯名物業會被破產管理處釘契，但絕不會充公，亦不影響你繼續供樓和居住。因為這個物業你祇有部分業權，破產管理處祇能控制你(破產者)名下的那些業權，其餘人等並無破產，是不受破產管理處監管的！破產管理處通常的做法是，會要求物業業權的其他擁有人出資購入你名下的業權。銀碼則要由破產管理處提出和協商，我知道曾有一案例破產管理處祇索價五千元，另一業權持有人當然立即應允。但亦有按市價要求另一業權持有人買入的例子！另一業權持有人絕對有權拒絕買入你名下的業權，而你名下的業權破產管理處根本無法向其他人出售，在物業市場上並不完整的業權絕對無人會買！這亦是破產管理處傾向由其他業權持有人，全購該物業業權的原因！..................

温sir

原帖由 janelam 於 17/3/2009 11:04 發表
分居夫(未正式離婚)批咗破產。佢住係我同佢嘅聯名物業(重按緊係銀行大約20K),而我則早年已般出,自已租屋住。昨天佢同我講個主任叫佢問我:
1)佢繼續住係我同佢嘅聯名物業到住,但每月供樓就由我供,主任只批佢交管理費 ...

再補充一下:  其實佢所講嘅係正常.....
1. 如果佢繼續住落去.......咁每月供樓當然就要由妳供啦
2. 價錢方面....破署一開始當然提出用市價賣啦，等妳還價嘛！
3. 佢唔供，妳唔供......咁即係斷供！銀行當然會.......收樓拍賣

admin

原帖由 温sir 於 2009-3-17 17:40 發表

再補充一下:  其實佢所講嘅係正常.....
1. 如果佢繼續住落去.......咁每月供樓當然就要由妳供啦
2. 價錢方面....破署一開始當然提出用市價賣啦，等妳還價嘛！
3. 佢唔供，妳唔供......咁即係斷供！銀行當然會.......收樓拍 ...

唔係，我懷疑個個唔係政府主任，政府人D錢唔會落佢代，所以唔會誤導。
1. 直情誤導全份要佢供。
2. 呢個尚可接受。
3. 50% 業主即係佢唔同意，點羅去拍賣？重唔係誤導？

不過會員要留意，銀行可能會出招：
要你即刻供晒你個 50%樓。因為大部份按揭條文是可以即刻追數！

實際上，我會提議你買個 50%，當然遠低於市價，正所謂，趁佢病，羅佢命，例如市價的 10%。有個咁好機會買正野，唔好放過！

janelam

唔該晒admin同温sir嘅解答!
我而家個心好亂, 唔知點做先好!
其實間屋重欠銀行好少錢(約$250000), 每月供樓嘅錢大約係$3xxx到。加埋管理費同差餉一定少過$5000,佢嘅1/3 人工。如果出去租地方應該唔會少過$5000吧? 個官批佢係返個到住重平過出去租屋。是否供樓錢唔當得交租架? 因弟日若然售出, 破管局同我各佔一半。條數可唔可以咁計嘅呢?
我而家租緊都要$7xxx ! 尚幸我重可以自食其力, 不過要額外供埋層樓又租屋住, 真係無能力啦....我原本唸住佢個官會offer個好平嘅價, 咁我便不用做無殼蝸牛, 之前如果唔係方便呀仔返學,我死都唔會搬出來比佢住晒間屋。 (其實之前大陸都有層樓而家比上便銀行收咗啦!估唔到比佢連淚到冇完一間又一間....)
我都有唸過幫呀仔轉校搬返去住(但呀仔會好慘,又要再適應過), 咁都供得條氣順Ｄ吖! 供埋比一個對自己唔住嘅無賴住, 而自已就出去租地方捱世界, 上星期按揭銀行職員call我:「破管局通知我地, X先生申請破產, 我地銀行唔可以再揾X先生架啦!而家無供一期, 再唔供銀行就會出律師信架...妳介意我地都會揾妳架啦....」我覺得好似爛仔追數咁! 好hard feeling....點解...我又無偷無搶, 點解我要suffer...如果破管局個官真係咁壓逼我....我好想係國金到跳落泥抗議這個不公平的社會制度....我冇同親人講, 唔想佢地再為我擔心...唉

ely07

吾洗禁激,睇吓有冇其它方法解決,等admin或温sir和有多些有經驗朋友在線或會幫到你,吾好鑽牛角尖,女人跟錯人也冇法,看開些....諗吓有冇方法解決

Alzard

原帖由 janelam 於 2009-3-18 00:42 發表
唔該晒admin同温sir嘅解答!
我而家個心好亂, 唔知點做先好!
其實間屋重欠銀行好少錢(約$250000), 每月供樓嘅錢大約係$3xxx到。加埋管理費同差餉一定少過$5000,佢嘅1/3 人工。如果出去租地方應該唔會少過$5000吧? 個 ...

