頭七、回魂、破地獄

20202003

靈堂內，常見有一張俗稱「黃紙」，其實正確名稱又叫「黃榜」、「喪榜」。

通常先人過身第七日先至知自己經死亡。

魂頭最矮有九尺，最高係一丈八尺。

魂頭愈矮，愈代表先人福德少、孽報大、唔甘心、走得辛苦.....等等。


基本上，「黃紙」內容係生人生肖、歲數迴避相冲、先人回魂時間、魂頭丈數、來回方位、入何道....等等資料。

頭七並不等於回魂夜！

頭七係人死後第七日，例如：1 月 1 日死亡，1 月 7 日就係頭七！


計回魂，係需要用到通勝查察，才能夠得知天干、地支、魂高及空亡。
(即先人回魂時間、魂頭丈數及來回方位)


天干(日子)：
甲/己=九尺、乙/庚=八尺、丙/辛=七尺、丁/壬 =六尺、戊/癸=五尺。

地支(時間)：
子/午 =九尺、丑/未=八尺、寅/申=七尺、卯/酉=六尺、辰/戍=五尺、已/亥=四尺。

空亡：來、回方位。

魂頭：最矮有九尺，最高係一丈八尺。

例如：A 君已福壽全歸.........


「計魂頭」

A 君死於甲日 (甲/己=九尺) 、子時 (子/午 =九尺)。
由此得知 A 君死於甲子日，魂頭就有九尺(甲/己=九尺)，再加九尺（子/午 =九尺）高，合共係一丈八尺，代表A 君魂頭有一丈八尺高。所謂魂頭高度，其實即係先人陰身可以升降嘅空間。





「計回魂日子」

A 君魂頭有一丈八尺高，回魂夜之前，魂頭會向上升到泥土裡面停留，而魄則會向下降入地有一丈八尺深，因為魄會每日升一尺，代表死後第 18 日晚上魂魄就會聚合一齊，亦即是回魂夜。



「計空亡」(來回方位)

A 君死於甲子日，甲子日行嘅空亡為戍亥，戍亥代表戌時來，亥時回。
戍時代表西北方，亥時同樣代表西北方。由此計算得知，A 君會於西北方來、西北方回。




若死亡時間、日子都正確無誤，回魂時間、魂頭丈數及來回方位就定必冇錯。

20202003

破地獄

破地獄目的，希望令得倒接引、超拔、救度，從而幫亡者消災解難、解除亡者罪孽。

喃嘸師傅以「魚貫躡步」及「花紋步」替亡者開路，並帶亡者過通關、過橋、遊十殿去地獄。

此法事能夠令亡者醒覺、頓悟而得到安慰，放下執著。

過程進行時，師傅口內含水，然後用力噴出大火。

因為火能化刧消孽、解苦難。故此，人家「跨火盆」都係咁解。

「花紋步」速度突然快加穿插、急轉，係代表已有仙佛降駕護法。