破前準備？疑問？

depressman

首先要thank 各位師兄之前嘅幫助．經過一個月嘅不段思考同爬文　我都以經決定老破

但老破前都有小小問題！

１）首先都知道老破要準備文件其多！　想知道申請老破其實要準備ｄ咩文件同要幾多個月嘅statement? 　　我手上只有最近３個月嘅statement, 咁樣夠嗎？ 定要去銀行申請１２－２４個月 statement

２）其實申破後主任系咪會逐條數咁同你對呢？　有ｄ數都幾大真系唔知洗左去邊！　又或姐可能去大海輸左！如果系咁點辦？

３）如果申破後公司要開新ｍｐｆ戶口、開唔開到呢？　公司會唔會知你老破呢？

４）我今日去開左個永ｘ戶口、呢個戶口好clean．凈系出糧　！　呢個戶口系咪可以捱到頒令？　甚至之後留用呢？

５）我其實戶口仲有50k、(每月還款40k) 、我應該可以還埋下個月、後個月先去申破　定　伶曬出來　預留20k 律c 同20k生活呢？　申破前想換埋手機得唔得呢？

６）我除左 Axxn、其他數都系銀行、如果我下個月開始唔還、幾耐佢地會開始追？

真系thank 咁多ching !

唯一

2  打大多叔系

smallcat

１）首先都知道老破要準備文件其多！　想知道申請老破其實要準備ｄ咩文件同要幾多個月嘅statement? 　　我手上只有最近３個月嘅statement, 咁樣夠嗎？ 定要去銀行申請１２－２４個月 statement
最好破前半年都有   放心, 隨即可以向銀行拿翻, 到時間行要幾多個月你先做, 或間行幫你做翻, 不用心急自己做住, 不用24個月這麼多的, 半年基本ok

２）其實申破後主任系咪會逐條數咁同你對呢？　有ｄ數都幾大真系唔知洗左去邊！　又或姐可能去大海輸左！如果系咁點辦？
會主任或外判, (大部份去左外判, 少數好運去左主任)  唔會逐條數, 但比較大既數一定會問, 問題係最好係遠離破產期愈好, 證明你唔係有心抽晒D錢走先破, 呢樣先係最大重點, 至於解釋, 你咪搵D合理原因, 但避免用賭博來解釋

３）如果申破後公司要開新ｍｐｆ戶口、開唔開到呢？　公司會唔會知你老破呢？
mpf 係你打工人工有需要供就會供, 破產影響唔到你呢邊, 但破處或外判會去信通知你mpf公司你已破產, 公司知唔知, 大部份唔知, 但都有機會知, 但呢樣亦唔係你考慮破產與不破既因素

４）我今日去開左個永ｘ戶口、呢個戶口好clean．凈系出糧　！　呢個戶口系咪可以捱到頒令？　甚至之後留用呢？
理論上可以, 或其它師兄管你, 就算無呢個戶口, 你要出糧總會給你一個戶口的


５）我其實戶口仲有50k、(每月還款40k) 、我應該可以還埋下個月、後個月先去申破　定　伶曬出來　預留20k 律c 同20k生活呢？　申破前想換埋手機得唔得呢？
拿曨出來先都可以   你未破產, 換手機無大問題, 都係基本消費

６）我除左 Axxn、其他數都系銀行、如果我下個月開始唔還、幾耐佢地會開始追？

睇你銀行, 一般過左幾日就會出信追你, 之後就打電話, 你自己決定, 但如拖得就拖是比較理想, 一到領令有number銀行都唔會再追, 財仔就會繼續追的, 不過, 都係打下電話咁

301

樓主的確好"小"問題啫,
一切自會在你掌握中渡過.
勿憂.

申破其實好簡單,
未做過"過來人"可能覺深不可測.
如有人勸引你做甚麼"一筆清"或"債務重組"至話申破難.

*有文件,如結單等等當然儲存備用,
但實際申破時要你最後一期已夠.

**申破後存款戶口随時有機會被cut,但亦可能頒令後立即被cut.

***唔供一期欠款當然會立即被追啦,但你有三吋不爛,乜都可講拖至入稟嘛 !

bb_q_888

２）其實申破後主任系咪會逐條數咁同你對呢？　有ｄ數都幾大真系唔知洗左去邊！　又或姐可能去大海輸左！如果系咁點辦？

我試過....如果你破前有一筆錢入(上萬)過戶口係一定會問.
我上律師樓時,D職員會問係咩數(對戶口簿).
第一項支出$5000  我話交租3000.電費1000. 一千日常飲食
第二項支出$4000  煤700.水500. 1500仔女零用錢.(貴...就話包午餐費用)
$1500 日常飲食/家庭用品.
第三項支出$3000  買雪櫃(合理生活需要)
第四項支出$8000  $5000咭數,2000學費,一千日常飲食.

大致係咁,以上係給你參考.唔好照抄.要照單計數.
之後我又外判,外判就更衰.
要你手寫D數比佢睇,加簽署作實.
當時我咪對住D單抄比佢,再加D贍食費/雜費....由申破到見佢....果萬蚊都溶左啦~

devilfish

其實唔駛好多 statement，你搵 6c 攪基本上講得出爭邊間，大概幾多已經得，條數債主清楚過你

MPF 冇影響，除非你 over 60 歲

開個 clean account 係好，可以用到完。

你 d 錢點用。。。我相信我地唔可以教你。。。不過你申破都係因為冇錢... 到你破左產，所有錢除左佢 approve 既你全部要上繳。你破產果日有一蚊都好，都要先上繳。咁你自己諗下應該點做。

銀行追數一般還期就會打比你，卡數通常下個月開始追。