千其唔好做傻事!總有辦法解決的!我地呢度咁多個會員大部分都經歷過低潮,宜家一樣互相扶持!有問題就講出泥。正所謂一人計短二人計長~

bb_q_888

1)佢繼續住係我同佢嘅聯名物業到住,但每月供樓就由我供,主任只批佢交管理費同差餉!


其他我真係唔識答,我知破左產,,,所以佢唔可以供樓,但係咁喎...點解佢又唔搬出去住呢?

你住都得架~佢搬出去破產署就會批佢租金.層樓又暫時唔洗買,你亦有錢供.


不過我唔信破產官咁講野~除非你老公無講清楚你地已分居.

我建議你直打電話去破產署問,你知你老公id應可以查到邊個係佢破產官.


你再約

破產 FAQ 36 - 免費法律諮詢計劃


http://www.dutylawyer.org.hk/ch/free/free.asp


你去搵律師問吓~

bb_q_888

<分居夫(未正式離婚)批咗破產。>

如果你地正式離婚...你有權要求佢比贍養費+供養(一定要上庭),法庭判決之金額,

破產署都批...

如果你唔可以搬返去,你就接受現實...返正你而家都租樓住,

起碼唔會影響你現時生活.賣左你都有返d現金.


你唔好咁傷心,老公唔生性...你重有個仔,個仔好需要你.

諗清楚洗...你想點做?

銀行d人打電話比你,係因為"無供一期"...係程序要做(佢地都係打工),

你唔好亂咁諗,層樓有你名...當然要通知你.


我都係女人,如果我係你...點都唔會益個衰佬.

我地都好關心你,有咩新料...報返上嚟,等大家同你分析下.

温sir

1. 我講如果佢繼續住落去嘅話，佢破產就一定唔可以供樓，要保留層樓，當然就要由妳供啦！
3. 佢唔可以供，妳又唔供......咁即係斷供！斷供，銀行就一定追數，唔可以追破產人，就當然追另一業權持有人(妳)，如果追唔到，就會出律師信同申請收樓拍賣，(收唔收到係另一問題)呢啲係正常程序。至於拍賣程序，銀行會同破署傾。
如果妳堅持唔賣，但又唔願供樓，咁樣情況就會變得復雜，唔係呢度討論範圍。
而家妳要做嘅最好方法，
一.就係盡快同破署講數，買起層樓。自己做哂業主。
二.跟住就趕條友搬走，當然妳可以租比佢啦，但好冒險。

至於供樓同租屋係兩樣嘢，不論供樓錢多少，破產就一定唔能夠擁有物業！
除非而家妳買斷層樓業權，否則第日賣樓都要經破產處。

admin

唔該晒admin同温sir嘅解答!
我而家個心好亂, 唔知點做先好!
其實間屋重欠銀行好少錢(約$250000), 每月供樓嘅錢大約係$3xxx到。加埋管理費同差餉一定少過$5000,佢嘅1/3 人工。如果出去租地方應該唔會少過$5000吧? 個官批佢係返個到住重平過出去租屋。是否供樓錢唔當得交租架? 因弟日若然售出, 破管局同我各佔一半。條數可唔可以咁計嘅呢?
我而家租緊都要$7xxx ! 尚幸我重可以自食其力, 不過要額外供埋層樓又租屋住, 真係無能力啦....我原本唸住佢個官會offer個好平嘅價, 咁我便不用做無殼蝸牛, 之前如果唔係方便呀仔返學,我死都唔會搬出來比佢住晒間屋。 (其實之前大陸都有層樓而家比上便銀行收咗啦!估唔到比佢連淚到冇完一間又一間....)
我都有唸過幫呀仔轉校搬返去住(但呀仔會好慘,又要再適應過), 咁都供得條氣順Ｄ吖! 供埋比一個對自己唔住嘅無賴住, 而自已就出去租地方捱世界, 上星期按揭銀行職員call我:「破管局通知我地, X先生申請破產, 我地銀行唔可以再揾X先生架啦!而家無供一期, 再唔供銀行就會出律師信架...妳介意我地都會揾妳架啦....」我覺得好似爛仔追數咁! 好hard feeling....點解...我又無偷無搶, 點解我要suffer...如果破管局個官真係咁壓逼我....我好想係國金到跳落泥抗議這個不公平的社會制度....我冇同親人講, 唔想佢地再為我擔心...唉

