一間有限公司仔的其中一個股東仔

truth

破左產, 破產署是否代替我作為股東, 佢會否要求(好似鏞記咁)其他股東將我嘅股份變現, 或要將公司仔清盤?

flypig

會要求變賣股份！！
你破前應resign...不會要求清盤。如果我買左400股hsbc,唔通我老破，破署可要求hsbc清盤？？最多咪叫你賣股份

truth

flypig 發表於 4-1-2016 19:05
會要求變賣股份！！
你破前應resign...不會要求清盤。如果我買左400股hsbc,唔通我老破，破署可要求hsbc清盤 ...

我唔係董事, 只係股東仔, 不牽涉resign。
只是一間私人小公司, 現時亦只有好少量資產及收入

如果無人肯買我嘅股份, 咁會點?

flypig

股權會轉移去破署。你破前賣哂股份，就唔駛煩。

alan1alan

其實股權去晒破署都唔使自己煩架

truth

flypig 發表於 5-1-2016 12:07
股權會轉移去破署。你破前賣哂股份，就唔駛煩。

我知我嘅股權會轉俾佢, 問題係佢跟住會(或可以)點做?

我嘅理解係, 有限公司是由董事決定及運作所有事項, 佢做左股東仔, 其實影響唔倒間公司嘅資產及收入。

就算佢係大股東, 都要召開特別會議後, 先可以更換董事揸fit。

咁佢作為股東仔, 係咪只能
1) 變賣股權;
2) 賣唔出, 就繼續做股東仔;
3) 如果每年公司都唔派息, 佢只能白白揸住股權4年。
4) 4年後轉番股權俾我?

truth

alan1alan 發表於 5-1-2016 12:11
其實股權去晒破署都唔使自己煩架

如果揸住上市公司股票就唔使煩。

不過因為間公司其他股東同我嘅關係, 我有責任同義務提供多一D資料俾佢地。

flypig

truth 發表於 5-1-2016 12:25
我知我嘅股權會轉俾佢, 問題係佢跟住會(或可以)點做?

我嘅理解係, 有限公司是由董事決定及運作所有事項, ...

4年後俾番你？？no way.你呢條橋唔work.

hohochi

truth 發表於 5-1-2016 12:25
我知我嘅股權會轉俾佢, 問題係佢跟住會(或可以)點做?

我嘅理解係, 有限公司是由董事決定及運作所有事項, ...

落左破署手就已經係破署資產唔再屬於你架啦 破署係唔會退番俾你架

flypig

hohochi 發表於 7-1-2016 09:52
落左破署手就已經係破署資產唔再屬於你架啦 破署係唔會退番俾你架

樓主對4年破產生涯與大家想法唔同,如果樓主想法係事實,以下統統成真:
1 有樓者,破署托管4年,解破後轉番層樓俾破產人士
2 有珠寶者,解破後還番珠寶
3 有現金者,,破署托管4年,解破後還番現金

我諗,你將以上破署 當做 有心有錢有時間的親朋.

hohochi

flypig 發表於 7-1-2016 10:07
樓主對4年破產生涯與大家想法唔同,如果樓主想法係事實,以下統統成真:
1 有樓者,破署托管4年,解破後轉番層 ...

當左破署係保險箱

truth

flypig 同 hohochi, 我唔係咁嘅意思。 呢條唔係乜野橋! 我已經預左乜都冇, 只係簡單的問題。

我都話我知佢會替代我作為股東, 會接管我的所有資產。 大部份的資產, 都容易套現, 就算唔得都可以攞去拍賣。

但如遇著一d唔容易套現的資產, 好似我呢d小型私人公司嘅小股份 (就算清盤, 都可能只係分到幾千元), 破管處會點處理? 有冇人知?

我無諗過有野可以攞得番, 只不過呢部份股權, 命運如何, 我都想話番俾其他股東知。

四年後的問題, 只是假設破管處套現唔倒d股份的情況下, 而產生的問題。(呢一刻我諗通左, 呢d股份4年後佢都唔會俾番我, 但佢會點做?
無理由長年做股東?!)

admin

truth 發表於 8-1-2016 11:21
flypig 同 hohochi, 我唔係咁嘅意思。 呢條唔係乜野橋! 我已經預左乜都冇, 只係簡單的問題。

我都話我知佢 ...

