要延期，，好嬲呀

redcat

真係好嬲呀，
22／3第一次見律師，因之前拎左mpf同保險當中有4萬過左俾朋友，律師話係入紙前叫朋友過返俾我再禁返出黎，我照做。
1／4入纸排到10／5上庭,上星期又話收到法庭信要解釋返mpf同保險用左係邊，律師額外收多$4500,都唔緊要，原本今日再宣誓，點知今日上到去話宣唔到，因為有4萬係申破前幾日先過返，太多了，當生活費同申破費一個月都用唔到咁多，又話當日入纸時佢地同我報我冇現金，但現在計返條數應該有，所要律師話要同我延期，延到6月咁個第錢當生活費就合理，如果唔係刑事風險大喎，老實講。俾佢地度用左兩萬幾。單據全部唔用返我名開所以冇得報。。。

痴9線，第一日上去已經拎足文件print tu,今日竟然同我講俾唔齊bankbook數，明明佢地影漏，尼家又話延期又再收$2500,我真係癲左,我話又係你地教我咁做，尼家又話係我問題搞到延期，講左一輪話會唔洗$2500可以平啲，平幾多未知，仲要10／5先申請延期，延到幾時又未知。

尼間野真係好pk,每次上去係咁sell叫我join 4年$6000,我冇join,本身收費已經貴過人，個時朋友係介紹又見佢聲稱係全港處理破產頭三名有經驗，諗住貴啲都值，尼家前后已俾兩萬幾，之后仲要俾延期費，搞到咁樣，好想開佢地名 ...有時我諗係咪我朋友當時有join6000所以佢咁順利。。。

好煩呀，各位師兄，我之前冇拖過數，直接申破，侓師有fax number,但現在全部都過期一個月了，暫時都未收到追數電話，我想問佢地會唔會見咁耐都收唔到張破產令就開始追？

YANNY

你個間真係律師樓唔係中介?好似咁兒戲咁既><

flypig

你都洗濕左個頭，又可以點？？收拾心情，想下俾呢間斬左幾k ,好彩走數，你班債主俾你走左幾百k .世事原來真係你呃人，人呃你。你班債主更慘情。

samam2015

紅貓，坦白講搵咗6C申請入學，債主都知收得返條數嘅機率有幾大吖，特別有Number嘅銀行財仔，同呢班6C都會眉來眼去，明知搵你都冇so，都費事上門嘥車費。

redcat

YANNY 發表於 3-5-2016 17:57
你個間真係律師樓唔係中介?好似咁兒戲咁既>

真係律師樓黎的,

redcat

flypig 發表於 3-5-2016 17:59
你都洗濕左個頭，又可以點？？收拾心情，想下俾呢間斬左幾k ,好彩走數，你班債主俾你走左幾百k .世事原來真 ...

係呀，頭都濕埋，就係唔可以點，咪上黎呻兩句，呻完又真係會舒服啲嘅，因為大家係過來人，明白頒令前個種精神折磨同煎熬，thanks 師兄

redcat

samam2015 發表於 3-5-2016 18:57
紅貓，坦白講搵咗6C申請入學，債主都知收得返條數嘅機率有幾大吖，特別有Number嘅銀行財仔，同呢班6C都會眉 ...

咁我都安心點，thanks Sam 師兄

samam2015

redcat 發表於 3-5-2016 19:48
咁我都安心點，thanks Sam 師兄

唔好客氣, 總之就算不幸俾佢刮到, 一定要面對唔洗逃避, 畢竟係欠人債, 扮死狗話一無所有, 唔好大佢地, 啖啖定同佢地講, 你仲有好多數都攪唔掂所以要舉手, 再冇人肯再借, 千祈唔好承諾佢地任何還錢方案同時間, 到時仲得個煩字, 因為你都已經申破, 佢地最叻係爭取呢個最後關頭嚇鬼, 你又唔係攞出面d街數, 佢地收唔到數都有車馬費收, 例行公事, 行規唔做唔得, 因為銀行財仔都要搵理由會計撇數, 打正旗號嘅銀行財仔一定唔會對你動粗放火, d數又唔係大, 冇價值咁做, 收數佬搞出事委託人都要負責, 問候你娘親幾句就一定預咗! 追緊d你個6C最實際呀!

redcat

samam2015 發表於 4-5-2016 01:56
唔好客氣, 總之就算不幸俾佢刮到, 一定要面對唔洗逃避, 畢竟係欠人債, 扮死狗話一無所有, 唔好大佢地, 啖 ...

唔該晒你sam 兄，好彩到現時為止都未有人追，，聽完你咁講我安心好多，好想快啲頒令，晚晚失眠..