JP Morgan CEO怒摑Ms. Pretty

maberdeen

JP Morgan CEO怒摑Ms. Pretty

「盛女愛作戰」搞到全城炒友，股都唔理，齋講「盛女」。有人話，女人嘅外在美重要，但內在美都唔可以少。嘩！咁同領匯(00823.HK)又要名，又要利有乜分別。
關於這個問題，外國討論區就有，比Santino (唔係Sandino)更附有「啟發性」嘅見解！JP Morgan CEO怒摑Ms. Pretty。
以下翻譯，加入香港元素，加鹽加醋就梗嘅。
如何嫁個有錢人？ (Posted by Ms. Pretty)
開個咁嘅Post，因為我係真心想問點樣嫁個有錢人囉！
講真我嘅條件係非常之好，25歲，外形超索，有Style同埋有品味囉。我只想嫁比一個，年薪二百萬以上嘅男人。
你可能會覺得我好貪心，不過係香港三四百萬收入的，才算係中產。你睇下410萬嘅樓叫「窮人恩物」，要過中產嘅生活，最少要住一千萬以上嘅樓啦！
我嘅要求都唔係好高姐！請問有冇人收入多過兩球架？你係咪已經結咗婚？我想問，如何嫁個好似你咁有錢嘅人。
同我拍過拖嘅，最有錢都係年薪一百萬，依個好似係我嘅上限咁！如果想住西龍嘅天壐、君臨天下嘅海景單位，年薪一百萬，唔夠囉！
好想有人解答我，以下幾個問題:
1) 邊度可以搵到最有錢嘅人？(請列出酒吧、餐廳、健身室嘅名同地址)
2) 我嘅目標係幾多歲嘅男人？
3) 點解咁多富豪嘅老婆，個樣都係好一般？我識幾個女仔，冇樣又唔得，但係佢地竟然都嫁到有錢人！
4) 你娶老婆會考慮啲乜嘢條件？又或者係點樣成為你嘅女友？
好想嫁個有錢人嘅索女小姐

J.P. Morgan CEO Jamie Dimon好有深度嘅回覆
親愛的索女小姐:
你的提問非常有趣。我估除咗你之外，仲有好多女仔會有相同嘅問題。請讓我以專業投資者嘅角度，去分析你嘅處境。你放心！我嘅年薪有二百萬以上，合乎你嘅要求，所以我希望各位相信，我唔會浪費大家時間。
如果我係一個商人，娶你絕對係一個錯誤嘅決定，答案好簡單，請讓我解釋。
而你一再強調的，就係解釋用「美麗」去換取「金錢」。阿玲提供「美麗」，小明用「金錢」去買，夠曬公平。
不過，有個致命嘅問題。你嘅「美麗」會流逝，但我嘅「金錢」唔會無端端唔見咗。事實上，我嘅收入可能一年高過一年，但係你唔可以一年靚過一年。
因此我係持續升值嘅資產，而你係不斷貶值嘅資產。而且，唔係慢慢咁貶值，係插水式咁貶值。最重要嘅係，那就是你唯一嘅資產，你嘅價值係10年後，應該會剩返唔多。
用返金融術語，每個交易都有一個倉位，同你拍拖都係一個「交易倉位」。如果個倉蝕錢嘅話，我地會立即止蝕，並唔會持有好耐，即係唔會同你結婚。雖然咁樣係好殘忍，但係聰明嘅投資決定，就係沽出任何貶值嘅資產，或者租住嚟用就算。
更重要嘅係，任何年薪超過二百萬嘅男人，都唔係傻嘅。我地只會同你拍拖，但唔會娶你。所以我會建議你，忘記嫁個有錢人嘅諗法。By the way, 其實你可以自己，成為一個年薪超過二百萬嘅人，咁樣比搵一個有錢嘅傻佬，容易得多。
Signed,
J.P. Morgan CEO

雙方思想相差太遠的話，再多嘅理論，都唔係好實用。

dopod123

最實際就係我有二佰萬年薪
不過我要超索女我會餐餐清唔會有感情

要有感情唔一定要索女

maberdeen

我都係咁話.....
都係搵個有感情嘅普普通通就好囉