今日去咗上環交文件

kumiko1030

我間係永X會計師樓，嚮上環港澳碼頭對面23樓

去到有張sofa佢叫坐等一陣，期間望到張代填年報收費@@" 嘩平過律師好多600蚊一份，四份2000大元！

檢查我份表的係一個姓張的男仔，佢叫我拎份野出嚟俾佢睇，佢望咗陣就叫我跟佢去會議室，我問佢可唔可以幫我拎個書包因為D文件好重，佢都好好人，可能見我係行動不便啦。

我預先將D文件分成好幾份，因為有太多文件，要睇都幾煩所以我分好晒同用咗盲公繩穿起佢，起碼佢問起我都知嚮邊到拎D證明俾佢！我將銀行儲蓄月結單釘埋一份，佢指明一定要俾戶口的資料佢，要半年；另一份就係老強的年結我俾咗呢兩年佢；一份係信用卡月結；仲有一份係我D離職證明、醫生紙、收入證明嗰啲。因為我太特別仲未返到我份PT所以佢當咗我係失業，呢個問題我問咗主任佢都係咁答所以好放心，我報失業都唔係誤報，嚇鬼死！

佢睇咗我D文件，我略略交代返有咩大致內容，佢見我寫張支出表佢都係問咗我一個月要咁多medical係咪個病要，呢個我早有準備，一早叫醫生寫定張藥紙俾我我解釋佢知我長期食隻骨藥一盒要500蚊一個月，我成日骨痛要食止痛藥，隻止痛藥醫院冇都成二百蚊盒，我寫咗1200醫療費係怕有事..............

其餘大致佢都冇咩點問我，可能我有醫生寫的證明書講明我唔行得遠又拎唔到重嘢，到最後過咗一個鐘對好晒全部文件同簽齊名佢俾返個例牌我，佢交代返破產唔可以坐的士但礙於我情況實在太特殊，由於我係跟主任，所以佢叫我同主任講下可唔可以酌情嚮交通費到加返的士錢俾我(有醫生證明我有嗰個骨病同埋寫咗個病會影響到我平時的日常生活情況)所以我寫支出寫到成9XXX佢都冇講咩，我希望去到主任到佢唔會打嚟問我卦=-="

報告完畢！溫馨提示：太多文件的c兄妹可自行整齊分好，到時佢問你野你都可以即時話俾佢知嚮邊到可以有佢要的答案，同埋整理咗的文件睇嗰個都可以開心D，心情好就自然做得精神D，問題都冇咁多啦

kumiko1030

flypig 發表於 18-7-2014 23:39
你話未想到.總之EXPENDITURE 又係咁多....
到下年年報再度橋.
當無新工:

我唔諗住返工住......我好怕又痛過，宜家唔使理頭家冇人等我開飯我先唔捱

flypig

kumiko1030 發表於 17-7-2014 22:36
其實文件交咗上去主任到，佢覺得你支出有問題會唔會再問你？

會!!!不過主任都係打份工....好多野得過且過.....

要破產

師妹寫得好詳盡。

其實d主任都好好人，因為我d買貨單都在電腦，幾百張紙，如果出街印，起碼成仟蚊【彩色】，個主任見我俾隻手指佢，都無問題，慳番成仟蚊。

kumiko1030

今日同主任講了，佢知我情況叫我寫返封信同交埋封醫生信電郵俾佢，有文件留了都用電郵，不用外出寄信了，太好

kumiko1030

釘的方法，我參考返我上次自辯向法庭交文件的方法，就係左上角用釘洞機釘一個洞再用綠色的繩穿起佢！

<====盲公繩，小學成日用，各大文具鋪大售仲唔貴添，英文名叫treasure tag，我見大間小小的日本城都有

kumiko1030

其實我今日都衰口多，我由頭到尾冇報到我個馬會戶口，但佢又問我關於賭博的野，我話我有參與，佢問返我有冇輸到錢，輸咗幾多，我諗咗好耐，佢由揭我銀行月結check我過數，之後我答咗佢一句輸幾多好難講喎，我每個賽馬日成日都有成千蚊嚮投注戶口過返去銀行戶口架喎，但我本金都係唔過600咁即係輸錢多定win我真係好難答你。佢就問我咁你係咪因為賭博問題所以破產，我就話咗我個背景俾佢知，佢叫我剔返冇

呢個問題真係一額汗，答佢又唔係唔答又唔係

笨笨狼

師妹, 感謝分享, 文件交了應該比較放心了吧. 加油囉.

chongxin

有條有理，處理快捷

chongxin

kumiko1030 發表於 15-7-2014 01:43
其實我今日都衰口多，我由頭到尾冇報到我個馬會戶口，但佢又問我關於賭博的野，我話我有參與，佢問返我有冇 ...

你個馬會戶口取消左未?

kumiko1030

chongxin 發表於 15-7-2014 09:14
你個馬會戶口取消左未?

Cancelled

chongxin

kumiko1030 發表於 15-7-2014 16:24
Cancelled

以後買四穿六就唔係好方便羅

chongxin

kumiko1030 發表於 15-7-2014 16:28
今日同主任講了，佢知我情況叫我寫返封信同交埋封醫生信電郵俾佢，有文件留了都用電郵，不用外出寄信了，太 ...

good la

我想以後有咩報告通知主任都係用email

hohochi

他要的文件是要正本還是副本？

hohochi

我今日上庭要補充資料，要下個星期再上過

alan1872333

hohochi 發表於 15-7-2014 18:29
我今日上庭要補充資料，要下個星期再上過

你是自己填表？

kumiko1030

chongxin 發表於 15-7-2014 16:39
good la

我想以後有咩報告通知主任都係用email

唔得架，本身係要用fax

kumiko1030

hohochi 發表於 15-7-2014 18:27
他要的文件是要正本還是副本？

All copy

kumiko1030

chongxin 發表於 15-7-2014 16:36
以後買四穿六就唔係好方便羅

Hoho唔買囉

kumiko1030

要破產 發表於 15-7-2014 23:34
師妹寫得好詳盡。

其實d主任都好好人，因為我d買貨單都在電腦，幾百張紙，如果出街印，起碼成仟蚊【彩色】 ...

係，我自己有printer有影印功能，所以我全部嚮屋企印，都用咗成包紙同一盒墨水，唔使我拎嚟拎去咁辛苦

hohochi

alan1872333 發表於 15-7-2014 18:47
你是自己填表？

我係自己填表

hohochi

kumiko1030 發表於 15-7-2014 23:24
All copy

好,我係公司COPY