比我估中。
1. 個個唔係政府人。係銀行。
2. 銀行真係出招！


拿：

本人在2002年破產及在2006解除, 其間有一自住物業跟太太聯名擁有, 但因我們在渣打按揭, 利息很高, 本人太太現正跟破產管理處商討買回我50%業權及轉按到其它銀行

有問題如下
XX銀行會不會在轉按時把我在破產前的欠款連利息算到樓按的總欠款上及要我太太清還, 我聽說是有可能的, 如真的發生, 我們應如何投訴及商討.
  

財務專家: 多謝閣下的查詢。凡以聯名向銀行借款所簽署的抵押契約或無抵押貸款契約均附加上一條條款：債項必須由借款人個別或共同承擔。換句話說，閣下夫婦聯名購買物業，向銀行申請按揭貸款，當閣下被頒令破產，閣下之前與太太以聯名向銀行借入債項即時歸由閣下太太個人獨自承擔。這是聯名借契上法定條文，亦是所有銀行的慣常處理方式，藉以保障銀行不必受聯名借款人之間的任何因由而無法收回所有欠債，閣下恐怕沒有任何可供投訴的理由。
現時，若閣下太太打算購回餘下的50%業權，只能從購買價與按揭欠款兩方面考慮，盡量向破產管理署爭取對自己有利的條件。... ...

http://www.house18.com/service_c ... ce&page=5#11371

我建讓：
1. 你唔駛理佢。你傾都是同破產署傾左先。
2. 去搵議員幫。有會員提過余若薇。話好好人，肯幫手。
3. 其實呢個係好時機，有能力就買左佢，當然要低價。

因為我唔係法律人，所以唔知真係會點，你最好正式搵律師幫手或議員幫手，爭取最大利益。

如果你搞掂，比個資料我更新下，唔該。

janelam

首先我要懇請各位原諒! 其實我都知我唔應該係到討論自已嘅問題。因為我又唔係破產人士, 而且我要面對嘅係這討論網的大家庭(一個成功申請破產的人___我前夫),因為佢, 我要面對破產主任, 銀行追供樓, 比贍養費等等問題。!
估唔到各位咁好心 比咗好多資訊我, 亦比咗我好多鼓勵同意見,好多謝各位!

我話"係國金到跳落泥抗議這個不公平的社會制度"  請放心, 早幾年我冇做嘅傻事, 我唸到今天為止我仍然未有勇氣去做....其實要跳落泥係要有好大嘅勇氣。之前有唸過好多次, 但一唸到個仔會比人指指點點及佢往後嘅生活....自己嘅醜事又會公開晒....我怕死咗反而比人知晒D家醜....我唔敢死...

bb-q-888 (運快來) 話 "如果你地正式離婚...你有權要求佢比贍養費+供養(一定要上庭),法庭判決之金額,破產署都批..."  這正是我唔敢申請離婚嘅原因, 因為佢人工少過我, 但我又冇錢請律師(我知佢乜都會同我爭),所以律師費都唔知要幾多先夠! 最衰又冇資格攞「法援」,你地話悲唔悲?

佢話嗰３個方案係主任比嘅意見。
不過今日我問佢進展,佢就話主任而家發覺佢有1/2業權, 而且資產多過20萬, 所以セ都唔做得, 約佢揾1日同所有債權人(多間銀行)開會, 我問佢開乜會, 作用/目的是什麼的。佢話唔知! 我覺得好有問題:

1) 佢當日揾律師申請破產, 律師唔係有晒佢D資料架咩? 點解唔知佢有樓?有親樓多數資產都over 20萬架啦!
2) 主任同佢傾叫佢話我聽嗰３個方案之前,嗰主任唔知佢有樓架咩? 有親樓多數資產都over 20萬架啦!
3) 主任話約佢揾1日同所有債權人(多間銀行)開會, D銀行咁得閒? 分餅仔咁呀? 定係想做我?  佢地可唔可以迫我賣樓架?

