好灰

Mygod

明天去找律師攪破產，一直在網上扒文，看有甚麼問題，到時可請教律師。但越看越心驚同心灰!


在yahoo見到
1） "請問一下, 在破產前銀行透支會問有問題嗎?我即將要見主任, 是否要解釋? 如何解釋較好?

答：當然有問題！基本上你臨近破產仍然透支導致債務更形惡化，則已符合欺詐的指控，可被刑事檢控！
但由於問題中重要入監獄無提及負債總額，最近透支的數目，故暫時未能判斷情況如何！但被破產管理署追問和要求解釋便是必然的了！

不過要成功令署方接納解釋恐怕並不容易，因如上所言，不論原因為何！祇要在明知無能力償還的情況下，仍然不顧後果地去借貸加重務，即已觸犯法例！故不論如何分辯，始終脫不了關係！ "

唯一可辯之處是在作出透支之時，債務仍未惡化致要破產，祇是後來因其他原因（如突然失業、患病、受傷等）才導致再無還款的能力，最終更要考慮破產！否則如直言在透支時已資不抵債無力償付，則被控欺詐的機會不少！當然也要提交財務資料去確證所言非虛，才會得到署方信納！



2)” 還有,我現時欠了大約十七萬卡數,當中有幾條卡數只有個多月時間,請問應該拖到何時才去搞破產比較好呢?是否在銀行或財務公司派人上門追數前便已經申請破產是最好的?

答：理論上仍在使用信用卡中，最好不要立即申請破產，否則有機會被銀行控以欺詐的罪名！因你明知自己債台高築，經已無還款的能力！但仍不節制地使用信貸工具，便符合欺詐的控罪！

最少也要如期還款半年以上，這半年間要即時停止再使用所有信貸工具，則理應可減輕獲罪的機會！

至於何時為佳並無一定，按理當然是未有收數滋擾前便申請破產為好！但一般人都是被債權人追至拖無可拖，才立下決心去申請破產！

故如在未有任何收數行動前便自行申請破產，會予人早有預謀藉破產逃避償債責任的感覺，就算破產管理署也可能有這個錯覺，到時對你申請破產或許帶來負面影響！請小心考慮清楚！ 最重要想問的是如果我突然之間失業無力再還款,之後故意去以信用卡現金透支來申請破產的話,被銀行或財務公司告我欺詐入罪的機會高嗎?

答：千萬不可！你明知失業無能力償債的情況下，依然選擇透支信用額！絕對符合欺詐的指控，相信你的破產呈請剛遞上破產管理署，這邊廂銀行便告你欺詐了！

最心灰是隨時破不到產浪費了借錢給我攪破產的親友金錢 同入獄

keing81

即係點??

Mygod

1)食得咸魚抵得渴，如坐監都冇法!
2)最怕是不批准破產，浪費了親戚幫忙籌的破產費用，坐完出來都一路比人追數

flypig

1 破產前透支視乎銀碼與時間。我破前一月內透支10k 去大海博殺。本版有人破前1-2月透支6位數。全部無事。
2 大把版友破前幾日仲用緊
3 look 卡老破大有人在。近10年我未見過因此有人被告。

flypig

結論，小心當然好，但太超過則與現實脫節。
Yahoo knowledge 的確提供好多有用意見。唯所述的破前透支，未符實戰經驗。麻煩你search 下，老破被告只有三，一為詐騙填不實資料，一為資產轉移，一為經營業務者因賭破產。因透支老破者眾，且透支日期與申破期近，被告則未有見。

flypig

你要想一想係，為170k老破是否值得。
同埋，律師未必接（如果透支銀碼大而距申破期近）你要自己搞。仲有，你呢一年透支，要想好合理解釋。唔好俾人懷疑資產轉移。

Mygod

1)欠咭數成七十個!!
2)晸近三個月現金透支大約三萬以下
3)在澳門呢年幾碌咭輸的！

flypig

基本上問題不大。print 好bank statements,搵齊資料證明你有病，係病態賭徒。只要你唔係老細就ok.可請教版友 alex2233,佢係過來人。

cc4321

我破產前兩個月借左依哦成十萬低息,一個月都無還就申破,解破至今一年,無事

alan1alan

cc4321 發表於 20-1-2016 08:04
我破產前兩個月借左依哦成十萬低息,一個月都無還就申破,解破至今一年,無事  ...

