咁我又破唔破好？

blueskytori@gm.

我自己本身有近1年半失業，之前的咭數我還了一半，仲欠17，8萬，點知我又俾人氹到我上個月去現金透支了20萬，佢話會還返22萬俾我，我信佢平時又揸benz又食好住好，點知佢人間蒸發，我現在好驚俾人上門追數，因為個住址係家人地址。驚會嚇親佢地。
因為我有想過去破產，我打去d「特快破產」去問，我如果要破產，要點。咁佢話包4年，但我要去上庭。仲有我問我呢上個月自現金透支了20萬，咁我破唔破到，佢話一定破到。最多俾人罰2000蚊。
其實，我都唔知點好。我又找工找成年都無長工，又做過保險，傳銷，我出多過入。
我好想重頭來過，呢年好辛苦，每日都要找錢還咭錢，現在又多廿個。
我頭先有睇forum其他的post，佢話咁近期的個官會唔信。咁點好呀？

Heihei

最多比人罸2000，咁佢都講得出??? 咁又係佢又唔係律師講咩都可以唔洗負責任，包你四年....呢樣都唔洗講啦。

樓主，個官信唔信你就真係得個官先知，6C同我地都無人答到你。但你去報警就起碼個官有機會信你，你一定有BENZ人既名、地址、車牌....等等(如果你連呢3樣野都唔知就借22萬比佢....你就真係.....), 備左案先點都對你有好處。

呢到好多人都係破完就重生，如果成功申破就正正經經搵反份工啦。

MITKAN

破產，搵律師搞，15K包哂所有費用，律師會幫你出埋庭。
去搞個時先問律師你最近個廿萬點同個官交代，
千萬不要光顧 會計事務所 破產顧問 債務顧問等，
下次唔好再咁易信人，祝一切安好

blueskytori@gm.

我最驚係個官唔信我，到時都唔知會點

301

破啦, 破喇.

破聯已經變成破唔破仲裁所.

blueskytori@gm.

我只係想知多d, 因為剛打去3姓律師，佢話好可能個官唔信，就會告我欺騙…

hohochi

可唔可以咁,將個20萬填埋落28A LIST A各項資產(e)欠你的金錢等破署去追佢。

flypig

1 特快破產，微形破除，隱形破產都係呃人的。
佢就係騙子+黑財
2 你要證明d錢真係借俾人。點證明？係申破文件度寫埋。係有手尾跟，俾人盤。律師未必肯接。
3 你錢又無得還，遲早要面對現實。

hohochi

flypig 發表於 23-4-2015 11:44
1 特快破產，微形破除，隱形破產都係呃人的。
佢就係騙子+黑財
2 你要證明d錢真係借俾人。點證明？係申破文 ...

無借據果類又係麻煩D架

flypig

銀行過數可證明。再唔係先去警局報案債仔失聯。記低
報案時間，pc 號碼，當然好大機會俾警察耍走。但日後
上庭見法官，就可聲大大曾報警但不受理。到時當堂宣誓，好大機會俾破。告欺詐機會不大。

flypig

有兩案例，一係本版在網上撞到女騙子（但可能係男騙子）事主當時極之騰雞，但後來照俾破。又係look 一筆錢俾人咁上下。不過人地無look 到廿個。。。。而且有 自己戶口提取一大筆錢。
二係有人聲稱借錢俾同事個仔。法官唔俾破，除非佢真係追唔到同事筆數。我遲d補番成個case 俾樓主參考

admin

flypig 發表於 23-4-2015 11:44
1 特快破產，微形破除，隱形破產都係呃人的。
佢就係騙子+黑財
2 你要證明d錢真係借俾人。點證明？係申破文 ...

破聯溫總搞個個自由破產就唔同。4年包唔駛上繳。一年自動解除。無 TU 紀錄！有意請聯絡 A 仔。

blueskytori@gm.

但係我而家又找唔到佢，咁我去報警會唔會唔受，case file都唔開?

blueskytori@gm.

唔係過數，係我直接㩒俾佢… 佢俾人夾住咗，我又未預過，好驚咁佢話㩒俾佢之後還多2萬俾我

flypig

blueskytori@gm. 發表於 23-4-2015 21:23
但係我而家又找唔到佢，咁我去報警會唔會唔受，case file都唔開?

Case file 預左唔開，但呢個係一個已盡力搵債仔的姿勢

flypig

blueskytori@gm. 發表於 23-4-2015 21:48
唔係過數，係我直接㩒俾佢… 佢俾人夾住咗，我又未預過，好驚咁佢話㩒俾佢之後還多2萬俾我 ...

咁幾麻煩！因為你成個case 唔得convincing.
要睇個法官信唔信！！！

flypig

個案法官唔批.佢要事主證明 他已多番及用盡方法向同事追債而確實無望追回，才可再次申請...
當然,每個法官做法唔同.....

http://www.ylh.org.hk/site/zss/h ... aid=130563020554214
(1) 個案一: 欠債人因借錢給一位有問題賭博的同事而申請破產。

當事人欠五間銀行及財務公司共約20多萬元而申請破產，原因是去年他的一位共事五年的同事之兒子(也是他的同事，不足一年) 因在澳門賭博欠大耳窿錢被押品香港，急需金錢解決，而向當事人求助，當事人沒有多少儲蓄，後來向不同的銀行及財務公司代同事舉債，同事答應每月直接代案主供款。 事後，同事父子雙繼離職，亦沒有再作每月供款(案主多次追回欠債不果) ，案主負擔不起債務及生活費而申請破產。

法官表示對此事無法理解，為何案主會為此同事舉債，亦無法相信此同事兒子可以在澳門輸掉20多萬而欠大耳窿錢。

法官判決此宗破產申請失敗，除非案主能有足夠証據証明他已多番及用盡方法向同事追債而確實無望追回，才可再次申請(我們暫且不懷疑此案主陳述的真實性)。

作為一個問題賭博導員，我真想告訴法官這是我們每天都可能踫到的事情，須然在人世間可說是匪疑所思，但在問題賭博個案中卻是十分普遍。 比如，一天之內在澳門輸掉幾十萬是常有發生的事，我甚至有求助者一次去澳門(二日一夜) 輸掉近200萬，一次輸掉幾十萬也大有人在。

對於親人或朋友中間的賭債救急借款也是司空見慣的事，最誇張的一個個案，家人前後把兩個物業賣掉(約共700萬) 為賭徒還債。

我衷心明白法官會覺得以上都是匪疑所思的事情，但這是受問題賭博困擾者的真實。

yoyo0317

唔好破住,個官好大機會唔信