分享下今日去恆X開戶等三個鐘

小學雞

啱啱琴日搵到工過幾日就要返工簽約所以一定要有銀行戶口，今朝一早約咗主任去金鐘攞開戶信，諗住欏完就可以去隔離統一中心二樓間恆X開新戶口，諗住冇牙齒印容易啲同埋如果佢唔批我嘅話我都可以即時再過隔離搵主任攞換過另一封信唔洗再安排多日。
去麥記食咗個早餐後就去到統一恆X我同佢講要開戶囗，先係有一個職員同我講開戶要大約搞個半鐘問有無問題，咁我咪等下囉，點知企咗5分鐘就有另一個人同我講話開戶口係要預約嘅，今日已經滿咗booking，叫我先到網頁預約，多數都預早一星期約。咁我問個哥仔會唔會其他分行有機會？佢話都可以去試吓walk in 嘅...無計啦！唯有去第二間分行搏一搏， 之前睇過有師兄post話去中環總行搞會方便啲因為D人做慣做熟，咁我就立即去中環試下喇。
去到先去客服櫃台同佢講我要開戶，佢會先叫你攞地址証明同id 睇，有舊post話依家D銀行好嚴要求帶正本，但係我自從四月入學後所有D銀行同保險都cut 晒又未有mpf信，所以都有D頭痕。好彩我可以上網搵返我手提電話嘅月結單去print 番張彩色嘅出嚟, 咁又過一關。俾佢睇完後攞埋號碼牌就等左大約20分鐘就有人來招呼我入房，同之前一樣都係同我溝通要等大約個半鐘，我話OK冇問題隨即先交啲資料俾佢俾埋封開戶信佢同佢講我係破產人仕開出糧戶口，個職員就叫我等一等佢話要問一下同事不過唔使幾分鐘就返嚟同我講話開戶冇問題但係要搞大約三個鐘唔走得，因為我係冇預約所以會等得特別耐同埋佢哋會多啲手續，我心諗可能佢唔想麻煩拋下我呢，應該唔使三個鐘嘅，最終搞戶口用咗兩個鐘多啲連埋之前等候嘅時間就真係有3個鐘。
基本上我都推介去總行嗰度私隱度高而且職員態度友善，就算等得耐起碼總行啲梳發都舒服啲。
不過建議大家如果真係有需要就去預約左先比較穩陣同埋最好早啲去如果唔係好容易唔夠時間做白行一趟喇！

301

多謝"小學生"分享,
銀行懶係要無事忙,
簡單程序但複雜化.
始終對手乃總行"老屎忽"職員熟練d.