咁師兄有冇解釋D錢去左邊

cc4321

alan1alan 發表於 20-1-2016 09:38
咁師兄有冇解釋D錢去左邊

無做過任何解釋,可能因為係依哦低息貸款還比依哦信用咭,只係左手過右手無現金到手

Mygod

1)銀行資料我都唔齊，到時要先再想了!因匪x以年度計，一年前，二年內資料要$750,二年前三年內要1000
2）大約22個月前辭職，拿了畢長期服務金，當時，用來找清所有信用咭同埋還返俾親戚30萬。會否當我資產轉移!

flypig

Mygod 發表於 20-1-2016 10:42
1)銀行資料我都唔齊，到時要先再想了!因匪x以年度計，一年前，二年內資料要$750,二年前三年內要1000
2）大 ...

拎左D 公積金,只要解釋到流向就可以.用黎 數COME 數無問題.有紀錄.

hohochi

Mygod 發表於 20-1-2016 10:42
1)銀行資料我都唔齊，到時要先再想了!因匪x以年度計，一年前，二年內資料要$750,二年前三年內要1000
2）大 ...

係還清晒D債清左零，之後再欠呢70個?係清晒,有晒流向就問題唔大

Mygod

銀行度有記錄，但個親戚度係前個十幾年每一，二個月借三，四千咁積落，都無紀錄。照計都唔止三十萬，只是佢話我無嘢做了，又清咭數，留返Ｄ錢傍身!今次破產費，都係問佢借!!

Mygod

是，當時所有銀行數全數還清，而家欠的，是後期呢年幾翰了的

hohochi

Mygod 發表於 19-1-2016 19:01
1)欠咭數成七十個!!
2)晸近三個月現金透支大約三萬以下
3)在澳門呢年幾碌咭輸的！ ...

唔知貼唔貼得，係破署官網搵唔到有公開連結 係GOOGLE用關鍵字就搵到
GOOGLE 搜尋> 破產條例 第130條 > [PDF]檢控的統計數字- 曆年 - 破產管理署



賭博被告
第133條 - 破產人曾從事一個行業並在破產令頒布日期倘未清償債項, 干犯賭博或進行輕率而冒險投機活動的錯誤，2015年發出傳票1張 定罪1宗 罰款2000

2015年列表最多人被告係
第1位係第43A條 - 破產人沒有呈交每年度收入及取得的財產說明書
第2位係第134條 - 破產人沒有備存／保留妥善的帳目 (做生意唔齊帳簿果類)
第3位係第129條 - 破產罪行包括沒有交出財產; 沒有交出帳簿; 在資產負債狀況說明書中有所遺漏或作出錯誤陳述等

admin

同意各會員的回覆。

如果樓主要絕對安全，咁你應該係借貨後7 (?) 年先可以申破。因為破署可以查7年紀錄。你慢慢等。

我記得有會員話過，佢律師叫佢3個月內唔可以用有50蚊以上的交易天！

真係安全到呢！

-----------------------------------

我估而家太多人申請老破，D律C已經去到揀客的地步。唔99%安全都費時搞。

Mygod

Admin，我唔係要絕對安全，即如之前我話，食得咸魚抵得渴，要坐監都冇法
只是烦了個親戚咁多年，怕又連累到佢!

keing81

Mygod 發表於 20-1-2016 11:42
Admin，我唔係要絕對安全，即如之前我話，食得咸魚抵得渴，要坐監都冇法
只是烦了個親戚咁多年，怕又連累到 ...

6c 只會跟住法例同你傾, 因為教唆一步距地可能連牌都無埋~~直接講句我呢刻有錢都洗去搞破產啦, 就係呢刻無錢先要破, 咁錢係邊到黎丫~一係問人借一係就問銀行架啦~~所以只要你能解釋到d錢去到邊到就無問題了~~
我申破時都係draw信用卡黎申請~~