[關於被申請破產]岩岩收到律師信, 應該點做好

ypl38

其實係幫我朋友問...
講少少我自己背景先, 我就黎破左兩年, 都有一段時間無係度蒲頭
我有個朋友, 岩岩俾人申請破產, 佢問我點做我又唔知, 就返黎問下咁高人既地方

佢原本做保險既, 12月俾佢公司炒左, 之後轉左行, 佢以前leader 教佢總之唔洗理間保險公司追數,
自然會不了了之, 佢又真係on99 咁唔理
岩岩係上星期收到一間律師樓既信, 有一張法庭令要佢4 月上庭
佢星期一用過信用卡已經用唔到, 銀行話收到法庭文件要凍結戶口

1. 間保險公司追佢10萬, 其實佢係有10萬現金既, 係唔係可以同間保險公司傾好
還返晒錢就取消申請破產, 到時都唔洗上庭?

2. 佢自己都仲有街數, card+loan 大約15萬, 加埋保險公司條數10萬,
如果真係破產, 會收晒佢依家手頭上10萬現金, 之後破產?

3. 佢話, 橫掂都攪唔掂, 不如過大海博一博,嬴既還輸就由佢申請破產, 但係我叫佢唔好
因為賭輸所以還唔到, 之後破產好似要坐監...

4. 依家佢有10萬係銀行, 我叫佢唔好亂用住, 如果依家佢洗晒去好似會當佢轉移資產又係犯法既, 我咁講岩唔岩?

我同佢講, 其實破都無計, 但係真係唔想佢要坐監

bb_q_888

咁佢現在有工作嗎?
同佢是否想破產?
破產對佢未來影響可能好大.

ypl38

bb_q_888 发表于 20-2-2013 16:13
咁佢現在有工作嗎?
同佢是否想破產?
破產對佢未來影響可能好大.

依家佢打算真係破, 就挨完4 年先算
佢依家返緊酒店炒散, 如果返D 低技術工作, 破唔破其實分別唔大?

thank you c hing

bb_q_888

咁10萬現金,除了生活費外,可再找些card+loan.無為比人懷疑有錢唔還.
其實你都可以比意見佢,你都知點樣保障自己.

worldcat

出左信，果十萬涷過水。
如果咁穚之前買左啲野，又有單有又據。咁用左部份都唔奇嘅。

炒散唯一麻煩係頒令後點樣申請返個戶口。
一般要有在職證明，如果你朋友無可能要解釋多啲。

ypl38

bb_q_888 发表于 20-2-2013 16:52
咁10萬現金,除了生活費外,可再找些card+loan.無為比人懷疑有錢唔還.
其實你都可以比意見佢,你都知點樣保障 ...

找些card+loan

依句唔係好明
其實我真係唔係好識教佢, 我破果陣1 蚊都無... 果9千蚊都係死搵返黎...

但係佢覺得如果真係俾人沒收, 不如換過部電話咁...
咁做其實係唔係有問題???

ypl38

worldcat 发表于 20-2-2013 16:59
出左信，果十萬涷過水。
如果咁穚之前買左啲野，又有單有又據。咁用左部份都唔奇嘅。

即係之前用既唔驚? 依家有信就唔好再用??

worldcat

ypl38 发表于 20-2-2013 21:19
即係之前用既唔驚? 依家有信就唔好再用??

合理開支無問題。
電話跌爛左就要買。

呢排又過年又情人節、洗多左唔奇。之前親戚朋友俾左錢先、宜家俾返人。

提外話、total 25萬、當沒收8萬。即係欠17萬左右。咁你朋友有無需要為呢17萬破產?

温sir

呢個情況幾新鮮，既然你返嚟揾"高人"，哈哈....咁我又答幾句...
我睇就唔覺有乜可担心？
既然只係因欠10萬而被申破，而自己又有錢，咁怕乜？
一、佢申請唔係一定成功！
二、若你哋認為官司輸硬，而你有錢亦打算還，咁你可直接上去講數，你肯還就講掂數機會好高，因為打官司佢哋都要使錢嘅，仲可能攞到折扣。
三、就算最後真係打輸官司，你有錢還清數，咁你哋有乜可能破產？

另外，你講得啱，收咗信後再攞錢去賭，等同逃避債務，好大可能被人告，千祈唔好博！

建議你朋友，一係認輸，上去講數，要扮可憐但又企硬啲，盡量傾到停息分期還。
二係維持現狀，正常生活，不過這段時候唔好拖咭數，直到真係輸咗官司才清數，有錢比無可能要你破產嘅。

ypl38

worldcat 发表于 20-2-2013 22:03
合理開支無問題。
電話跌爛左就要買。

即係沒收左之後仲有欠債, 都仲有得選擇破定係做IVA 之類?
佢依家已經係收到通知4月要上庭, 債權人申請佢破產喎

ypl38

温sir 发表于 21-2-2013 09:29
呢個情況幾新鮮，既然你返嚟揾"高人"，哈哈....咁我又答幾句...
我睇就唔覺有乜可担心？ ...

岩岩問左個律師樓拎債權人聯絡, 佢話有乜講低經佢地轉達
咁佢係唔係應該直接搵返間保險公司? 去講數點還俾佢
傾得掂佢地會取消個破產申請, 咁4月個庭都會取消埋?

你"三" 果個情況係還晒喎, 佢依家還得保險公司條數, 佢仲有D loan+card 數無得還
咁沒收既錢會俾晒保險公司先? 定係會分埋俾D 銀行? 唔係好明

worldcat

ypl38 发表于 21-2-2013 12:19
岩岩問左個律師樓拎債權人聯絡, 佢話有乜講低經佢地轉達
咁佢係唔係應該直接搵返間保險公司? 去講數點還 ...

個人理解
沒收得、即後破左產。破署會分俾所有債權人。
同保險公司傾掂數還錢、咁即係無人申請你朋友破產。咁錢還晒俾保險公司、銀行果邊無事發生、繼續照平時還錢清數。

ypl38

worldcat 发表于 21-2-2013 13:01
個人理解
沒收得、即後破左產。破署會分俾所有債權人。
同保險公司傾掂數還錢、咁即係無人申請你朋友破產 ...

岩岩佢同我講
佢計埋股票有13萬左右
咁佢依家係唔係應該即時放左D 股票??

另外, 佢話之前借左人錢, 2萬蚊, 同埋8 千蚊, 係朋友私人借既
依家還左俾人先有無問題? 我叫佢唔好住, 驚第日話check 到佢戶口有異常...

ypl38

push

bb_q_888

睇完大家對答,我諗到少少野,
假若....欠17萬,而總資產又超17萬,這樣就破不成.
個官一定唔批,
其實保險公司一定係查到當事人有錢在戶口,所以先會咁做.

反正現在要出動律師,何不睇清保險公司合約,是否真的合理?
上堂講理據,條文不清都有得打, 還10萬是計出來?還是誇大?
如果找哂共他數,你朋友....仲邊有錢還?

錢(現金).....一定無哂(還錢),
到底想破或不破,要早些決定.

bb_q_888

ypl38 发表于 26-2-2013 12:54
岩岩佢同我講
佢計埋股票有13萬左右
咁佢依家係唔係應該即時放左D 股票??

清左數先.