今日岩岩去簽左紙去破好多問題..請求各師兄解答!!謝

ken157 · 發表於 11-3-2015 00:37:28

本帖最後由 ken157 於 11-3-2015 00:46 編輯

話說我今日去會計師樓攪..佢地話一條龍  全包哂你..但我要去財仔借一筆錢去攪先(我破產錢都冇)
其中佢地仲話可以做靚條數你可以每個月都唔洗還  請問這是可行的嗎????
其實最主要我唔想比屋企人知...睇返師兄們d舊post  話有空窗期佢地依然會追
但我想問我欠的是星x 恆x 大x 3間公司錢我期期準時還..未試過唔交同遲...但我今期扣數係15號...會唔會扣唔到數即刻追我呢?
我問過負責我既人..佢話  呢d係大行所以只要一入紙  就唔會去追
同埋過程大既幾耐  我睇返師兄們d舊post 話要2~3個月  但間野話5~7日到就ok 姐係點?我欠數大既25萬

MITKAN · 發表於 11-3-2015 02:10:43

ken157 發表於 11-3-2015 00:56
其實我搵顧問搞我想知有咩壞處?

搵顧問搞一D好處都冇！
顧問本身冇專業資格，收費和質素差參不齊，有別於專業會計師和律師！
另外要分清楚一點，會計事務所與會計師事務所是全完兩回事，
前者沒有擁有專業執照的會計師，後者則有並可在會計師公會中找到其註冊資格。
所以小心有人魚目混珠！
另外破產自己搞要1萬樓下，搵律師搞1萬5樓下，坊間多數自己／搵律師搞，
因為律師會幫你整理資料和上庭，會計師則只會幫你整理資料。
律師和會計師是不會叫你去借財仔錢的！沒有錢搞可以問家人／朋友／銀行／一線財務借，
顧問會先收你高昂顧問費，然後再推介你向相熟既2線財務借錢，然後收取高昂利息，
並不保證你成功破產，好多顧問都會話不成功不收費誘使你簽約，但結果顧問費同借左既錢同利息就一定要你比，你唔比就叫收數公司搞你，搞你家人，搞你公司，搞到你冇日子好過！
就算最後你成功破左產，明知你破左追你數係犯法，都照追你數，
你向破署投訴，佢會叫你去報警！你報警，警察會叫你自己同佢地拆掂佢，但拆得掂洗鬼一開始投訴咩？！
最後一句，顧問99.9％係黑店，唔好耳仔軟簽約，踏踏實實自己／揾律師搞破產，
要借錢搞破產就自己去借，唔好假手於人，否則最後只會變水魚！

skype · 發表於 11-3-2015 00:51:56

睇你轉述應該係去揾顧問搞。
又應該去借2，3線財仔

保重啦。

kumiko1030 · 發表於 11-3-2015 00:53:52

你交齊文件的，如果係中環firm搞，今朝入紙，晏晝就可以有no.了，好快就可以了，仲要全部係大行仲易話事啦！

ken157 · 發表於 11-3-2015 00:54:04

姐係點=.=? 但佢話我都係9期內還哂佢d錢就ok 計落都好過我我每個月還8~9千
師兄請解釋><求教

ken157 · 發表於 11-3-2015 00:55:28

我果3間算唔算大行先?..

ken157 · 發表於 11-3-2015 00:56:23

其實我搵顧問搞我想知有咩壞處?

hohochi · 發表於 11-3-2015 01:56:56

顧問小心昆你，你果三間絕對係一線大行。9期內還哂?破左又點會可以私下還款呢?果D2，3線財仔，你破左都照追你，果D係社團黎

kumiko1030 · 發表於 11-3-2015 02:25:38

ken157 發表於 11-3-2015 00:55
我果3間算唔算大行先?..

yes of course. licensed bank

kumiko1030 · 發表於 11-3-2015 02:27:31

ken157 發表於 11-3-2015 00:56
其實我搵顧問搞我想知有咩壞處?

