準備申破工作中

vividada · 發表於 19-9-2015 19:08:45

會搵律C攪，但想做左預算我嘅日常支出

屋企得我同阿妹做嘢，父冇做嘢，我想問父已70+，冇做嘢，如果我俾$2,000家用會否太多？

而想問家庭膳食費同我自己嘅膳食費係咪唔可以同報？即只可以計一樣

我真係每個月都去睇醫生(本身長期病患+身體真係好差)，而會有單據，係咪唔使填，到時每年交番啲單據俾佢，定可以預左$400當醫療費？

我爬文見到衣服費用，佢係咪要睇工種先可以填？其實我都要代表公司外出，係咪照填到時先算

我個人其實比較論盡，如果冇唸好晒去做一件事會喺人地面前唸好耐，我知我去攪呢啲人地已經白眼，所以唔想去到咁面懵，希望各位大大指教~

ken2542de · 發表於 19-9-2015 19:37:01

睇你文你預備D生活費都差吾多,
搵6c搞佢會同你整理下生活費用,吾使擔心
長期病患你最好叫醫生寫証明.只用睇醫生單據未必批比你
最後破產吾係犯法,吾好有負面情緒

vividada · 發表於 19-9-2015 19:45:03

我一直睇醫精神科，喺政府，仲覆診中……拎覆診文件ok嗎？

ken2542de · 發表於 19-9-2015 19:50:27

vividada 發表於 19-9-2015 19:45
我一直睇醫精神科，喺政府，仲覆診中……拎覆診文件ok嗎？

有覆診文件ok..

vividada · 發表於 19-9-2015 19:50:30

我知自己唔應該有負面情緒，但以前有人俾經濟支持係差好遠，但我好努力想還，有唸過做多份工，但呢大半年身體差好多，去左醫院幾次話我太緊張，生活逼人下唯有唸呢一步，因為以前經濟援助係ex，分手唔想同佢再糾纏，點知身體差到做唔到嘢，我真係支持唔住，冇自尋短見我已經覺得自己硬淨，好希望攪到後可以冇咁大壓力

ken2542de · 發表於 19-9-2015 19:59:02

vividada 發表於 19-9-2015 19:50
我知自己唔應該有負面情緒，但以前有人俾經濟支持係差好遠，但我好努力想還，有唸過做多份工，但呢大半年身 ...

放鬆D啦!!凡事總有解決辨法

flypig · 發表於 19-9-2015 20:20:16

如果你需要每事問，呢個科林會盡幫。如果你需要更貼身的服務，其實可以考慮搵社工，或者自願團體個d如明x.老實講，呢度多麻甩仔，想法多數係搵出方案就收皮了。但其實好多女士有另外需要，就係搵人傾訴。呢方面唔係男性專長。總係差少少。

flypig · 發表於 19-9-2015 20:23:13

講番生活費，我建議係，你先搵律師先，等佢寫完，你再上黎傾。如果律師係專做老破，照計佢好有經驗。呢方面你先交托俾佢，唔好擔心，直到佢寫完，你再諗一諗。

vividada · 發表於 19-9-2015 20:31:47

咁我又唔係搵人傾偈，只係個人內向，俾人惡少少講嘢都怕想問係咪佢入左紙嗰期都要還，定入左已可以唔還，其實真係冇閒錢……

vividada · 發表於 19-9-2015 20:33:12

公司嗰邊我比較擔心，上次入左院而交唔到錢已打到去公司……

ken2542de · 發表於 19-9-2015 20:38:22

入左紙有冧把就吾應還
破產程序已展開,吾可以還錢

vividada · 發表於 19-9-2015 20:45:00

ken2542de 發表於 19-9-2015 20:38
入左紙有冧把就吾應還
破產程序已展開,吾可以還錢

即我盡快齊料俾佢就可以？心理壓力又少啲了……

因佢10月追收期我要外出工作，佢地有時打我手提我聽唔切就打公司

E王 & 邦x都係咁

我下星期五去交，希望趕得切，因下星期初工作排滿，如果唔係想快啲添……

ken2542de · 發表於 19-9-2015 20:50:10

末有冧把就拖往先,出左冧把就同佢講已申破

scs79779 · 發表於 19-9-2015 20:56:31

辦法總比困難多，哩度好多師兄都好好，好肯比意見，同講自己經驗。撐住，加油

vividada · 發表於 19-9-2015 21:34:53

謝謝各位~我會撐住~只怪自己身體唔爭氣，希望呢幾年可以養好身體，可以重生，因為好細個已開始睇精神科，所以買唔到保險，呢年病到山窮水盡，多謝您地支持同教路，喺呢度睇到大家都逼不得已先咁，我唔孤獨

重新戰士 · 發表於 19-9-2015 21:40:03

呢到有人入學，有人已經畢業！
亦有唔係人可以重過新身活。
當日我都收埋自己，冇野做又一身數！
最後有一個朋友借左D錢俾我，我咪又可以重新黎過！現在工作好，環境好，只係感情唔多好！ ^.^
如果你唔介意有問題可以問下你都D師兄(不過記得小心，唔好亂俾電話人。小心有中介係到搵食

vividada · 發表於 19-9-2015 21:53:57

重新戰士發表於 19-9-2015 21:40
呢到有人入學，有人已經畢業！
亦有唔係人可以重過新身活。
當日我都收埋自己，冇野做又一身數！

明白~我一定唔會亂俾電話人~

其實我睇左呢度幾個月，只係等夠錢先攪，因為要我自己攪會好論盡，所以預左俾律c做，亦睇到中介嘅衰嘢，因為我見而家巿道差，好擔心身體再差啲要停落黎就大鑊，我怕到時連freelance都搵唔到，所以其實叫有準備，同事們其實見住我病到死都頂番工就係為呢筆錢去攪申破，希望我可以上一次6c度就ok，我面皮真係好薄……

之前打電話問，個職員態度當然唔好，嚇怕左

scs79779 · 發表於 19-9-2015 23:00:00

vividada 發表於 19-9-2015 21:53
明白~我一定唔會亂俾電話人~

其實我睇左呢度幾個月，只係等夠錢先攪，因為要我自己攪會好論盡，所以預左 ...

我面皮都好薄，亦都係上得黎多先知多d破產既野。學師兄話：破產唔係犯法，只係一個政府比我地重新既機會。無人一出世就想行哩條路，每人都有自己既故事，難得無奈中能看到一線曙光。唔好帶住自責,羞愧的心，大踏步括出去，兵來將擋，煮到埋黎就食，好快就畢業。雨過天晴

fe_charlene · 發表於 20-9-2015 00:11:54

flypig 發表於 19-9-2015 20:20
如果你需要每事問，呢個科林會盡幫。如果你需要更貼身的服務，其實可以考慮搵社工，或者自願團體個d如明x. ...

傾訴是禾強項...

fe_charlene · 發表於 20-9-2015 00:13:43

vividada 發表於 19-9-2015 21:34
謝謝各位~我會撐住~只怪自己身體唔爭氣，希望呢幾年可以養好身體，可以重生，因為好細個已開始睇精神科，所 ...

我都睇過精神科...放鬆下個人

		自動登錄	找回密碼
密碼			註冊