已入紙申破，但日本網X通財務還致電追數

x_oking · 發表於 15-2-2016 19:43:45

上個月已委託律師入紙申破，日期定左3月1日，但最近日本網X通財務致電追數，我已委託律師Fax左有關申破資料比佢，亦已經係電話同佢地講左已申請破產，但佢地都要我去入錢比佢，又致電我屋企人及老婆，講一啲難聽說話(電話內容未有提及打打殺殺或恐嚇)今天才第一日收到這類電話，想問一問大家通常這類情況還會持續落去嗎？
求有經驗人士幫忙解答...謝謝

flypig · 發表於 15-2-2016 20:05:47

理論上，申破後追數係合法的。頒令後就犯法。但可笑係，你唔還得錢，一還就犯例，要還都要俾破署由破署代為分發（一還就所有債主有份）。所以你只可以通知對方，律師話唔還得，一還你都唔掂，叫佢搵你律師。

x_oking · 發表於 15-2-2016 21:50:14

其實我都有提過唔可以還，一還就犯例，我有叫佢搵我律師傾，但佢好似唔多理會咁，跟住一論

x_oking · 發表於 15-2-2016 21:51:34

又話打去我公司又乘，都唔知佢想點

flypig · 發表於 15-2-2016 21:52:43

工作黎姐。俾你做收數，都唔會話算吧喇！追幾野，會收皮

ken2542de · 發表於 15-2-2016 21:52:47

依間野好多人問過.
樓主自己爬下文.

x_oking · 發表於 15-2-2016 23:15:08

其實我是係咪可以打電話去放債人公會，投訴佢騷擾我同我屋企人

2hkdpcs · 發表於 16-2-2016 01:47:10

我今日下午都開始收到佢地追數, 我要去到3月8日先頒令, 我都係講左我申破緊有晒no., 果條女就講一大輪騷擾既廢話, 又話還俾佢地唔好比破署知咪得, 我話如果還俾你地, 我破黎做乜, 有得還就唔駛破啦, 乜都要經破署架啦而家, 之後條女又話破署叫你去死你唔好去死, 心諗真係小學雞, 佢又話會打去我公司搵hr叫佢地抄左我, 我心諗你都白痴, 況且我公司得一個電話多數都係我聽, 同埋我上司都知我申破緊, 佢仲話會搵人上門同我玩大去喎, 我咪話你咁即係恐嚇, 佢仲好得戚咁話罷明架啦, 之後就cut我線, 最衰公司錄唔到佢音, 再之後佢就瘋狂打左幾十次公司電話同我手提, 只係第一次打我手提佢有講野, 我就問你代表邊間公司追數, 佢又係好得戚咁狂講你估下, 好彩我公司電話有靜音咋, 我諗真係要去放債人公會投訴下都好。

x_oking · 發表於 16-2-2016 03:05:20

其實係咪可以打電話去持牌債權人公會，投訴佢係我申破期間仍然追我還錢及騷擾我同家人，跟手再去差館備案呢？

Fai315 · 發表於 16-2-2016 05:25:11

全部我都試過,冇用.,呢個女瘋狗黎

Sun · 發表於 16-2-2016 09:51:32

我都試過你的情況，日本通又唔肯比傳真號碼我律師，又話收唔到資料，最後我自己用 WhatsApp 通知日本通，並註明自己名字，借錢賬戶號碼，法庭破產案件編號，

Sun · 發表於 16-2-2016 09:52:50

跟住她就沒有再打電話騷擾我同我屋企人啦，你不妨試一試！

x_oking · 發表於 16-2-2016 10:30:31

請問樓上師兄有無日本通個whatsapp號碼

Sun · 發表於 22-2-2016 12:02:30

楼主，唔好意思，呢几日无上网，你应该都有，如迟交费佢会叫你入钱後whatsapp 比佢睇，whatsapp號碼91803577

henry220 · 發表於 9-3-2016 17:44:31

我已經頒咗破產令，但佢都仲追，仲打去屋企人到，可以點做?

		自動登錄	找回密碼
密碼			註冊