新手報到

Daphne0533

準備舉手，本來想將餘下20萬卡數做清數（好大機會借唔到），所以同妹妹商量過都係舉手，仲未同老公坦白（其中有40係俾人呃左錢），暫時未有遲還紀錄（期期都死頂緊）

總數欠61（獅子其實做左重組貸款31萬，已經還左兩期）正職月入1.9萬，想問下到時係咪連PT都要上報（都係自動轉帳、不過係另一個戶口出糧），本身份正職有扣糧，到時報係報扣糧後？定正常人工？

另外想問下，入左紙宣誓完（打算搵律師攪），係咪可以即時拎到張解凍紙/開戶紙？！定係一定要頒令後先可以開戶？！公司應該可以出支票，但拎唔拎到錢？（現金票或人名現金票）

唔好意思，太多問題，謝謝

Daphne0533

打算辭左份PT，搵份出現金既PT

mongchacha

如果你想舉手，原來要預早好多做準備，我兩個月前搵三姓幫手搞文件，原來都要搞到九月中先至頒令。要好好預計吓交幾多期數先好舉手（避免俾人追數追到上公司），同埋如果可以的話睇吓點樣有辦法預留啲錢喺身邊，我就係冇經驗，戇居居就咁走去舉手，跟住搞到成個月仙都仙，差唔多食飯都冇錢。獅子戶口會有入冇出，出票攞唔攞到錢我都唔敢肯定，嚟緊我個月出糧都會面臨呢個問題，因為我冇搵律師幫手申請張解凍紙，所以要等頒令之後聯絡負責人