新手有幾個疑問想問咁多位師兄

最失敗的一刻

小弟因為賭博欠下80幾萬（月薪36倍）
如無意外都準備要舉手，但係有幾個後果接受唔到。
1 我宜家住緊果到係供緊既自置公屋，同我媽聯名，咁我破左之後預左佢釘契，但係佢收返即時拍賣既機會大唔大？層樓我媽結婚住到宜家幾十年，佢都70有多宜家要佢搬既話真係接受唔到。
2 如果我填要養老婆加1個女加我媽,生活費果到可以批到幾多？

唔該晒各位師兄

補充內容 (18-9-2024 17:27):
同埋想問到時問你破產前幾個月d錢去左邊可以點答？

外圍撚

1. 一半業權由破產處管。四年後你比錢買返一半業權 唔係就拎去賣 一般俾返你阿媽一半俾破產處。

最失敗的一刻

外圍撚 發表於 18-9-2024 17:06
1. 一半業權由破產處管。四年後你比錢買返一半業權 唔係就拎去賣 一般俾返你阿媽一半俾破產處。 ...

師兄即係就算賣都係等我破產期完結先會開始？

欠一百萬

一般來講, 幾時提出另一半去購回你的業權, 無準則, 都係考慮當時及未來個物業的價值. 有升值可能的也許等幾年甚至10年都會. 無升值或者會早點問另一半持份者購回.

但你個CASE , 有一個問題,你母親現時都70歲,  先唔講首期是誰付, 開始供樓時, 你母親當時幾多歲, 有冇收入去負責供款一半, 如果由始至終都係你供全數, 會比受託人質疑. 呢個問題, 你最好申破時去律師樓問一問律師.

最失敗的一刻

欠一百萬 發表於 18-9-2024 18:10
一般來講, 幾時提出另一半去購回你的業權, 無準則, 都係考慮當時及未來個物業的價值. 有升值可能的也許等幾 ...

咁比佢駁到會變到層樓係我100%持有？層樓綠表價應該仲多過我既欠債幾十萬

外圍撚

最失敗的一刻 發表於 18-9-2024 18:29
咁比佢駁到會變到層樓係我100%持有？層樓綠表價應該仲多過我既欠債幾十萬 ...

正常唔會 搞你要證明好多野 多數簡簡單單50/50

Terea

外圍撚 發表於 18-9-2024 17:06
1. 一半業權由破產處管。四年後你比錢買返一半業權 唔係就拎去賣 一般俾返你阿媽一半俾破產處。 ...

拍賣半層（50%業權）呢啲碎契樓其實會唔會冇人買？賣唔出齋釘契咪又佢釘一直住

Yuyuyuu

1. 破之後你個5成業權會由破處接管, 然後會出信俾你媽問佢會唔會買埋你個5成。佢唔買既話破處通常都係擺係到, 唔會咁快就賣出去, 可能都要幾年, 無準則。同時間你媽媽都可以繼續住。
2. 視乎你收入同支出, 如果真係批1養3, 老婆同媽媽都無做野, 我估起碼都2萬中。
3. 點樣答破前啲錢去咗邊? 如實答囉，除非你有違法野先再諗

金龍華

樓係最鳩麻煩，亦唔會個個情況一樣，到最終都係睇破處點講