碌爆卡套現去做投資，全被騙，無法償還卡數該如何處理？

needhelp2019

3月份時出過Post但係今日發現回覆唔到，在開多次。
原Post:
http://hkiva.org/forum.php?mod=viewthread&tid=20427&extra=&mobile=1

目前事情發展成我終於成功要求對方寫下一張$150萬港元的借據，有他的大陸身份證影印本和打了指紋，而我為了拖住卡數搵人代還已將總卡數增加到130萬左右，錢據我了解對方一定還唔到比我，因為除我以外還有很多人比我早將錢比佢投資，金額高達人民幣4000萬+。

我想問問大家，我直接拿著銀行月結單資料和借據去找律師搞破產可以嗎？定係一定要先報警說被詐騙，再去搞破產手續？

目前卡數仲係搵人幫我每個月還全額，未試過逾期，但因為信用額就快爆，頂唔到2個月，咁嘅情況如果一期都無逾期，下期開始唔還，可以申請到破產嗎？律師行肯唔肯接？

感謝各位解答！

欠一百萬

咁你填表咪要填入C3，欠你的金錢。

needhelp2019

欠一百萬 發表於 7-7-2019 20:29
咁你填表咪要填入C3，欠你的金錢。

但係如果果個人一定唔還比我嘅話，會影響之後解破嗎？

deadmaninc

首先睇字面睇 錢係你自己身上碌/借 點都係你自己食返 如果真係影響到自己生活就破左佢 至於你話驚比人告資產轉移 你可以試下去警局落案先 但係 你話用黎買禮品卡比你朋友投資 咁買禮品卡 買左咁多錢你都有收據呀？比錢人投資唔會連少少野都唔保障自己掛 。。。。結論 帶你用左錢既單據同埋你朋友張欠單去警局落案先 話比人呃左錢 再去搞破產 破產署會要求你囉比人呃左錢呀去左警局備案呀果d証明我係比人呃左呢d証據 証明你無資產轉移 因為你條數太大 同証明不足 破產署會釘得你好緊 最後你話會唔會影響日後解破 其實你唔洗再諗其他野 簡單d講 破產係你 上繳係你 過左4年自由係你 你唔洗再諗你朋友果方面 咁當然你自己追到就另外講啦

deadmaninc

最緊要既一樣野 當時有無簽到合約?老實講 合約都無既話 我都唔信有人會咁有信心囉咁多錢去比人投資 點都好啦 你盡量搵晒d用過錢既收據 銀行月結單 同埋上面同你講果d証明去搵有牌照既執業律師傾下

kpchg4

無法償還就去破產，就算比人告你都得破產呢條路