顧問唔會有任何法律責任，佢地收費仲貴過律師。律師收你13000全包，顧問收你4-5萬，自己諗

kumiko1030 · 發表於 11-3-2015 02:29:41

MITKAN 發表於 11-3-2015 02:10
搵顧問搞一D好處都冇！
顧問本身冇專業資格，收費和質素差參不齊，有別於專業會計師和律師！
另外要分清 ...

我嗰次上過去一間所謂的顧問公司，好在到最後我都未傻得晒，我一聽到佢話收我5000查數又話得唔得都要俾，我即刻冇簽閃走咗，過多半年我就由媽咪好唔願意的情況下俾咗錢我去律師樓搞

cc4321 · 發表於 11-3-2015 08:13:02

佢都傻傻地,叫你借財仔錢去老破,咁財仔都會變成債權人,每個月還幾多比佢唔到你話事,呢D顧問公司為左做生意真係可以不擇手段,小心上當,我一向都係讚成用律師搞比顧問公司搞好,始終佢地都係專業,比左資料同錢律師就乜都同你搞哂唔洗麻,當然首要條件係有萬幾蚊先

唔比屋企人知,老破得就唔好有咁多顧慮,左諗右諗時間拖長左咪一樣會比屋企人知

ken157 · 發表於 11-3-2015 09:24:50

本帖最後由 ken157 於 11-3-2015 10:04 編輯

但其實我半年內還足都冇問題啦因為佢話會做靚條數

flypig · 發表於 11-3-2015 10:50:17

簽左就算喇。
咩叫做靚盤數？你係上市公司就話做靚盤數姐，打單泡，一條友，盤數一眼睇哂。你當破署無會計？？

flypig · 發表於 11-3-2015 10:53:13

簡單講，呢d做靚盤數，同美害，減肥廣告差唔多。
其實你搵律師，自己搞破產，或者幫趁顧問，
生活費都相差唔遠。

cc4321 · 發表於 11-3-2015 11:26:46

ken157 發表於 11-3-2015 09:24
但其實我半年內還足都冇問題啦因為佢話會做靚條數

條數佢做幾靚都無用,到左出破產令生活費最終有幾多都係由主任或者外判批比你,唔好諗住破左就唔洗還錢

lulumason · 發表於 11-3-2015 12:37:41

Ken157兄

衣個世畀邊有咁 jetso 呀 9個月攪掂Ｄ財數你唸下如破署要你還＄咁你衣9個月未財數加還＄仲有呀你冇講你的收入同生活支出點比多Ｄ意見你呀條路你揀的小心Ｄ啦 6C 專業好多又可代你出庭又專業分析你需要還＄與否總之你自己小心選擇啦

tamura63 · 發表於 12-3-2015 06:02:50

MITKAN 發表於 11-3-2015 02:10
搵顧問搞一D好處都冇！
顧問本身冇專業資格，收費和質素差參不齊，有別於專業會計師和律師！
另外要分清 ...

問銀行同財仔借借完即破咪會俾人告囉?

flypig · 發表於 12-3-2015 10:35:05

其實顧問都有分正經同黑顧.
介紹得財仔,極可能佢就係財仔

或者有股份.一定係黑顧.
呢d 財仔唔會理:
1 你係唔係真係每個月都唔洗還

2 係唔係合法 ,即就算你破左, 佢可能搵黑社會追你數.

佢地目的就係收錢.至於之前顧問所講的一切,其實全部都可以唔兌現的.到時你吹得漲咩???

fe_charlene · 發表於 12-3-2015 20:41:13

呢的公司呃人多

		自動登錄	找回密碼
密碼			註冊

今日岩岩去簽左紙去破 好多問題..請求各師兄解答!!謝

今日岩岩去簽左紙去破好多問題..請求各師兄解答!!謝