傻婆大鬧高等法院...

man3x

尋日..我到左法庭..比身分證報到時..我聽到後面有個女人係度講電話...
話..佢扼左我錢..佢依家係法院申請破產...我要阻止佢..你地快d黎啦...
我當時以為佢係通知家人朋友...點知...原來佢係打緊..999
我一轉身...行左2步..見佢搶左一個男仔既身分證..個男仔就大叫..你做咩搶我野呀...
女: 你扼左我錢..我唔會比你破產咖
男: 你做咩搶我野呀..快d比反我..

講左幾句癈話之後..就當然係有食蕉行黎了解啦.食蕉問個女人..個女人就話..佢拖左我4千幾蚊糧.佢已經唔係第一次咖啦.佢第2次破產..佢係壞人...跟手..個女人就將個男人既身分證袋入手袋..
呢個時候..就一定係再多幾個食蕉行埋黎啦..
個女人就話..佢已經報左警.police黎緊.我唔會比反身分證佢咖..食蕉點講個女人都係唔聽.
到police到既時候..我又夠鐘入去..
入到去...一陣..呢2個男女主角又入埋黎..
庭既職員就叫左2個主角行出去...問左個女人..係咪要反對呢個李先生破產...個女人話係..
職員:..咁你一陣自己同法官講啦..

開庭..個官問個女人..點解反對..個女人當然只係講埋d九唔答8既野啦..話係佢既辛苦錢..如果法官大人批左佢破產..我咪好慘
官話..如果你要反對.你必須要提出証明...呢個李先生有資產.你先可以作出反對.如果你提出反對.但你又搵唔到証據.你係雖然負責堂費的....個女人依然係傻下傻下咁..唔接受法官既講法..仲話..咁我咪好慘
ps:..個女人隻耳仔聽野唔係咁好..佢當時既姿勢係..好似小朋友比老師罸蚊耳仔咁..2隻手蚊住2隻耳仔..向住法官.
真係比呢個女人笑死...

原來...呢個女人一年前係幫個男仔做家務助理.個男人就欠佢4千幾蚊糧.個女人就用左一年時間去搵佢.又去勞工處投訢.應該係勞工處話比個女人知..呢個男仔已經申請左破產.係保障當時人既法例下..都無辦法咖啦...咁..

終於明白..點解有好多人無野做..都會1庭聽審...有時真係有好多笑話發生...

flypig

唔係錢的問題
係條氣唔順

人如果可以放低自尊
放低自我
放低執念
生活會容易好多

如果為錢
不如俾心機再搵好過
生命有D野蝕左就蝕左
去追連時間都蝕埋

BB5555

呢個世界咩人都有....

tk226

乜原來有人反對,係唔可以申請破產嘅咩??

tk226

第二次申請破產, 會唔會唔批???