我唔知會點做，不過照跟佢地一般的做法，我估：

1. 發信通知其他人，叫佢地買
2. 唔買的話，就由得佢擺係度，等了又等
3. 等到一輪，又問下
4. 其他股東想開會，唔駛啦
5. 要簽名，米玩啦
6. 於是間公司就基本上運作唔到，因為年尾找會計，佢都唔會比錢
7. 我唔知貴公司要唔要佢簽名做年結，要的話，即是貴公司永遠做唔到年結
8. 但係破署得閒就會問下運作情形，要貴公司每到一個時候就要做收入開支報告
9. 簡單講，叫其他人早D買番股份，一係 closed 左佢，因為基本上公司基本運作會非常困難

flypig

truth 發表於 8-1-2016 11:21
flypig 同 hohochi, 我唔係咁嘅意思。 呢條唔係乜野橋! 我已經預左乜都冇, 只係簡單的問題。

我都話我知佢 ...

其實點解唔破產前賣左佢????
假如係 只值幾K,叫原有股東 買左佢就算數.

簡單D講,你難保破署唔 另外搵人買.
假如市值10K, 難保破署無門路有一批公司專低價買入,SAY 2K.

flypig

破前,如果我係你, 簡簡單單賣左股份,  原價 10K,如果無人要,賣1K 都無法架.
咁個1K 就洗左佢又好,食左佢又好,都無問題.

破署一係做股東, 邊做就邊度橋轉手賣俾人...佢地都無法.大家按本子辦事姐.
你呢D 細野.但佢地做開D 大野都係咁.唔止HOLD 4年,HOLD 10年+都有.例子係
正達證劵,執左差唔多10年先清哂D 數...最後D 債主,都收番大部份(聽聞無點蝕)

其實呢D 野破署一路做開,佢HOLD 住股份,就HOLD 住幾年 LOL.
如果有專人負責,得閒望下有無人要LOL. 無就繼續 HOLD LOL.

hohochi

flypig 發表於 8-1-2016 11:50
破前,如果我係你, 簡簡單單賣左股份,  原價 10K,如果無人要,賣1K 都無法架.
咁個1K 就洗左佢又好,食左佢又 ...

其實同物業業權果類差唔多 一HOLD十幾廿年都唔小

flypig

hohochi 發表於 8-1-2016 20:42
其實同物業業權果類差唔多 一HOLD十幾廿年都唔小

佳寧，陳松青個間，破署hold 左廿年有多。最後債仔好易有息收添。因為，香港地價升太勁了！！

hohochi

flypig 發表於 8-1-2016 21:17
佳寧，陳松青個間，破署hold 左廿年有多。最後債仔好易有息收添。因為，香港地價升太勁了！！ ...

廿年前後樓價差好遠

truth

Admin, flypig & hohochi, 咁多位, 多謝你地嘅意見! (感谢大家的回复，回复对楼主是莫大的鼓舞。)

咁我明啦, 破處應該係會hold。

但同物業, 佳寧嗰d有唔同, 嗰d多數係全資擁有, 或係大股東!

我呢個情況係細股東, 而且好濕碎。

破之前我唔敢點郁d資產, 怕佢話我轉移資產, 唔俾我破; 而且唔係多, 有乜問題又可能連累其他股東有法律責任 (而家起碼佢地無任何法律責任!)。
加上嗰陣時個心7上8落!

其實攞左我嘅股權, 都應該影響唔到公司嘅運作, 搵人買左都無用, 因為係好少, 無話事權; 加上我唔係公司董事。

錢係由公司嘅營運中俾, 唔使股東俾, 其實好多野都唔會經佢。

可能最好嘅結果係, 破處肯好平賣出股權。

多謝哂大家!

truth

truth 發表於 14-1-2016 14:22
Admin, flypig & hohochi, 咁多位, 多謝你地嘅意見! (感谢大家的回复，回复对楼主是莫大的鼓舞。)

咁我明 ...

問多一樣野。

有冇ching 知, 按破產條例, 破處是由邊一日接管我嘅所有資產, 入呈請 定頒令嗰日?