尋日..係庭度聽到小小債務重組野...同大家分享下..

man3x

尋日..係庭度聽到小小野...就係有關債務重組..
有個男人..佢有代表律師...

個律師代佢向法官講...呢位先生...係2年前做債務重組...每個月還$6000...係8月4日自己申請破產.但債務重組係未完結的.

而另外就仲有2單都係自己申請破產..個2單都係..申請人係債務重未完結,,就去申請破產.
負責既法官姓陳...

尋日呢位先生既代表律師話..因為個2單同類案件..仲未知道..申請人係法律上..係未完成債務重組下..是否可以自己申請破產.所以破產管理局要求將此案壓後,直到之前2單案有結果先再去決定...

最終..尋日個法官同意將案件推到10月30日再上庭..

之後...我就出左去出面..等補資料時..就聽到呢個男人..同另一個男人講,,早知2年前就直接攪破產..依家始終都係行呢條路..晒左2年時間...仲要晒左..接近15萬...

所以....當大家如果...真係應負唔到債務..不如直接申請破產啦...唔好攪咁多野..

301

甚多例子"債務重組"後果爛尾,
浪費金錢與時間....甚至青春.

因為d人始終唔面對現實咯.

天帝

果 幾 位 人 士 係 米 年 青 人 ?

bb_q_888

睇完文感想.....每月供6000壓力,同供唔完咭數一樣,
如果入不敷支,就唔上唔落~拖住唔比破對件事有咩幫助?
法律程序....煩C人.

smallcat

其實債務重組, 都要看自己能力, 有時太高估能力變左壞事, 所以, 如果還款多過5成至5成半, 基本已構成危機  

worldcat

你講起又講，去到11/f等解涷信。有個阿媽係lift口大大聲教女。一來教女就返屋企教，二來上得去多數都係申破人仕。個阿媽講啲說話都幾刻薄，我同另外一個人都座過另一邊。

聽佢講，佢個女年頭申請iva,上個月就申破。嘥左唔少錢。又要佢煩餐死。

smallcat

worldcat 发表于 12-9-2012 13:33
你講起又講，去到11/f等解涷信。有個阿媽係lift口大大聲教女。一來教女就返屋企教，二來上得去多數都係申破 ...

其實都係計一條數咯, 做iva之前當然要預測自己既還款能力, 比如會不會加薪, 份工有無危險, 供款年期, 自己能不能過好慳儉既生, 如果有突發有無家人資助等等, 所有野一定要全部考慮, 做iva唔一定唔成功, 問題係當中大家高估自己能力, 低估突發事件!
亦唔可以話iva就係錯, 有d工作真係唔方便破產!

man3x

天帝 发表于 12-9-2012 12:56
果 幾 位 人 士 係 米 年 青 人 ?

尋日係庭個個男人...都有反咁上下年紀..一定over...55..佢似生意人...或者係管理人任
而另外2個case..只係尋日個代表律師講..之前有2個案列...但就完全唔知係男定係女...

天帝

man3x 发表于 12-9-2012 14:09
尋日係庭個個男人...都有反咁上下年紀..一定over...55..佢似生意人...或者係管理人任
而另外2個case..只 ...

over 左 55 一 了 百 了 破 左 去 la

man3x

佢自己都同身邊個個人講...早知兩年前攪...好後悔拖到今時今日...

又題外話..尋日同一庭有成...110人左右...
不過到既人數就無100人..因為如果有律師攪既就唔使上庭...
我見到好多...都係..未夠30就破....唉....真係唔明點解d人.....咁後生就要行呢條路...
自問自己都係因為層樓..同死佬既不負責任..

301

根本所謂"債務重組"，
以前往昔邊度有！

係銀行家諗出來既最後一招。

man3x

個人認為...債務重組..只係乙水你....還得幾多得幾多...
就算你真係還到.....日後都一定已經黑名單左...

worldcat

man3x 发表于 12-9-2012 14:23
佢自己都同身邊個個人講...早知兩年前攪...好後悔拖到今時今日...

又題外話..尋日同一庭有成...110人左右. ...

宜家借錢易左，十幾年前我第一張信用卡都要有保証人。宜家真係有身份證就借得。銀行壞賬自己都有一定責任。
加上呢一兩年股市又咁，好多人借錢炒股越炒越燶。

最後一批比較慘，就係借錢讀書個班。副學士/學士，未出黎做野已經欠政府十幾廿萬。有部分人跟本就唔係讀書材料又唔肯由低做起或接受自己資質平傭，出黎做一兩年野都係搵幾仟但受朋友影響用就用一兩萬。

如果社會風氣唔變，其實情況只會越黎越差。

tk226

如果係專業人士，就要認真考慮。因為如果你一破產，個牌就無架啦。

pretty311

worldcat 发表于 12-9-2012 14:50
宜家借錢易左，十幾年前我第一張信用卡都要有保証人。宜家真係有身份證就借得。銀行壞賬自己都有一定責任 ...

師兄,

呢兩三年個市好難炒, 好多人炒燶期, 再下正是。

OCO1582

債務重組，我算係當事人。
我覺得係要睇意志力，同埋真係要有曬心理同實際準備。
始終還錢時間唔短，唔易過架

bb_q_888

OCO1582 发表于 13-9-2012 01:00
債務重組，我算係當事人。
我覺得係要睇意志力，同埋真係要有曬心理同實際準備。
始終還錢時間唔 ...

你係諗清諗楚先做債務重組,而且只要供完果條財務,你應該會鬆D.
只要你忍一~兩年.....餘下日子就好過.比心機啦~

smallcat

bb_q_888 发表于 13-9-2012 20:15
你係諗清諗楚先做債務重組,而且只要供完果條財務,你應該會鬆D.
只要你忍一~兩年.....餘下日子就好過.比心 ...

oco 兄既情況應該係特別D, 佢人工會一路加上去, 其實佢條數唔係真係好大, 破產佢都要還2, 3千或更多, 反正佢係要還錢, 所以, 佢重組都唔一定係壞事!

Creamsoda

重組完成之後, 銀行條數始終係清左, 對之後的影響少D

worldcat

man3x 发表于 12-9-2012 14:28
個人認為...債務重組..只係乙水你....還得幾多得幾多...
就算你真係還到.....日後都一定已經黑名單左... ...

未來幾年分別唔大，但10年8年後就唔同。
銀行內部有晒所有破產人資料，佢保留幾耐都得。恒生俾人嘈過都係咁。
drp,話係舒緩借貸又得，話係另類借貸又得。但還晒後5年tu就無record. 除左宜家欠錢銀行知，其他銀行第時唔會查到。

都係果句，欠債還錢天工地道，如果計過數有能力未償不可。好似oco兄，有正當職業又可以5-6年搞掂。第時清晒紀錄都係30頭，唔需要揹主破過產嘅包服，做按揭搵野做(政府/金融/專業人士)都可以少好多固慮。