小弟申請破產之歷程-- 後記

rangocheung

好耐無上黎呢度, 差D 連自己個帖都搵唔返....
如有BROTHER 想睇返我之前個POST, 去呢樹睇啦: http://www.hkiva.org/bbs/forum.php?mod=viewthread&tid=7945

記我之前講到... 我以為知道邊個係我外判, 點知都唔係...
直到8月頭, 我先第一次去見外判主任, 亦都係傳說中既石哥!!
當佢地果邊打黎約我上來既時候, 我個心都真係沉晒...

直入戲肉吧.
石哥既主任, 一見到就比最少10張紙我填, 填完都要半個鐘...
再等多15MINS 主任先再返入來間房同我傾.
老實講, 自問係個醒目人, 有小小地方都比佢問起, 不過當然我拆得掂...
咩事差D 比佢考起呢? (呢樹講多小小背景)
我一家3口, 供緊樓, 化骨龍讀緊K1, 我TTL 收入約20K
主任: 你住緊層樓係邊個名?
我: 老婆1個名
主任: 有咩證明?
我: (我心諗, 你都ON 9, 我上得黎緊係做晒功課啦) 過去3年有關層樓既文件已經係度, 你慢慢睇, 有咩唔明我再補充
主任: 睇左10MINS, 無咩出聲... 然後問: 邊個供?
我: 我都無名, 我點供? 緊係我老婆供啦!
主任: 甘佢有無做野?
我: 無野做邊有收入供樓呀? 當然有做野, (我比埋老婆最近2個月糧單佢睇)
主任: 家庭開支邊個負責?
我: 大部份係我啦, 有數得計.... (講返我填份表既資料比佢聽... UP 左幾MINS)
然後呢... 仲對答左好多問答, 不過唔太記得了, 都係計數遊戲...

最後, 主任計到我條數, 每個月我既零用係16K, 因我係拆佣, 佢批左比我3個月先埋一次單, 即我最高既零用係16K X 3 = 48K
如果3個月加埋超過48K, 多左既就要比佢, 入落去佢指定既戶口, 小過48K 就全部都係我袋袋平安了.

當然, 石哥佢要我做既野都好很多, 如:
A. 每個月出糧後要FAX: 1. 糧單, 2. 支票COPY, 3. 入數紙, 4. 月結單.
B. 出境: 如要過夜, 一定要FAX 事前通知, 不過夜就不用FAX. (過夜定義為, 超過00:00)
C. 年結必備文件: 稅單, 糧單, MPF 報表等, 太多唔很記得
D. 口講仲有D, 但真係唔很想記

後話:
呢條主任傾正經事就全程錄音, 錄音當然只講FORMAL 野. 一傾掂數就變左, 我地仲吹水吹多20MINS, 主要講我層樓好抵, 又供得平呀, 吹完錢銀, 又點會唔吹下女人丫... 條友都好係D識玩識食既玩家... 哈哈.
臨走仲懶正經甘同我講: 有咩唔明唔知點做就打比佢, 我答佢話你想我咩鐘數搵你先? 然後對望大笑無再答咩野就閃左人了.

rangocheung

呢個POST 既目的, 係想同大家分享下之餘,
其實只要自己條數計得清楚, 個零用都可以幾可觀!
不過大前提一定係, 呢條數合邏輯, 有SUPPORTING 文件同合理.

另外仲想同大家講聲, 破產後唔係世界末日
生活仍然繼續
很重要的是
自己要看得起自己
亦要繼續努力工作, 生活...

破產後我還開了2間有限公司, 開展左一D 新的業務
唔係一定賺, 但都會努力去搵多D, 電視廣告都有話: "希望在明天丫嘛!"

各位弟兄姐妹, 共勉之!!

20202003

祝你好運！！！

現今老破有乜咁大件事 ~~~~~~  

温sir

rangocheung 发表于 8-10-2012 02:20
呢個POST 既目的, 係想同大家分享下之餘,
其實只要自己條數計得清楚, 個零用都可以幾可觀!
不過大前提一定 ...

[不要放棄表達　如果是有心聽你說話的人　就一定能把意思傳遞給他]

[自己要先看得起自己，別人才會看得起你。]

[祝福朋友們永遠快樂！]

smallcat

師兄, 我都係同隨雨石差唔多名既石哥, 不過, 主任其實佢地有D似admin, 除左生活費, 真正批你其它野係佢地入面另外既律師, 就係主任講既trustee   

主任其實都係admin 所以, 佢地同你吹水唔出奇, 不過, 你再打去搵佢佢都唔會係點記得你同理你 因為佢地人太多, 數X個case

flypig

rangocheung 发表于 8-10-2012 02:20
呢個POST 既目的, 係想同大家分享下之餘,
其實只要自己條數計得清楚, 個零用都可以幾可觀!
不過大前提一定 ...