其實我都好想買埋佢個1/2, 但我真係無多餘錢! 而見重按緊個 25萬又唔知係咪要1次過比晒! 這幾年自己租出黎真係自己揾自己食。1蚊都無要過佢, 佢碌落成身債(起初我唔信, 雖然佢人工少過我, 但供樓只佔佢1/4  嘅人工, 無理由會唔夠使,但係而家佢產都破埋,唯有信佢!)
今日同佢講講下,我問佢比主任個電話我, 我自己問下嗰主任; 佢係絛街到大大聲咁鬧我:「唔會比妳, 費事妳差禾我呀!」「妳開心啦!比妳淚到我セ都冇晒啦!」我當時啞口無言, 其實如果真係有欠債,佢用咗係邊真係心照! 同佢結婚咁多年, 佢未比過1毫子養過我, 分居後佢霸住間屋住我都冇同佢掙! 呢個都唔知係セ婚姻制度! 更唔知係セ野世界!  佢惡就贏晒架咗! 當時我忍得住, 行返屋企Ｄ眼淚就係咁流出黎! 真係無用!

我只係想佢  left me alone. 唔好再用佢嘅問題黎困擾我往後嘅生活!
好多謝各位比我係呢度講咗咁多離題嘅說話!

admin

棄我去者昨日之日不可留

去者已矣

分開的野，我係外人，唔想講太多。

政府佬做野，通常好小心，你米等下羅，個會好正常。

你買佢個半，你都可以提出 terms 架麻，唔駛驚喎。你有你提出，佢有佢提出。不過，你去 check 下個銀主盤價先，有 jetso

janelam

原帖由 admin 於 2009-3-20 01:59 發表
棄我去者昨日之日不可留

去者已矣

分開的野，我係外人，唔想講太多。

政府佬做野，通常好小心，你米等下羅，個會好正常。

你買佢個半，你都可以提出 terms 架麻，唔駛驚喎。你有你提出，佢有佢提出。不過，你去 check 下個銀主盤價 ...

唔明? セ野jetso

admin

咁你米知如果銀主的價，你米知道最多佢地羅到幾多，你就可以就住出牌啦。咁都唔明？做生意，梗要知道對方的 bottom line！

bb_q_888

jetso =  有著數

admin  話你去查左個拍賣底價(銀主盤價)先,如你夠現金,你都可以出價買返.


不過我睇返你d問題...我真會唔買返間屋.

1.  你老公好麻煩,唔通你買返比佢住?

2. 就當你層樓市值200萬,但"銀主盤"通常都平好多.假設個成交價係一百萬.
   
     {100萬(成交價) -  25萬(餘下供款)} 除 2

   你實得金額       =37.5萬

  所以你唔好諗住你欠25萬就供完,因為你老公都有一半.

  就算層樓你想買返...個差價係62.5萬(或更高)再加其他雜費.


3.住返間屋唔方便個仔返學,觸影傷情,想起個衰人.


你都同佢攪得分居,你唔洗同佢諗咁多野~
  
  正因為佢係d咁架人,分手要更絕,

<佢係絛街到大大聲咁鬧我:「唔會比妳, 費事妳差禾我呀!」「妳開心啦!比妳淚到我セ都冇晒啦!」>


你有咩累佢?你冇同佢住,冇洗佢錢.....唔通佢怪你冇養佢,冇佢比錢佢洗?

你要記住..佢已經唔係你家人/朋友,你點解要比佢鬧?佢鬧你咪走人囉.


"如果你地正式離婚...你有權要求佢比贍養費+供養(一定要上庭),法庭判決之金額,破產署都批..."  

我都上過家事法庭,我都試同我老公攪過離婚,(不過佢肯改過而家對我好好)

你唔洗咁驚,我都係自己攪,自己入紙...d過程比破產更易,我上庭都唔洗律師.

因為法官會問你問題,我都答到...佢好快就批...暫準離婚(分居滿兩年先可正式離婚)

<我知佢乜都會同我爭>

佢可以同你爭咩?

佢破產..有咩資格同你爭個仔,佢有冇比錢你養仔?破產署有冇幫你/仔報生活費?

報生活費 = 比錢你洗

佢人工少...唔代表佢唔可以比  贍養費+供養子女, 因為都係等官判,

你都不過只可提要求,要睇個官批唔批.

