*首先問下為何你個朋友唔做破聯會員?
自己上來問既? 要託你問 ?
亦既然你倆曾經已有老破經驗,
從好多方面可得有知識喎.
不過你可能找對咯,
破聯人材及知識認第二,
相信無同類論壇敢認第一.
問題係:
(1)佢想係7月頭就搞破產,但佢拎左10萬強積金十幾日咁快就申請破產得唔得??第佢怕破產署懷疑佢,因為佢已經破過產1次~)
*破就是破,破一次與破第二次無乜分別,
資不抵債就係原因;
入不敷支就係原因.
祇是第一次破期=四年;
第二次破期=五年.
Sorry 破產條例並無講第三次點 ?
破產一定可申請,但呢10萬一定會被追問,
注意:係追問,非追討.
如有10萬就唔使申破啦.
(2)佢全部都係財務公司數,有d只係還左2期,但就快夠期3個月~(佢問過顧問話借貸期超過3個月之後搞破產就冇問題)係唔係真架?如果借貸期未超過3個月搞破產又得唔得呢??(佢想盡快解決)
*今日唔知明日事,
申請貸款時又點知事後冇能力還?
財仔當時無衡量過咩?
貸款期後幾時都可申破.
(3)用豪賭輸晒錢做破產理由又得唔得呢??顧問話ok,佢又怕顧問為左做生意就話乜都得~
*賭輸晒d錢梗係唔好用呢個理由申破啦,
大把理由你可自己諗咯.
主任亦想你"來龍去脈"愈簡單愈好,
大家好做.
(4)搞破產揾律師定顧問好d,揾律師係唔係安全d?葉x鄧果d律師行係唔係會跟足客人呢??(佢第一次都係揾顧問搞)
*祇答你搞破產絕對唔應該揾"顧問",
全無保障,佢分分鐘"關人",
錢唔會平好多,
但風險絕對倍增.
起碼如申破後被追數,推莊叫人找"律師樓"都似頂得住吓.
301當年本來都有想過做"顧問",但礙於正職時間咯.
(5)如果只係還左2期的財務公司可唔可以報警向法庭告佢誐騙呢?
*會,
財仔確可以敢如此做,
報警告你,
但警方受理與否及處理係另一件事,
曾經有案例被入罪,每人背景不同難比較.
財仔追數既必比銀行追數者無甘斯文,
有定心理準備,
所以佢必會講明會報警謂你訛騙亦屬正常.
又所以你朋友應盡快決定前路,
拖延祇有愈多不愉快事發生 !
以上簡答祇是301過來人意見.
祇供參考
|