分享用顧問上庭經過

luluchow

驚了一個月，終於上庭了

想分享下用顧問上庭嘅經過

約了顧問 9:30係高座大堂等，當佢到達就比份文件我簽名（對破產人的初步訊問），當時仲以為要上庭用，所以未睇得清楚便簽了，個顧問同時要處理5個人客，因此未必能每個人客都照顧一切，最記得就係佢話如果法庭問有無人用顧問就不用出去登記，因為佢地係正式顧問，不是犯法那種，我估佢驚影響公司啫。

去到高院10樓，首先去排隊登記，（拿身份証同說出自己的號碼便可），號碼係個顧問之前已取，然後告訴我，所以我不知如何取號碼的。
10:30開庭，我就有排定隊入，排得後或無排果d就有機會無位坐，但排了30分鐘先有職員讀一批人名，大約三十個人先入去法庭，然後排隊的就開始進入，幸好我有位坐，（因為到時叫自己名字叫“到“時都無咁尷尬)，首先職員問那些人用顧問公司嘅就出去登記，然後就讀了三十個人的名字，那是之前進入的那批人，原來係欠文件，需要下次再上庭，法官叫那批人可以出庭同書記了解，走了三十人，還淨大約60人，咁書記就開始讀號碼同破產人名字，聽到自己嘅名叫“到“便可以，那時我覺得好似學生返學一般，讀完晒法官就問有無人想駁回破產令，如果無就所有人頒令，可以離開，初時以為要逐個出去講“是“添，所以這點覺得有些兒戲，不過都好，比想像中輕鬆。

寫完上庭經過，我真係驚了成個月，現想話比未上庭的人知，原來真係唔使驚架，我都係坐係度答“到“，十分簡單，便可離開！

************
現有一個問題想問師兄師姐，因我2011年拿了強積金，大約90幾萬，用了30幾萬還卡數，其他已消費晒，當時個顧問沒有填有強積金，但上庭當日我問她要否填，佢就答我你鍾意填就填，就即刻幫我填左，不過佢話我有排解釋，而家我又好擔心個主任問我咁多錢去晒邊，又驚佢要求我比晒三年嘅所有statement出嚟，我一直都無keep的，其實我係應該填或吾填強積金那項呢？因為已經用晒，希望師兄師姐們能夠解答！
***********

並祝各位平安夜快樂

flypig

唔填都填左，宜家話之佢，問到先算

cc4321

未經歷過總會有D恐懼感,其實諗真真係無咩好驚,破產又唔係天跌落黎,只要無欺詐成份又唔係刑事,行得破產呢條路就平常心看待,四年真係話咁快就過,我仲有一個月就到期

luluchow

恭喜c兄