供養子女係父母責任,佢唔可以用人工少拒絕你.你之前一路都做錯左.

如果個官問你要唔要$1/年贍養費,你一定要...要,呢個係保留你追贍養費權利 (假若佢未來發左達)


搵破產主任...

佢唔比你知一定有d野,你搵佢個破產主任好容易,將佢個名同id   e - mail  去破產問,

寫返層樓地址,因你有一半業權.你有權查詢 .

http://www.oro.gov.hk/cht/contactus/fenq.htm

事在人為...你唔好再拖,佢都冇同你諗過...

你不過錯在識左佢!

[ 本帖最後由 bb_q_888 於 2009-3-20 03:53 編輯 ]

温sir

1) 佢當日揾律師申請破產, 律師唔係有晒佢D資料架咩? 點解唔知佢有樓?有親樓多數資產都over 20萬架啦!
2) 主任同佢傾叫佢話我聽嗰３個方案之前,嗰主任唔知佢有樓架咩? 有親樓多數資產都over 20萬架啦!
3) 主任話約佢揾1日同所有債權人(多間銀行)開會, D銀行咁得閒? 分餅仔咁呀? 定係想做我?  佢地可唔可以迫我賣樓架?

唔使担心嘅..咪諗到咁戲劇化，
佢係要開"債權人會議"，呢度好多會員都有經驗嘅，作用係集合佢所有債權人開會，目的係商討佢嘅債項安排，唯一對妳有影响嘅係佢嗰1/2業權，債權人可能會商討層樓嘅價值，同如果賣出得款如何分配，因並一定全數歸按揭銀行嘅，個個債主都想爭呢舊錢嘛，亦會商討作個乜價比妳。
而家佢破產，就算妳要買起層樓，都只能向破產署傾。除非妳唔供樓，否則佢地唔可以迫妳賣樓。

bb_q_888

再補充(我知佢乜都會同我爭),

我建議你真係搵個律師問下

免費法律諮詢計劃


http://www.dutylawyer.org.hk/ch/free/free.asp

不過自己入紙"家事法庭"都唔平...我大約8 年前都要比$9000左右(因為有個仔,多份表貴d)

如果佢真係玩野,可能會比多幾次庭費(開庭費).不過你都可以提出要佢比.(同法官提出)

因為所有費用正常係"入紙申請人"比,但(當時上座)我見有女方(申請人)要求男方比.

(估)呢d法庭費用...破產署都唔會批,最重你要打電話去破產署問...野~等破產官問佢,

佢再玩野...再問,冇錢學咩人爭野~

如果有証明/証據...你可以提出何合理要求,你咁情形...個官會信你多d.

janelam

多謝各位支持!
我都希望個官會信我多d。如果我而家申請離婚,同佢破產面會唔會有低觸呢?會否對我更不利?
admin講得好"棄我去者昨日之日不可留" 我就係唔化...成日唸點解,亦都接受唔到被自已最信任嘅人...我希望自已同呀仔可以快d recover。

bb_q_888(運快來), 您話

"你唔洗咁驚,我都係自己攪,自己入紙...d過程比破產更易,我上庭都唔洗律師.

因為法官會問你問題,我都答到...佢好快就批...暫準離婚(分居滿兩年先可正式離婚)"  我都想自己攪, 係咪去灣仔政府大樓到攞form 填完交返會就得?

"佢唔比你知一定有d野,你搵佢個破產主任好容易,將佢個名同id   e - mail  去破產問,

寫返層樓地址,因你有一半業權.你有權查詢 .

http://www.oro.gov.hk/cht/contactus/fenq.htm"  自已聯絡破產主任,佢會唔會唔啋我? 多謝您比條link我, 我會試下。

温sir,
"佢係要開"債權人會議"，呢度好多會員都有經驗嘅，作用係集合佢所有債權人開會，目的係商討佢嘅債項安排，唯一對妳有影响嘅係佢嗰1/2業權，債權人可能會商討層樓嘅價值，同如果賣出得款如何分配，因並一定全數歸按揭銀行嘅，個個債主都想爭呢舊錢嘛，亦會商討作個乜價比妳
而家佢破產，就算妳要買起層樓，都只能向破產署傾。除非妳唔供樓，否則佢地唔可以迫妳賣樓。"
如果佢地offer 個價我比唔起,我可以點做呢?