破產後我還開了2間有限公司, 開展左一D 新的業務
唔係一定賺, 但都會努力去搵多D, 電視廣告都有話: "希望在明天丫嘛!"


係用自己名還是人地名??
自己名好似有問題

worldcat

多謝分享！

mickey7100

多謝分享!
[自己要先看得起自己，別人才會看得起你。]十分同意

2011年10月

LIKE !

温sir

2011年10月 发表于 8-10-2012 16:49
LIKE !

...點解我無呢個嘅！？！？

2011年10月

去默認表情就有啦溫SIR , 想問下點解我用唔到引用既 ?

温sir

2011年10月 发表于 8-10-2012 16:55
去默認表情就有啦溫SIR ,  想問下點解我用唔到引用既 ?

唓！呢個要人哋比至有用.........
"引用"點解用唔到？.....呢個............因為......我都唔識用

pre-bankruptcy

好好既一個Post，我剛剛正在系度整理緊自己既破產文件，睇返自己既過去對比現在真系好心酸。不過見到樓主篇野，感覺樓主好似仲比以前過得好，見你咁既態度真系幫到忙！最重要就系樓主話依家仲搞緊兩單新生意，真系可喜可賀！

睇咗好多Post，除咗感覺到好多過來人好熱心咁幫助現正深受破產煎熬的人（如我）之外，仲見到大家身邊都仲有好多不離不棄既親朋戚友幫助，真系想同大家講，相信你我走到今日應該都會感受到很多人情冷暖，如果今日你身邊仲有朋友，這些朋友都要珍惜，因為他們在你最困難的時候都唔會嫌棄你。真系要好好珍惜！

唔好意思煽情咗D！

dopod123

個主任是否MR CHAN

rangocheung

flypig 发表于 8-10-2012 10:37
破產後我還開了2間有限公司, 開展左一D 新的業務
唔係一定賺, 但都會努力去搵多D, 電視廣告都有話: "希望 ...

兩間都係1個非親屬關係, 但99% 可以信任的1位朋友

rangocheung

dopod123 发表于 11-10-2012 10:45
個主任是否MR CHAN

厲害, 甘你都知~
CHAN唔通係同你同1個主任?

rangocheung

pre-bankruptcy 发表于 8-10-2012 17:20
好好既一個Post，我剛剛正在系度整理緊自己既破產文件，睇返自己既過去對比現在真系好心酸。不過見到樓主篇 ...

首先多謝呢位兄台先~
其實, 老實講, 而家我既環境真係比之前好左,
我有反思過亦反省過, 我發現我最大既轉變, 係來自唐唐既一句名句: "你講大話!"
BR 之前, 好多時為左D 錢銀周轉, 會成日諗計去借去度, 反而而家根本無左呢個煩惱.
唔駛諗錢銀問題就唔駛成日講大話去度水.
而家個人小左煩惱, 就集中精神去合法地搵錢, 搵客做生意, 又因為無左憂慮, 我個人心情輕鬆左開心左, 心情好做野又會順利好多(個人正面, 就會吸引到正面既野返來, 就自然順利左, 然後又會令自己心情繼續好), 所以而家真係開心左好多~
另外, 過去甘多年經歷好多人情冷暖, 而家仲係朋友既唔多, 不過3 5 7 個都仲有, 呢D 就會係呢一世既朋友. 所以, 而家我係好珍惜自己所擁有既人, 事, 物...

dopod123

rangocheung 发表于 31-10-2012 10:41
厲害, 甘你都知~
JXX CHAN
唔通係同你同1個主任?

個名前面個字冊咗佢

唔係得一個，因為我知呢個比較好啲

好快過呢4年，多啲上嚟吹下水

Waiting

樓主就好啦,跟個比較好的主任,我係大舊石度果個主任姓"john"既,超賤同超懶,我拎封解破信比佢搞足個幾月,打幾次電話去問都唔覆,到覆時竟然依家至叫我去攞強積金保留查冊喎,轉頭又話要拎馬會取消戶口信,攞唔係問題,早d響丫嘛,擺明係玩野,佢再搞多我一頭半個月我就去法庭告q佢,話佢不公平處理我的解破case.

天帝

Waiting 发表于 31-10-2012 13:44
樓主就好啦,跟個比較好的主任,我係大舊石度果個主任姓"john"既,超賤同超懶,我拎封解破信比佢搞足個幾月,打 ...

現 在 未 搞 掂 ? 告 Q 佢