大家好,我出年5月先畢業, 我19年申請破,知道轉石仔外判後就一直拖到一年後20年先話我要上繳幾多,當然之前我有好多都未上繳,而家一直報失業, 本來諗住最後先找埋,到時唔知又有咩麻煩,尾數究竟要點找好都已經煩到爆。
啱啱屋企人(哥哥一家,一直同佢一家住)話近日準備去英國 (佢哋唔知我破產) 我暫時話自己手頭有野做緊最快出年6月先自己申請BNO VISA。
我係石仔做外判,呢兩日爬文見關於『不反對通知書』越爬越驚,心情好沉重。 好怕申請不反對通知書比佢拖好耐,到時都唔知點同屋企人解釋。
仲有,我肯定是個人獨立申請 BNO VISA 用 BNO Status Holder, 而家諗緊可唔可以未有不反對通知書就申請, 請問有冇成功申請BNO VISA的同學,係咪一定要提供銀行月結單? 係咪半年生活費一定要入定銀行? 如果要未解破就一定唔入得錢入去 煩到呢幾日頭都痛,完全瞓唔到!
|